|
: : خديجه بنت لأ..! خديجه نبت لأ...! خديجه فرض.. إذا خان المطر فضل البحر والأرض خديجه تروح.. ويرتاح الجسد برّا حدود الروح! هي احساس الصحو بالخمر تراتيل الخطا المسموح لقت في يوم شمس العمر منسيه وقادتها لباب العمر خديجه ما تقول الصدق خديجه ما تعرف الحق خديجه دربي المقطوع خذتني شنطة مْهاجِر.. وعشت بذنبها فـ اطهر سلال العتق! إذا قامت.. تعاود للصحاري بسمة الهملول وإذا تستأذن وراحت.. خذت باقدامها حزن المرافي حجول هي ذراعي.. إذا حزن الصحاري قصّص الراعي! هي بلاد الخطا المعتوه تعرْف وجوه وتعرْف اني الوحيد بجوعها واعي!! [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]خديجه ما اعتبرتك غلطة اللحظه أو الملهاه=خديجه ليه رحتي وقلبي معلّق بفستانك؟ أنا من كثر ما ادوّر طيوفك جتني الأشباه=وصكيت الشوارع خلف هالشقه.. على شانك[/poem] : : : تعالي لي من السجان من الزنزانه البكمى ومن وسط المعاقِل/ عملقي البلدان! تمشّي وسطهن مومس وقومي الليل أبي هالأرض من كاعبْك تتقومس يجغرفها وفاك الغادر الخوان أبيكِ تخطبين بكامل الكذبه: ترى طعن الحزِن وافي ترى كثر الوفا غربه!! تبين الحق؟ والاّ يا خديجه لعن أبو هالحق! [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كوني الزنازين.. والمعقل=كوني نسا الليل والترتيل إنتي خليط الغبا الأعقل=يوم العقِل لكنة التخبيل! لو خففوا الحكم.. أو يثقل=حرّه بتبقي لهذا الليل!![/poem] . |
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
: : حزين.. ما ادري وين أصادف طيورك =وحيد.. أغني في فساتين لحمك! عشقت ياما بنت تشبه حضورك=وفارقتها ظهريه تشعّ باسمك :[/poem] |
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
: خديجه: والوطن ما هو سوى العرف الخبيث النتن!=ذري هالأرض من كاعبْك.. لين أكبر خطا العذرى ذريها.. علّ من ليل الدخان/ تأرّخي لي هتن=أبا اغسل بالخطيه الموجعه تغريبة الصحرا أنا ابن الساقيه يوم أصرمت نخلي عليّه متن=وانا المورق من الأرض العفيفه.. غلطةٍ قشرا..! :[/poem] |
: أنادي لك من السجان لثيابك عسى كل امنيات الليل مكتوبه عساني يا خديجه شيمة ترابك! : |
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
: علامك ما تجين؟!.. الكاس منسيه!=علامك ما دخلتي شقتي الليله؟! حدود الناس عني وعنْك منفيه=تعالي نعلن الميلاد في شيله! هنا خلي ثياب الصبح يا بْنيه=وهنا باحطب سلالة أصلي النيله!! :[/poem] |
: : يا خديجه تمطر الجدران حزن الليل الاول وآتجوّل: في ثنايا صدفة اثنين بغمامه في سما الدخان.. بسطوح العدامه! في براجيل الفنادق.. يومها كانت خلاليلك بنادق وشعرك المرمي على وجهك سرادق وآنا لا نار اشربتني أو جليد عشت بك سكة حديد تاخذ عيوني بصدرك وانزل بشنطة جنونك في فنادق!! : يا خديجه: كل فلسٍ ندفعه.. هذا خرابي من تذاكر حانتك حتى ثيابي! والله كنتي ألف ليله من حقيقه الحدود المهجر الخبز السنابل كنتي ورد الأرض لا خانت حديقه! : يا خديجه لمّي ثيابك عن خدود السواحل كل ضحكه في المدينه تتبعك وكل وجه بضحكته دجال قاتل!! وآنا مختار المدينه.. يا خديجه!!!!! . |
" إنتي وينك؟ لا هدا عطر بثيابي ولا سجاير هذي الشقه بعيده لو دخلت بْها بدونك تبتدي تبكي الستاير : إنتي وينكـ؟ كاسة الشاهي بْردَت وباقي أكياس الأكل فوق المراتب! وباقي راتب ما شريت بْه المواعيد القدام ولا دفعت فلوسه بكاسة عتيم يا خديجه كل نخب بْمنضدة يومي يسيح هذي فرقاك الدريجه! : |
: ورحت أغني: [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] يا بلد ما تورق النسمه بشذاها=فارقيني بْساع.. محتاج المهاجِر لو عطتني من خديجه لو أذاها=كانت أبرك لي ولا طيب الخناجر هي مَرَه لو تنقرى سيرة حذاها:=ما اوْسِموا عفة خديجه بأرض فاجر!![/poem] : |
| الساعة الآن 01:23 PM |
Powered by vBulletin® Copyright ©2000 - 2025, Jelsoft Enterprises Ltd.