|
• [ الحلم ] يتنفس معي باقيَ الهم و [ الليل ] راوي .. وِ الحَكايا كئيبة مدري مساء الخير والا مسا الغم بسّ المهم إنّ المساءات خيبة أشعلت آخر جذوة الصبْر يا عم لين اشتعل راسي وِ حنّيت شيبه بشويش حط راسك على حِجْرِي وْ نِمْ لا يلحقك في هقوة الحلم ريبة • • من الأرشيف https://x.com/too_simple_girl/status...112530971?s=46 |
• ( هل أحببتني يوماً ؟!! ) • • عادي كذا ترحل بدون اختياري !! على الأقل أبغى لْسؤالي إجابة !! وان كان ماهمّك عناي وقراري إرحل .. وانا برثي غيابك .. كتابة وان كان شِعري يعجز انّه يجاري حزني .. تأكد ما لِشِعري مهابة • من الأرشيف https://x.com/too_simple_girl/status...099793812?s=46 |
• • كتبت الزاوية الثانية … ومن باب التجريب كتبت البيتين من عدة زوايا .. أية زاوية أجمل ؟! • أنا ذاك الغريب اللي نساك بْعتمة الوحدة .. وهام بْوحشة الترحال .. وانا ذاك القريب اللي ذِكرْك وْ ما نسى وجهك .. تركته باخر المينا.! أدورك وْ أناديلك : تعال وْ فَتّح زْرار الأماني لو يضيق الحال أخاف الذاكرة تقفل نوافذها وتنسانا .. تنسّينا أسامينا.! • من زاوية ثانية ../ أنا ذاك الغريب اللي نسى وجهك .. وهام بْوحشة الترحال وانا ذاك القريب اللي تذكرْك وْ تركته باخر المينا واناديلك .! تعال وْ فَتّح زْرار الأماني لو يضيق الحال أخاف الذاكرة تقفل نوافذها تنسّينا أسامينا • من زاوية ثالثة ../ أنا ذاك الغريب اللي يهيم بْوحشة الترحال وانا ذاك القريب اللي تركته باخر المينا تعال وْ فَتّح زْرار الأماني لو يضيق الحال أخاف الذاكرة تذوي تنسّينا أسامينا.! • من زاوية رابعة ../ أنا ذاك الغريب بْوحشة الترحال وانا ذاك القريب باخر المينا تعال افْتح أزرّة لو يضيق الحال قبل نذوي قبل ننسى أسامينا .! • من زاوية خامسة ../ وضعت بْوحشة الترحال لقيتك باخر المينا .! ذكرتك قبْل ضيق الحال قبِل ننسى أسامينا .! 30 اغسطس 2025 https://x.com/too_simple_girl/status...851649085?s=46 |
• ضاع دربي على صدر المسافة سُدى لا ني اللي لقيته أو لقيت الأمان كلما بحّ صوتي أحتويه بْـ صدى واتساقط حكي كنّ الأماني لسان من الأرشيف |
• أمرّ الدار يوم الهمِّ …. سافِرْ سألت الناس قالوا لي : مِسافِرْ و مرّ الصبح يوم إنّ المِسا .. فَرْ و لا مرّيت … و ارتاحت يديه .! • أبوذية من الأرشيف |
•
• الصبح طفلٍ صغير ٍ نايم ٍ فيني لا جيتَ ابَصْحى تغنيلي عصافيره و اللّيلِ كهلٍ ضريرٍ ياخذ يْديني للحلم .. وانا اتعثّر في دياجيره • • من الارشيف https://x.com/too_simple_girl/status...835794327?s=46 |
•
• رحت ادور في مسافات الطريق المنسي واترك الليل يتجذّر شارعه و اسفلته • يوليو 2025 |
| الساعة الآن 11:36 AM |
Powered by vBulletin® Copyright ©2000 - 2025, Jelsoft Enterprises Ltd.