تدرين ..ويش. .اللي .معكر..مزاجي
.........رغم الغلا والشوق صعب ٍاطولك

مافادني .كثر .الغضب .واحتجاجي
..........لاصار رفضك للوصل من ميولك

أدل .دربي ..زين .واعرف .خراجي
..........قررت .صدك واتركك في ذهولك

لو كان حبك..بين .الاضلاع.. لاجي
..........عند .الكرامه صدق ماني بحولك

من عام .واكثر..وانا.مطفي سراجي
.........واليوم تقرع وسط داري طبولك

الشوق..جابك .واخترقتي. سياجي
.........الخوف..حاجز..كان يمنع.دخولك

تركت..لومك ..مايفيد. ..انزعاجي
..........مادام .قلبك .جاد وأعلن .قبولك

حضورك. ..الليله ..يزيد ..ابتهاجي
.........جيتي وكان العطريسبق وصولك


محمد الثوعي

جديد

لا.تجازي بالهجر ..من هو خليلك
بعد ذيك ..المعرفه تقطع. وصالك

واصل المشوار.. مابجهل. جميلك
شفت قلبي راح..يمك..وانتحالك

لو.تقول الناس... قلبك هو. دليلك
مابقالي .قلب من سطوة..دلالك

المشاعر .في .ضميري.. تستميلك
ودها ..ترضي ..غرورك .وانفعالك

لا زعل قلبك معك يتعب عميلك
من ..يحبك صار .حاله مثل. حالك

من. تفيا تحت .ظلك ..يستخيلك
غيمة ٍ بالعشق ..تستمطر .مخالك

من ..كثيرك.. ما لقيت .الا قليلك
من .قليلك .طبت .والعزه. لفالك

اذكرك لازلت. والطيبه .حصيلك
مانسيتك. والعطاء .اجمل خصالك

لمّاجيتك بالمساء..من.سلسبيلك
ذقت شربه ضعت كلي من جمالك


محمد الثوعي

عشقت. كلك..قبل ..عيني..تشوفك
رسمت..لك..صوره..جميله .بخيالي!


اعرف..شعورك..من..كتابة .حروفك
واقرا .. تفاصيل ..الكلام ..المثالي!


كل ...المشاعر .. تستلذ ...بطيوفك
في ..غيابك...شفت...زولك...قبالي!


ماودي عين .اللي ..يزورك تحوفك
لوكان .من ..ربعك ..قريب ٍ .موالي


في ..جمالك ..والغلا ..من يطوفك
مالك ..شبيه ٍ ..يافريد... الخصالي!


في فؤادك ..عاث .شكك.. وخوفك
خل .الثقه ..بالنفس..ترقى المعالي!


كلي ..رجوله ...لا يطوّل. ..عزوفك
اللي .يحبك ..شخص ماهو ضلالي!


ليتك ..تجاوز ..ياحياتي... ظروفك
تقدم .عليّا ..وانت..بالقلب.. غالي!


بالدار ..حنا ..من ..سوايا ضيوفك
وانت المضيّف دام وقتك صفالي!


متى .كفوفي .تشتبك. مع كفوفك
اسعد ..معك ..لحظة..ويرتاح بالي!



محمد الثوعي

الزعل ..لاصار ...يومين ..وثلاثه
.........لا .يطول ...ثم تزعلني.. عليك


خل .عنك الشك .والغيره. غثاثه
........ابتديتك .حب. عمري.. يفتديك


ماعرفت. الغدر..ودروب. .الخباثه
........جيت لك عاشق وقلبي يحتويك


الوفاء.والطيب. .عندي .. بالوراثه
........والمشاعر ...كلها...منك. ..واليك


انت .حبك بالفعل .صعب. اجتثاثه
........من .فؤاد اللي .عيونه.. تحتريك


بس وقت الغيض شوقي وانبعاثه
........يندفن.. بين ..الحنايا ..مايجيك


لا شعر تسمع ..ولا خلق ..ودماثه
.......طابت الارواح دور.. من .يبيك!!


محمد الثوعي

جاملت ..لكن .. مايفيد ..المجامل
لاصار من جاملت ماعنده احساس

رجل ٍ عقيم . الفكر بالفعل ..خامل
عايش حياته في متاهات وافلاس

من .باب .تحفيزه .لحسن .التعامل
الطيب. بذرة خير .والناس .للناس

قدمت ..في .موقف. كبير .وشامل
علم ٍ .يشرف. فيه .رفعه .ونوماس

شرحت .وضعه.كانت النفس تامل
يقدّر ..اللي .قلت .والطيب نبراس

قدام ..صف. القوم .والحشد.كامل
دنّق .براسه ..ماقدر ..يرفع الراس

حاولت .يظهر .صار .ماهو بصامل
عيّا..عن .المعروف والعرق دساس


محمد الثوعي
فوري

سوف استمر في نشر جديدي هنا
فقط في مدونتي ولن انشر
في اي متصفح اخر!!

جديد


بودي ..اسرق ..من . عيونه حكايا
......بودي..اخطف..بسمة ٍ من..شفاته

بودي .ازرع ... في ...فؤاده . غلايا
......واصير شخص ٍ منفرد في حياته

اهديت ..له ..قلب ٍ صدق...بالنوايا
......كل ..المشاعر ..ترتقب . منجزاته

ليته .سحابة .. حب ..تمطر سمايا
......اشرب غرامه والعطاء من صفاته

فيه الحلى .والذوق حسن السجايا
......لكن ..غموضه. من .يبدد ..حلاته

في كل .حرف وكل .صوره روايا
......قصة ..غرام ٍ .مااكتمل .يا رواته

في. دفتري ..في .غرفتي .والمرايا
......في ضحكتي في.دمعتي ذكرياته

لاقلت .. بارحل . .شفت .كله.معايا
......كل. الجهات..الاربعه..هي.جهاته


‎#محمد_الثوعي

لو.جيتني ماجيت ..يمك .ولا ابلشك
جيّتك .تكفي .عن .جميع .المطاليب


اعرف.مقام الناس بالجود. بدهشك
من اعتذر قلنا .فدى. يا الاصاحيب


#محمد_الثوعي