.

http://www.jazzphone.ch/evenements/2...%20taha_01.jpg



منذُ طفولتيّ و أنَا مُستمعة جيّدة لِـ فن المغرب العربي بجميع دولهِ .. كانت تُعجبني طريقة كلامهم بِـ الرغم من أنيّ لا أفهم حرفاً واحداً مما يَقولون .. و كذلك الجميع في تلك الفترة الزمنية التي تعود إلى ماقبل الخمسة عشر سنه ..


"عبد القادر" تلك الأغنية التي قدمت لنا ذلك الوقت الجمال المغربي والتي كان يُغنيها ثلاثة من الفنانين العُظماء :الشاب خالد .. الشاب طه .. و فوضيل "فاضل".. لم يكن يُعجبني سوى صوت الشاب رشيد طه"صح شوي فيه خشونة .. " أي لا شيء يُذكر يجعلني أتابعهُ منذُ تلك اللحظة ..


إلاّ أنيّ كنتُ أتابعه داخلياً .. كنت أتمنى أن استمع إليه أكثر .. أن أجمع "الكاسيتات" الخاصة بهِ .. لكن للأسف ليس لديّ سوى قناة " mbc " -بدايات دخول "الستلايتات " http://www.cksu.com/vb/images/smilies/drunk.gif .. أعزفُ معاها ألحان صوتهِ .. أدندنُهَا بِـ صوتيّ البريء بيني و بيني .. و أُجاهر بهَا أحياناً لِـ أرسم الإبتسامة في أوجه من حوليّ لمعرفتهم بحبيّ له ..



على إذاعة "mbc fm" منذُ مدة لا أتذكر متى تحديداً سمعتُ أغنية" يارايح".. و بماأن صوتهُ مميز بِـ النسبة ليّ .. فَـ أعادنيّ ذلك إلى مهجع الطفولة و تجديد ذكرى الإعجاب به ..


اليوم فقط لا أعلم لمّ تذكرتهُ و تذكرتهَا ..!
فتحتُ مكتبتهُ الصوتية و بدأتُ بِـ البحث .. وحتى الآن لا أزال بين أركانها .. أتذكر طفولتي و عشقي لِـ صوتهِ لايزلّ حتى الآن ..

الشاب رشيد طه - يارايح

للتحميل ..

الجمعة 07-11-2008 م




.

.






صديقتي و حبيبة قلبي و أحدى المساندات ليّ في الكتابة و الرسم .. دائم ترسم ليّ التفاؤل و تضع مسلك لا أُفكر بهِ أحياناً ..
بيشو بإختصار " العصلى الطويلة "..شوية رزانة و فيها بقايا دجة ... و الإبتعاد عنها يكون أفضل خصوصا حينما تبدأ بالتحدث بلغتها الخَاصة .. مين يسمعها و هي تتكلم يشك أنها ماتعرف من اللغة الإنجليزيّة سوى أسمها http://www.getsmile.com/emoticons/sm.../1/stareup.gif ..
لكن الصراحة .. اللي يقعد معها ما يملّ و لا يحس بِـ طول الوقت .. و هي تعترفُ بِـ ذلك و تُرددهـ من باب الدُعابة .. لها تأثير شَديد على من حولّهَا في طريقة الاقناع و المساومة بِـ رأيهَا و بِـ صحته ..




العام المَاضي أهدتني كتاباً بِـ عنوان " دع القَلق و أبدأ بالحياة " لِـ " دايل كارنيغي " .. الكتاب هذا ليس مقروء فقط .. أوراقهُ ملّت المكوث بين غلافيّ الكتاب .. و أنَا أقرأ هذا الكتاب أشعر بِها و هي تقرأه .. أشعر بِـ التساؤلات
التي طرأت عليها .. بالتغيرات التي أحدثتها على ذاتها .. مع هذا الكتاب أحسستُ بِـ أنها أهدتني ذاتهَا ..
" عاد ياقلقها كل شوي تسألني عن هالكتاب و أخباره وياي و أهم شيء تقول تراه واحشني "
بيني وبينك بيشو " ماصار كتاب ذا http://www.cksu.com/vb/images/smilies/drunk.gif " ..




اليوم فقط ألتقيت بها بعد مايزيد عن أربع شهور .. أفقدتها فيها .. و بِـ فراغ جزئي بدأ يتشكل على مساحة حياتي .. مكانها خاليّ .. و جلستهم اللي بالزاويّة "فضت" .. المكان اندثر .. حتى الشلة مابقى منها إلاّ زوزو فديتها ..




المهم .. قابلتها و أنا كالعادة ماسكة خط سريع نحو الكافتيرا بعد ماطلعنا من المحاظرة الساعة عشر ونصف صباحاً.. محتاجه لِـ "مايّ" لأن العلبة اللي معاي انتهت .. فجأة اسمعها تناديني .. فجأة صراخ .. فجأة "خميتها" .. واللي اتذكرهـ
أنيّ كنت أقول "وحشتيني وحشتيني " .. اتفقت معاها أنيّ "ما أدش" المحاظرة و أقعد وياها ..
و صار هالشيء ..




قابلتها عند "فاصل" مجمع "الكلاسات" .. و نزلنّا تحت .. سولفت معاها .. سألتها عن مابعد الاخبار .. و بالأخير و لأول مرة أتجرأ و أجلس مع بنات عمريّ ماتكلمت وياهم ولا حتى شفتهم بالجامعة .. مو قلت لكم أنها توهق هالبنيّة ..



قعدنا شربنا قهوة زوزو .. و ماشاء الله هالفطور اللي قامت عليه و حده .. أنا لو بيطلبون منيّ أسوي صنف منه ماعرف ..
كان الفطور : مكرونه بالجبن و البشمل و سلطة سيزر و شيء حلى ماكليت منه و بسبوسة .. وبما أنيّ "خرمانة" قهوة شربت وشربت وشربت :) ...




بعدها قمنا من الجلسة .. و راحت بيشو تختم الوثيقة مالتها .. أهي تخرجت بس عندي أمل بيوم أنها راح ترد للجامعة حتى لو معيدة .. فرحت لها .. و أخيراً أفتكت من هالجامعة وهمها و ضغطها .. الواحد بعد هالجامعة لو يروح "جزر المالديف" يريح سنه قليل عليّه من التعذيب اللي يشوفه ..




الساعة 12:47م .. اختنقت بِـ العبرة .. تألمتُ كثيراً .. سَـ أعود من جديد أنتظر تلك الزيارة التي وعدتني بها بعد أسبوعين .. كنت أتمنى أن تتوقف الساعة عند الـ 12 م .. قبلّتها بعد أن تمنيت لها السعادة والتوفيق ..و أكدت عليها أن لنا لقاء بعد أسبوعين من هذا اليوم .. ومن داخلي يتمنى ألاّ يُفارقهَا .. ربما الحديث عن هذهِ الإنسانة لا يجد مايرتقيّ إليه من الكلمات لذا يفضل أن تبقى المشَاعر مُخلّدة بيني وبيني ..








بُشْبُشْ ../



أشكر تلك الصدفة التي عرفتني عليك ..
أشكر تلك الرسالة عن طريق الإيميل بالخطأ التي كانت السبب في لقائي بك ..
أشكر ذلك الوعد الذي قطعتيه على نفسك في حالة حاجتي لِـ أيّ شيء ألجأ إليك ..
أشكر أسلوب تعريفك للناس لي و الخجل الذي يصيبني بعدها " ياربي من جد توهقين الواحدhttp://www.getsmile.com/emoticons/sm.../aiw/happy.gif ..
أشكر اللحظات التي لم أشبع منك فيها ..
أشكر ما سيقدم الزمان في المستقبل منكِ ..
أشكر افتخارك بيّ ..




وكليّ فخر أن تعرفتُ على أجمل سديروايّة بالدنيّ http://www.getsmile.com/emoticons/sm...1853/1/shy.gif ...





السبت 15- 11- 2008م

.




الأثنين03-11-2008م حتى الثلاثاء 25-11-2008 م


الأهم ركزوا على التاريخ تراهـ حادثة ماتتعوض لأني لو مكان الدكتورة وربيّ لأقطه بخشة اللي تجيبه http://www.cksu.com/vb/images/smilies/drunk.gif


على مايزيد عن ثلاثة أسابيع طلبت دكتورة الريدنق نشاط لا منهجي نقوم فيه بتعليق لوحة تحمل موضوع ما ينسدل تحتهُ مجموعة تثقيفية تُساعد على استيعاب هذا العنوان .. الحماس كان شديد لأن الفكرة صراحة "مجنونة" منها أولاً بحث ومعلومات و شيء آخر يساعدنا نتعرف على كلمات طبية اجتماعية و أخرى من غير "الأدب " اللي محصورين فيه ..

سألتْ منو تقوم باللوحة .. وحدة من وسط "الكلاس " قالت أنا .. ألتفت عليها قلت لها ريمو "راح أساعدتس" .. هزت رأسها أنو "أوكي " .. الدكتورة كانت متابعة لهالشيء اللي صار .. و بداخلها أحسها تقول يوهـ هذول مابينامون اليوم بيقعدون عليها إلى الصبح عشان يسلمونها ليّ .. عدّا يوم الأثنين و الثلاثاء و الأربعاء http://www.cksu.com/vb/uploaded/9520/1178895328.gif .. خذيت رقم ريمو على أساس أكلمها ونتفق على "الديزاين " .. كلمتها الأربعاء آخر الليل بهذاك اليوم اللي قابلت فيه د/ليلى الهلالي تخبرونه ..!
"تكلمت عنه بأحد الردود السابقة"
المهم وصلنا لألف فكرة وفكرة و كله كلام بالهواء .. لا ورقة ولا قلم .. تخيلات فقط .. <<أهم شيء تابعوا هالحماس : ) ..

أمممم جاء السبت .. قابلت ريمو أول مادخلت الكلاس و صبحتني مثل ماقالت " نسيت الأوراق .. ومن شفت وجهك تذكرت " الله يهديها حتى صباح الخير ماقالت .. قلتلها "يابنت الحلال عادي جيبيها بكرة " .. دورنا مكان للوحة اللي مرسومة عند ريمو ببيتهم وبدينا نخطط لِـ كبرها وصغرها وهيك ..


مر الأسبوع هذاك .. " وكأنك يازيد ماغزيت " .. للمعلومية : "الدكتورة مامرينا عليها من الفشلة ماسوينا شيء وش نقولها باقي اللوحة معلقة براسنا " ..
جاء بيوم الأثنين الثالث .. وبعد المحاضرة قالت هاه ياحلوات وين اللوحة .. قلنا لها خلاص خلاص ولا يهمك السبت الجاي تكون عندك .. بهالوقت دخلت " هنوفه " ياحبي لها << وتطق على صدرها أنا أساعدكم فيها ونخلص منها .. والله كانت بشرى خير لي لأني اعرف تفكيرها وأعرف أن لها ذوق عالي .. ويمر اليوم الاول والثاني وين هنوفه .. هنوفه باقي تفكر ويانا شنو الدزاين اللي نسويه : ) .. يعني مازلنا معلقين نحن مع اللوحة بالخيال ..



بيوم ما أذكرهـ .. كنت أنا و ريمو واقفين قدام الكلاس و نقاشنا المعتاد هاه وش صار على اللوحة .. وصلت لفكرة نهائية و قرار جاد هالمرة .. ناديت هنوفه عشان تحضر هالاجتماع الخطير لأنه تحديد مستقبل لوحة : ) ..

"بنات تكون شكل بيضاوي داخل بيضاوي و bla bla bla " .. ردوا بحماس "أوكي " .. رحنا يم المكان اللي بنعلق فيه اللوحة من جديد .. أمم المكان مو حلو أبد بنغيرهـ وندور بهالاماكن اللي قرب القسم عشان نعلق هاللوحة .. وننسى الموضوع من جديد : ) ..



يوم الأربعاء الماضي مريت عليها بدونهم .. وقلت لها"دكتورة حنا قلنا كذا وكذا .. قالت باقي انتو ماسويتو عليها شيء :| " بلحظتها حسيت أنو جمعت كل عصبيتها و بترميني بشباكها .. قلت لها "انتِ قوليلي فكرتك وعليها بزين اللي تبين " ..قالت مابي شيء أبي بلاستيك و يتدشش داخلها ورق ممكن : ) .. قلت لها "صار " ..


الأربعاء كلمت اختي الخطاط يجهز لي هالبلاستيك على مقاس ورق A4 .. "ماشي يا أُستازة ..كُل طلباتك أوامر " ..
الخميس جابها السواق .. يالله موب اللي أبي .. الخطاط سواها على بلاستيك أبيض مو شفاف .. بالله شلون الواحد يدشش الورق ويقرأ .. يعني بجد هاللوحة منحوسة وستين منحوسة بعد :( .. دقت عليه مرة ثانية وهي تطالعني تعرف أني متنرفزة بجد ..وفهمته اللي أبيه .. "أيوه أيوه فهمتي دلوقتي .. بس الصراحة مش حخلصها إلا على الحد او التنين " .. جاء الأحد كلمناهـ قال " أصلوهـ اتكسرت و أنا بدور دلوقتي على البديل" .. ياهو بط تسبدي .. ياهو وصلها معي للأتش .. طبعاً كنت ببيت اختي قشيت عفشي ورديت للبيت .. الأثنين الدمتورة علينا ومن الفشلة انيّ أقابلها غبت .. مالي وجه أبد .. على أنو ريموهـ وهنوفه راحو وعادي .. ياقو وجههم بس :) ..


الأثنين جابها السواق وأخيراً .. أشتغلت عليها هاليومين وخلصتها .. والله يخلي لي بنات اختي ماقصروا وياي أبد .. طلعتهم من بيتهم و أهم عندهم مذاكرة واختبارات ..و الله يخلي لي والدتي اللي استحملتني في الصالة و ريحة الباتكس و الحوسة اللي سويتها لها : ) ..



هذي هي العروسة اللي بزفها للجامعة بعد التركيب و الأنتهاء من كل شيء .. لأن لو ما أعجبها تنطر هم ثلاث أسابيع :) ..



ملاحظة ../
أهي شفافة كليّاً لكن عشان مايصير عليها خدوش ألين مانركبها خليت الخلفيه مالتها

وعسى يعجبها هالشغل باكر ..

.



بعد ماقطعت الأمل اليوم أنهم راح يجيبونه يم البيت ..
ونسيت أمرهـ .. و خلاص جهزت نفسيتي أنو تتقبل هالشيء
بصدر رحب ..
وعلى صلاة المغرب نفطر .. قالتلي الوالدهـ "العريس" وصل ..
و أهو برى ينتظر طلتك عليهِ ..

استانست .. حسيت بوقتها أن بكرهـ عيد ..


وهـ وش ملحه ..
وهـ وش زينه ..
ساكت وهادي ..
وكل ماصورته يقعد يطالعنيّ من فوق لتحت ..
رزهـ رزهـ ..


أذكروا الله http://www.cksu.com/vb/images/smilies/drunk.gif




.




http://www.gulfup.com/files/jpg/5gW82112.jpg




{.. تفاصيل يومه و العيد غداً :) ..




.

.




اليوم وشغل اليوم ..
و الأحداث و التجهيزات اللي لها أكثر من أسبوع
واللي ماتركتني أركز بالكتابة حتى انتشلتُ يديّ منها كليَّاً ..
وووو ...
راح أرد من الجامعة و أحكيها على رواق ..
أبيكم معيّ وبس ..
و هم أبيّ دعواتكم تُحيطنيّ ..





.

.


http://www.up-00.com/szfiles/fVN88429.jpg



اللي أخرنيّ أنو ما أبدأ السرد النوم و النوم العميق ماما يوم نزلت لها قبل شوي تقول "ليه ماتردين على جوالك و التلفون" قلت لها "ليه انتِ متصله " .. مو معقوله نوميّ خفيف مستحيل أنو أنوم لِـ درجة الـ لآسمع : ) .. كل الليل أمس سهرانه من الخوف والقلق و الحالة المرعبة اللي بنعيشها و التقييم و أسلوب التقييم و الوقفه و الجلسه ..الهدوء و الهذرة .. أشياء بتطلع و أشياء بتدخل.. كلام نتذكرهـ و جمل ننساها .. بالمعنى "حوسه بالتفكير " ..


ماأدري أبدأ من التجهيزات و لا أدش باليوم على طول .. عموماص بِـ اختصار .. أي شيء يكون بيد نساء يزيز عددهم عن الـ 10 تبدأ الحركات اللي مالها سنع و الأفكار و التشتت فما بالكم إذا كان العدد 40 طالبة .. بِـ بداية الموضوع نوعاً ما حدث لَبس عدم فهم الكلام بدون استماع يعني بنات عادي لو ماسووا هيك مايكونون بنات http://www.cksu.com/vb/images/smilies/drunk.gif ..


أمس بالجامعة على آخر الدوام هنوفه بدت تكتب أشياء و أفكار طرت ببالها عشان البرزنتيشن قعدوا يفكرون بالأشياء الناقصه و كيف يجمعونها .. الكل راح البيت و ماتقابلنا إلاّ المغرب على الماسن "كيفك هنوفه ..شنو صاير معاك " .. " والله أبد هذاني قاعدة أشتغل باللي كتبته وعساهـ يزين بس " .. هنوفة كل أمس و أهي قاعدة عليه .. ويوم خلصت راحت يمكن نامت ساعتين و قامت تسوي المقبلات عشان البرزنتيشن .. بما أنيّ قايمة طول الليل عارفه منو اللي نام ومنو لا .. من شان هيك أغلب البنات مانامو ..

على الساعة سته ونص لِـ أول مرة أتصل أقوم أخوي الكبير يوديني .. مشينا أنا وياها و عزمته على كوب قهوة صباحي .. مرينّا د . كيف << لأنيّ قاطعت ستار بكس ألين مايعرفون ربهم زين http://aljsad.net/images/smilies/yummy.gif .. عاد خسروا "زبونه" بكيفهم : ) ..

وصلت الجامعة و أنا راسي مصدع مانمت و لا ميك أب و لا شيء .. على قولة البنات بسؤالهم "شنو فيك اليوم صفراء " .. تقبلت الأمر بروح رياضيه وبدينا نشوف النواقص وهيك .. عشان خلاص نستعد للبرزنتيشن .. عاد طلعت الشغلات و المكياجات واللبس أشياء حلوة بجد : ) ..

ندش الحين نعرف شنو البرزنتيشن وشنو سالفة تحديدا و المغزى من السالفة الي هدت حيل كل أبونا ..!
البرزنتيشن هو تقديم عرض مُبسط بالطريقة المسرحية أو التعليميه كالشرح أو التجارب لِـ توصيل فكرة معينه أو هدف سامي : ) ..
<< تكت الشيخه ..
"برزنتيشنّا << بتشديد النون " كان يتكلم عن famous characters " شخصيات مشهورة " عبارة عن شخصيات من عدة قرون اجتمعت في حفلة .. كل شخصية تمثل دورها اللبس و طريقة الكلام .. أممم يعني تخيلوا من الشخصيات الموجوده بالحفله واللي أتذكرها لأنها تقريباً أربعين شخصيه بعدد البنات " روميو وجولييت .. أنتونيو وكيلوبترا .. نيوتن ..الليدي ..وليم شكسبير .. روبن هود .. جيفارا .. أجاثا كريستي .. الطقاقة موضي .. هنري الثامن وزوجاتة السته .. المحقق ميغاتوري ..سنووايت وسندريلا << قام بدورها طفلتين .. ووو أسماء كثيرة بس هاللي ذكرته "
على هالعمل الجماعي عشر درجات لكل طالبة .. يعني لازم الشغل مضبوط ومافيه وحده بتخرب على الثانيه لأن محسوب كل شيء .. أزين شيء بهالعمل أنو تعرفنا على بنات من نفس قسمنا وهم جمعنا بالإجبار و أحس بمثل هالتجمعات و خصوصاً أنو كلنَّا بشدة ترقق القلوب على بعضها ..


كيف قُدم العرض ..!
من الساعة سبع الصباح و البنات بالجامعة يجهزون الكورنر اللي راح تُقام فيه الحفله .. ستائر حمراء.. طاولات حمراء.. شمعدان .. ستارز يقصصونها و يلصقونها بالأرض .. الكورنر أصبح قاعة احتفالات بالفعل ..
الساعة عشر ونص بدأ العرض .. الكل بدأ يلبس الأقنعة .. و بترجم اللي إنقال بالعربي يعني لاتتوقعون أن فيه كلمه عربيه أُوردت في هذاك الموقف : ) ..

تُنادي أحداهن بدخول الملك هنري الثامن وزوجاته الستة لِـ يُفسح المجال و يُصفق المتواجدين .. يُنادى بعد ذلك الليدي و زورو .. الجميع في الكورنر ..
تدخلن الدكتورات + رئيسة القسم << صاحبة الرأي الأول و الأخير باللي نسويه http://aljsad.net/images/smilies/Spying.gif ..

طبعاً يدورون بينَّا و نتكلم مع بعض و نعرف عن شخصياتنا بزيادة معلومات ..ممكن يجي سؤال هيك داخل بالعرض عن شخصيه يعني لازم نكون حافظين كل شيء عن الشخصيه ..
بالنسبة لِـ شلتي كنَّا هنري الثامن وزوجاته السته .. أنا الزوجة الرابعة : )

اقتباس:

Anne of Cleves born on 22nd September 1515 in Dusseldorf, Germany. Her parents were John, Duke of Cleves and Maria of Julich-Berg. Henry was still eager to ensure the succession to the throne and wanted to marry again in case his son was not able to succeed him. His chief minister, Thomas Cromwell had suggested Anne of Cleves as his next wife and the court painter Hans Holbein was sent to Cleves to make a portrait of her. After seeing the portrait, and hearing favourable descriptions of her, Henry agreed to the marriage. When she arrived in England, Henry found her deeply unattractive, describing her as "The Flanders Mare." They were, however married on 6th January 1540. When Henry wanted to end the marriage, Anne testified that it had never been consummated and the marriage was annulled on 9th July 1540 on the grounds that Anne had been contracted to marry another European Nobleman. She was accorded the title "The King's Sister" and was given Hever Castle, the former home of

بالسهل الممتع http://aljsad.net/images/smilies/yummy.gif ..
أسمها آن كليفز .. ألمانيه و ساكنه مع أخوها الدوك في أسبانيا .. قبل مايتزوجها هنري أرسل لها رسام يرسم صورتها .. بعد كذا جاء و تزوجها .. ماطولت وياهـ قعدت خمس شهور وطلقها بدون أي سبب : ( .. <<< يازين الترجمة بس عسى ماتشوفيني أستاذة العنود ..

الدكتورات مشوا على كل القروبات والشخصيات.. جاء دور شكسبير يلقي قصيدة .. الكل منتبهة له .. كنق هنري طاح .. الكل ألتفت له .. و بدأ المحقيقين يحققون بالجريمة .. نادوا الدكتور كمان شخصيه مشهورة بس نسيت منو .. طلع كنق هنري ميت بالسم و بدأو يتهمون الزوجات و شغاليّن بهالسالفة .. إلاّ فجأة صوت الطِيرَان من الجهه الخلفيّة .. الكل يلتفت يمهم .. الطقاقة موضي وشلتها .. صاحبة الحفلة تسألهم "شنو تبون في ذا " .. قالوا حنا جايين الزواج اللي أقمتوهـ هنا .. الكل مصدوم ويطالع .. أي زواج موب هنا في القاعة اللي بجنبنا .. يلتفتون الطقاقات على بعضهم و يتهاوشون .. و تجرهم صاحبة الحفلة لِـ برا .. و أهم يطقون "لا إله إلاّ الله و لا إله إلا الله " .. عاد أبيكم تتخيلون الطقاقه موضي و أهي تتكلم أنجليزي .. شيء يموت ضحك .. صاحباتي لولي و نوني و شوشو .. أتقنوا هالدور بجدّ .. الكل مات ضحك ..

بعد هالشيء قدمناهم على البُوفية و تكلمنا معاهم عن أرائهم وتوقعاتهم .. الحمدلله كانت مرضية كثير .. التعب والهم والقلق ماراح على الفاضي ..

الله يعطي العافيه لبنتين أهم صاحبات الفكرة عذاري و سارة .. بجد الشُكر قليل بحقكم .. والله قليل .. يكفي تعبكم .. يكفي روحتكم وجيتكم .. يكفي الهم اللي قعدتوا تشيلونه عشان يطلع بهالصورة .. يكفي أنو تكلفتوا بطرح الأفكار وتقبل الأفكار بصدر رحب .. يكفي الأبتسامه اللي أشوفها على كل وحده منكم إذا ناديتها وقالت لبيّه ..
ريمو كمان انتِ ماقصرتي صوتك انبح و انتِ تنادين وتصارخين .. لك منيّ يومين أجازة : ) .. يكفي دعواتك بصلاة الفجر بالتساهيل على القروبات .. يكفي حرصك على الهدوء بعد تمرير الدكتورات ..

صديقاتي قروب هنري و زوجاته .. أسوم د ...أسوم ق .. دنو .. هنوفه.. حنون .. فوفو .. يعني شقول وشخليّ ..أشكالكم .. إلقائكم .. دجتكم .. ترقيعكم .. وهـ فديتكم .. الله لا يحرمني منكم http://aljsad.net/images/smilies/117.gif
منّو "طالبة الجغرافيا" هالأنسانة صديقة الروح تبنيناها خلاص بقسمنا خلاص خلاص كلام جديّ ومافيه أيّ تراجع .. أحس برزنتيشنا اليوم كان قايم عليها و كان شغلها الشاغل كان همّها أكثر منَّا .. كانت تروح وتطلع من القسم و متوقعين أنها بالقسم ويسألونها أنتِ أي شخصيّة راح تقدمينها .. و الله أهي تستاهل درجات بعد :10: ..
شُكراً على الميك أب الأوربي : ) .. و الشنيون مايزين وياي تعرفين شعري مره يسحب من طوله لووول ...

شلت الطقاقات الأبداعيات صديقات قلبي .. بجد ماقصرتوا بجد تكفي و جود الأبتسامة على الجميع .. بجد الكل يسأل منهم اللي ورا البراقع .. الأسلوب توحفة .. المشية روعة .. طريقة مسكة اللبس خيال .. الطِيران لا تعليق .. فديتكم وربيّ http://tomaar.net/vb/images/smilies/...rl_in_love.gif



الحمد لله كل هذا بفضل الله .. الحمد لله ..





الأثنين 12-01-2009 م



.

.






صباح الهذرة .. مادري فجأه فتحت الصفحه و أبي أقرقر شوي فيها .. أشياء كثير صايرة لي هالأسبوع ..
طبعاً خلاص أختباراتي بتبدأ و بدأت سالفة المذاكرة عشان ليلة الاختبار تصير مراجعة بس "حركات الدوافير " .. اليوم السبت راح يكون عندي إختبار أورال فونتكس عليه 30 درجة .. طبعاً تقسيمها أنو 15 درجة على الكونفرزيشن و 10 على الليسينق و 5 على الترانزكريبشن .. من الحين أنا عارفهـ أنو راح أخذ مابين الـ 18 و الـ 20 .. و السبب يعود لِـ أن الترانزكريبشن ماراح أحله لأنه مثل التجويد و هذي خمس درجات راحت و هاه خمس درجات من الـ 25 على الاخطأ اللفظية أو السمعيه يعني الصافي 20 درجة : ) ..



المهم مابي أفكر بالاختبار .. فيه سالفة صايرهـ يوم الثلاثاء بالجامعة .. لأول مرهـ أجيب معايّ ترمس ماي حار وسكر و ليبتون .. و ماجبت أكواب .. مادري شنو أحس به .. يعني بالله كيف بنشرب .. المهم الله سهلها و لقينا بقايا فنجاين ورقيه مالت قهوة يوم السبت اللي فيها أول مرهـ أتعرف على القشد القصيمي من أيادي قصيميه شيء خوقآآقي بجد .. منَّو قايمة الصبح فديتها عشان تزينه لي تعرف أن ماعندي سالفة .. و أكلت والله بقلب منه كذا شيء حلو مع التمر و القهوة .. و تأكيد أنيّ مرهـ سنعة مدحوني على القهوهـ مادروا أن الوالدهـ الله يطولي عمرها أهي اللي سوتها لي ..
نعود للثلاثاء وترمس الشاي : ) .. دخلنا محاضرة السكيلز و ياثقل دمها هالمحاضرة .. أقسم بالله أنو عشانها أنوم الساعة تسع الليل و أقوم أشرب لي 3 أكواب قهوة تركية و بالسيارة أكل شوكولا عشان بعد شوي من التوتر و الإكتئاب اللي راح أختنق فيه بالمحاضرة .. هي المادة حلوهـ بس والله دكتورتها تنوم تنوم بجد .. تصلح منوم مغناطيسي ولا للي يعانون الأرق يستأجرونها P: .. وتتحول دائماً هالمحاضرة من ثينكينق سكيلز إلى سليبنق سكيلز ..

طلعنا على الـ 1 ص و خذينا هالترمس وقعدنا نشرب فجأة صارت هوشه بقربنا وحدهـ بويّة تهاوش وحده و شد شعور وشيء مضبوط .. حسيت أنو سينما و حنا نطالع سعوديات قاعدين يشربون شاي ويطالعون فلم آكشن و يتجمعون البنات و يخربون جونّا ويجون الأشراف و يصير حوسة حوسة موب طبيعية .. و حنا موب بالمود أبد والله البلاء من هالترمس مو يابنات .. !

جاء يوم الأربعاء ويسألونيّ البنات شنو صار تونا نصحصح للمشكلة .. إلاّ بجد ليه الهواشه على أنها بدت بقربنا لكن مادري شنو السبب و ماحد تكلم عنها .. يقهر الشيء أنو تطالعونه وماتدرون ليه .. الفضول يذبح لكن مصيري أعرف و أقولكم ليه : ) ..

كمان بيوم الأربعاء المحاضرة الأولى كانت فونتكس الأهم أنو الدكتورة كثير مدحت البرزنتيشن و ختمتها شكلكم ماتبون درجات .. من الذكاء ماعطيناها أسمائنا.. عاد أهو البرزنتيشن الصاحي ياذكائنا بس : ) ..


طبعاً لي كم يوم قاعدهـ أفكر أعتزل الكتابة يمكن على طول أو يمكن لمدة قليلة مادري .. لكن بجد بديت أفكر بهالشيء بجديّة .. يعني لو فجأة مالقيتوني لاتقولون ماتت أو صار لها شيء تأكدوا أنو خلاص سويت هالشيء وتركت .. ولو لقيتوني لا تقولون لا حول ذي موب قالت بترك بكيفي يمكن مابي :d


تاريخ التفكير بِـ اعتزال السديم حفظوا هالتاريخ زين لو صار شيء او ماشيء : )

السبت 24 - 01 -2009 م



.