[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black"]



على ذكرى الهوى دايم يجيني شي ماجاني = يجي قرب الأجل قدمي ولاأدري وش يبي فيني
وأكفن كل شرهاتي وألوذ بحسرتي ثاني =تجيني حالتي وأرجع آدور شي يرضيني
أمّيل كبري لصغري أصغرني على أخواني =وأبعثر قد ما أقدر حنان وحب كاسيني
أجنن من يقول إني أجنن ؟! يعقد لساني =ولا شاعر ولا حاجه على النيّه عمت عيني
أمرر عالبشر خوفي ويجيني شعور فقداني =أضعفني وأجي ثاني بعد فتره أقويني
أدورني ولا ألقاني ( آدورني ولا ألقاني ) =آكابر ودى ألقاني ولا ألقاني أجل ويني؟!
مضيعني وأنا أضحك على حالي بفرقاني =آتوه آكب حرماني على جبهة محبيني
كثير أحباب وإمقلل أنا شاني على شاني =محطّم مكتئب جداً شوي اشوي وأنفيني
أناعايش ومش عايش كذاوقتي تحداني =أبستوعب أنا حيٍ وإذا ميٌت أبرثيني
أقفل أصدم بواقع مرير يهز وجداني =أجرد نفسي بنفسي وأقسمني وأعريني
تعبت آحب إي والله تعبت آحب عدواني =تعبت آخذ على نفسي وعود وأرجع بحيني
تعبت أستقبل إطعوني تعبت آعايش أحزاني =تجوع الذاكره وتضمى وأشوف الوقت ناسيني
غرامٍ شوه إحساسي وموتني ولا أحياني=غريبة ليه ياالدنيا على جرحي تحديني
تسرب من عنا قلبي حريقٍ وسط شرياني =وتكهرب خوفي من حبٍ عطاني شي يعنيني
أناعايش ومش عايش كذا وقتي تحداني =أبستوعب أنا حيٍ وإذا مّيت أبرثيني
لأن هذا الهوى دايم يضيعني بحرماني=عمت عيني على فقده عمت عيني عمت عيني


[/poem]

أح بك رغم حبي لك
عفواً أح بك رغم كرهي لك


حذف أولها / أوسطها / آخرها .



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
(صدمتني) والحب صدم ياما قروم = صدمني شعورك /برودك خسرني !!
ولايجي ْبالك أبآعيش مهزوم = وإن اللى سويته معايا كسرني ؟
أتهزني وتسمع صدى آه وأحلوم = وأنا لك الله ما من أحد قدرني
الحب حالة فقد مع زود ملزوم = الحب مرض مزمن شعوره قبرني
الحب فوضى مرتبه راكده تحوم = الحب سهل وصعب ينهي وأمرني
هذا هو أحساسي معك عشت موهوم= كبرك صغرني وإلا صغرك كبرني
أدري وتدري السالفه صعبه تدوم = وانصير ماضي هو نسى أو ذكرني؟!!
كنت أحسبك صادق معي أفراح واهموم= لأني معك صادق طبيعي اتخبرني
خلف الستار تحاول اتفجر علوم = تشك فيني وبالخطا .. تختبرني !!!
ترتاح لي يومين واتمل كم يوم ؟! = لو كنت أهمك صدق أنت إتهجرني!!
أجيك حب وشوق مليان / ملغوم= وكم مرة طيشك يبـ يجرب فجرني !!
يا كثر مأشعر وأقصر الشر واللوم = مابي أخسرك .. ولا أبيك تخسرني
يا كثر ما تخطي وأسامحك ملزوم !!!! = لأن غيرك ما أحب وأسرني
ماعمري حسستك أنا منك محروم = رغم إنّه حرماني أحسّه دمرني
اقدر ظروفك قهر زين , مفهوم = واللى تبينه يصير واللى تأمرني
انا اعتبرتك كل شي ومعي دوم = وإنته ولا راضي بشر تعتبرني
خلاص ببعد (هيّن) وصار معلوم = وأنت تعرفني وبالسكوت تخبرني
بحاول ( أتناسى ) مقدّر ومحتوم = بعيش أنا لنفسي [وأبيك تعذرني]
تدري أحترم رأيك ولومنك مصدوم = ماني بمثلك لا زعلت إتحقرني !!
ولوّك سألت أتحبني؟! قلت لك دوم= وللحين أحبك والصحيح أحتقرني !!
بيني وبيني يصبح الحب مكتوم = بالفكر بآآمالي معاك أعتبرني !!
وإلا انت مبعد من فكر /قلب مصدوم= لا تحط في بالك اجي وتنتظرني !!!


[/poem]