|
غِناء حجازي : - * وش اللي صار ؟ اذا البست السما .. جلباب ! وكان النجم " حبة خال " وجمّعت الكواكب " ساق للخلخال " وسويت المدى " أنثى " وخليت القمر .. يختال وسمّيت الغيوم " احباب " وكنت اللي ان حضر ماغاب ، وكنت اللي عظيم ان غاب وش اللي صار ؟ اذا اهديت الشعر " فكره " - وكانت تشبه السكره على كوبليه " تنتظره " ! وقلت : الللللللللله في نشوه " وطاحت من يدك قهوه ولا باقي سوا " الرغوه " كذا تكتب .. كذا من تنسكب " تنصب " يصير الشعر " يتذهّب " وكنت الصولو - المذهب ، وكنت الجملة الأكثر : جنون بكل مايخطر .. نعم " غنّت اصابعنا " - نغم : لو هي مواجعنا ! مواجعنا " رفيعة شان " مواجعنا : من الـ يامال الى ياعين ليل ودان .. وهي اكبر من الوجدان .. وهي من سادة الألحان ولو : في رمشها الناعس .. غفى موال متبغدد ، وصحى موال متفرد من اخر " حاره بمكه " لمكاوي " اعتلى دكّه " ويتسلطن : ويدهن صوته بزمزم ومن موّل ، كذا من أوّل الأول تجمع له : حمام البيت ، كأنه ينثر الموال مثل حبة دخن " سمرا " - كذا أكتب لك " كذا إقرا " كذا اخلق لك شعر آخر .. واعطّره بعطر فاخر ! |
انا على موس " الحكي " أحصي : واعد اللي بقي ! واقف على : رمح الكلام ، وشقد محتاج السلام ! كل ماارتخى رمش وغفى ، اصحى على غالي رمى ! يارب .. لو صدري يطير ! الأرض " ماعادت بخير " يارب : لو أقدر أصير ، في هالسما طير .. واطير ! ان ضقت : لجناحي مدى ! وان رقت : صوتي له صدى او اني اصبح " أغنيه " في جِيد غيمة مدنيَه ! كل ماتصب أمطارها .. كِن قسّمت " اوتارها " حتى إذا - فاض الغنا ، وامتد الأزرق بالسما طلّ القزح .. مثل الفرح .. هيمان ، له وجهٍ سمح ! يارب : لـ اجرح " لـ انجرح " ماعاد فيني .. للسواد ، اللي ملى صدور العباد الله : لو إني شعر .. واهرب : من صدور البشر ! واغفى " وانا بين السطور " ! وآمّر في كل البحور ، ويمرّني المعنى " ويثور " وارسى على ساحل .. كحل ! بـ آخر قصيدة : من غزل ! |
مالي قدره عالكلام ، وأنتم انهكتوا الملام مالي قدره " عالريا " وسط كومة أغبيا ماغدا لي حيل " أكذب " وأصنع لهالناس " مركب " يمتلي " كومة وجوه " كل مااقربها " أتوه " والبحر هذا عجيب ، كل موج اتجاوزه ، له شفاه وله لسان .. وله أذاني وانأذى البحر .. وأذاني ! قلت : أدوّر بحر " ثاني " موجه ان طال وجرَف ! يحتمي " وعنده شرف " ! بحر صافي حتى لو " اخطى " أعترف ! مالقيته ! شلت ثوبي ، قمت أفتش وسط صدري ، كلما مدّيت يدّي ! كن اصابيعي " تضيء " - كن به صوت يتكلّم ! لاتدوّر : وأنت " روحك " نهر زمزم ! |
و اتجاوزك : مثلك مثل " لوحة طرق " تمرّني وسط السفر ، ماقرّبتني ، ماابعدت ! ماطمنتني مااقلقت .. وقفت : مرهقني الرحيل ، ماشفت بك ظل ونخيل ماشفت بك غير الرمال، صحرا ولابـ ارضِك جبال ماشفت من حولك قرى ، مافيك ريف ولا بحر ! ماغير وعثاء السفر ! قلت أزرع الورد " واروح " يمكن : بعد مدّه : يفوح لاتكبّري القصة " كثير " ماانتِ وطن : فيه استجير! وانا بعد " طرقي " وعَبر ويمّر بك غيره : كثر وبـ آخر الرحله " نروح " مافيه بـ ايدينا جروح ! أنتي " تخيّرتي " الزمان " وانا " عبرت من " المكان " ماشفت به أيّة : أمان ، مافيه ماء ولاشجر ! ماشفت به غير " العِشر " توي تعديت بـ / شبر قلت : : الله الحافظ " ستر" ! |
| الساعة الآن 02:24 PM |
Powered by vBulletin® Copyright ©2000 - 2025, Jelsoft Enterprises Ltd.