اعتبرني حلم شفته
في منامك
واختفى

قبل ما تصحى
عيونك راح
في جفنك
غفا!!!


محمد الثوعي

‏صباح الخير والطيبه .صباح الورد . والأفراح
صباح البسمه العذبه من شفاهك يامحلاها


صباح ٍمختلف عطره مع النسناس هب وفاح
وغنت لك طيور.الحب لحن مجنون .مغناها


محمد الثوعي

يارسول الشعر .. هيٌا تولم ..للسفر والمسافات البعيده
طرقة ٍ مايجيها غير شاعر يعرف أوزان قافه والمعاني


محمد الثوعي

فوري

احرص على قول الحقايق والأسباب
واترك ..علوم .. محرفين .. الاقاويل

بعض السوالف تجعل الرجل كذاب
ويصغر مقامه في عيون الرياجيل


محمد الثوعي

شكرا لكل من أراد أن يمارس استاذيته!
على ر جل قد جاوز الخمسون من عمره
ولكن لازلت اقول.

عبث نكتب ولانصدق
عبث نكذب على انفسنا
نقول عشنا ولا جعنا
وجعنا من مواجعنا
لبسنا من هدوم الكذب
مايستر عرانا
وزيفنا مشاعرنا وغنينا
هوانا!
تناسينا مآسينا تصبحنا تمسينا
وحنا مثل ماكنا
نغني والاغاني جرح!!
وكم مره عقدنا الصلح
بين الملح وايا الجرح
عبث نكتب ولانصدق
عبث نكذب على انفسنا

شطحة فورية!!


بعض البشر ماتملك افكار واحساس
عاشت .ولكن .في .غياهب ..جهلها

مايعرفون. الطيب .والصدق . بلّاس
اهل. الهروج .العوج.. ربك ..خذلها

واللي جعل .فعل .المطاليق .نبراس
ورثة ..جدوده ..فوق ..متنه .نقلها

يستاهل .التقدير ..ياحيّ .هالراس
يصعد .على .القمه ..ويترك .سهلها


محمد الثوعي

حجمك طبيعي لاتزيده.. وتنقص
........ماهو بزايد فوق. هالناس حجمك


لوطبلو لك. بعض.. الاريا وترقص
........ياسرع مايهوى على القاع نجمك


محمد الثوعي

ماني على الغرات .رجل ٍ عجولي
لاشك .بعض الناس ما ابغى غثاها


واللي ميوله ياعرب من ميولي
أمشي معه والنفس تتبع هواها

محمد_الثوعي