قالوا تحبه قلت ماهو ضروري
.........احب من لاحب قلبي مصيبه

اللي ظهوره في حياتي ظهوري
.........ياليت ..قلبه.. يعتبرني..نصيبه

لاجيت باعبّر عن اصدق شعوري
.........احس.في قلبي مشاعر عجيبه

احب واكره. واعتذر .عن قصوري
.........لوقصّر. المحبوب..قدّمت طيبه

احيان اقول اللي .. يقدر حضوري
.........قريب.. من قلبي .ونفسه قريبه

يحرص على وصلي تهمه اموري
.........كل. المشاعر. في وجوده مهيبه

شخص ٍ يثمن وقفتي لزم شوري
..........يترك كلام اللي ظنونه مريبه

أتقنت. فن الحب ..وأظهرت دوري
.........يوم بعض. الناس.. حاله. غريبه

يحب ياخذ ثم يجهل مروري
.........عمر المحبه ما تجي بالغصيبه

لا صار مايغريه شعري ونوري
..........حجبت نور الشعر مايعتزيبه

لا قلت باغني بصوت ٍ جهوري
........ذيب الهوى بالصدر يسمع قنيبه

كلمة احبك صعب .ترضي غروري
.........من دون فعل ٍيثبت اني حبيبه


...محمد_الثوعي

تدري وش الّي يذبح النفس بالحيل
........انك ..تحب ..انسان ..ماهو .حلالك!
ودك .على .وصله ..ولا لك مداخيل
........بعيد ..لكن ...معك.. عايش ..ببالك!
عينك ..تشوفه ..قدمها .بالتفاصيل
........هذا ..معك .يحصل ..كثير ..بخيالك!
من كثر .شوقك .والمدامع ..هماليل
........نفسك ..على .وقفة .حبيبك ..قبالك!
تعيش ..عمرك في عذاب ٍ وتظليل
........الحظ ..الأسود ..عيا .يرفق. بحالك!
كل المشاعر ..في ..ضميرك مغاليل
........تدفعك .. رغبه ...عاجله ..باتصالك!
لو تتصل ..والا تسوق ..المراسيل
........ماحدٍ ..يجيبك ..يارجل .من .بقالك!
عايش .ولكن .في .عداد .المكابيل
........مشغول ..فكرك .ماتضوي ..جمالك!
انته .وانا عشنا..التعب والغرابيل
........الجرح ...ينزف .والزمن ..ماصفالك!
من جيل واحد ..فالمحبه ..معاليل
........نصدق .ولا نكذب. ترى العز .فالك!
عازف .وتر .عطنا .الغنا والمواويل
........وابشر ..بقاف ٍ .يطربك .هو .عنالك!
من .لامنا .مايعرف. الحب .والويل
........بارد ..وقلبه... داله ٍ ..عن ..مجالك!



محمد الثوعي

كثر التجارب
علمتني
ان الوفاء اصبح
سراب!

وان القلوب اللي
جفتني
في... حضوري
والغياب!

في..... البدايه
صافحتني
عانقتني.. في
جواب!

مثل ماهي جمّعتني!
بعثرتني ..في
عذاب!!


محمد الثوعي

قلبي مدينة حب من غير سكان
............عاشق ولكن مالقيت النفاعه
ياكثر ما مروا حبايب وخلان
............بالعمر ما غابوا عن البال ساعه
من حب واخلص ماتعذّر بالازمان
............وكثر المتاعب ماتغيّر طباعه
واللي تشكّل بالزمن عدة الوان
............هذا مصيره للفلس والشناعه
من كان له مبدأ مع الوقت كسبان
............واللي عطا من قلب عنده مناعه
لا قلت انا انسان عاشق وفنان
............ماقلت غير الصدق صنت الوداعه
فتحت باب القلب للوصل عطشان
............شربت. من. كاس الغدر والبشاعه
خذيت من درس المقفّين برهان
............ماني مدوّر بعد هجري شفاعه
بعض السوالف تركها خير واحسان
...........الصمت في بعض المواقف شجاعه
حزين لكن. مالك الصبر سلطان
............مركب غرام اليوم بطوي شراعه
عشت العمر بين المتاعب والاشجان
............اكبر خطأ قلب ٍ عطا باندفاعه
غنيت من نزف المواجع والاحزان
............لاحب صادق في زمان القطاعه
ولهان وابحث عن مشاعر والانسان
............اكبر طموحه قلب كله قناعه


محمد الثوعي

..الحاجه اللي بوسط القلب مخفيه
..ماغير رب الملا من يعلم الحاجه
..أسند على خالقي والروح منهيه
..عن قول والا فعل منبوذ منهاجه
..النفس بالعز والايمان مبنيه
..والرجل يثبت مع الاحداث ويواجه
..الناس في بعضها ماهي بمعنيه
..قل الوفاء والزمن ياقل مخراجه
..من ناجا ربه ترى الحاجات مقضيه
..كريم كفه على الانام ثجاجه!
..ابعد عن الياس وافكار ٍ خياليه
..خلك مع الواقع اللي تعرف إنتاجه
..والصبر عند الشدايد يذهب السِيه
..ماخاب منهو صبر والنفس محتاجه
..يا الادمي لك وصاة النيه النيه
..أخلص لربك تجنب نار وهاجه


محمد الثوعي

‏لاتعاتب صاحب العقل الخفيف
.......ما يثمن.. هرجتك.. واحد خبل

ارتفع.. خل الضعافه.. للضعيف
.......اعرفك..صاحب.. مثاليه..ونبل

‎#محمد_الثوعي

ساءت ...الاحوال .. بك.. ياعم ...صابر
بعد ..سبعينك ..غدا ..عظمك ...هشاش

شاخت ...اقدامك... ولا .تصعد ..منابر
وان .حكيت ..الصوت .خافت ..بالنقاش

من ...عرفتك ..وانت... رجال ..ومثابر
بالزمن ..تعطي ..ولو ..قل.... المعاش

من ...يدينك... تزهر ...حقول ..ومعابر
لو... بلادك ...مابها ...خير....وعطاش

صرت ...للعثرات ...والمحتاج ....جابر
تنقذ... الملهوف ..من ...وضعه طشاش

يوم ..كانو ...ناس ..وافعال ...ومخابر
راسك...اللي ...ممتلي .. طنخه وشاش

لوعتك ....بالقلب ......لكنك ..... مكابر
ماشكيت ..الحال ...والشكوى ....بلاش

صدرك.. اللي ...صار ...لاوجاعك مقابر
تبتسم ...لو ..كانت ...افراحك .نطاش!


محمد الثوعي

اسمع كلام الحق بالله ياحسين
ماينشد الحاجه سوى من فقدها
ظلم القرابه مثل جور السلاطين
وقعه على قلبي كما المر وادها
وافي مع الادنين وايضا البعيدين
النفس تبذل والحصيله سعدها
احرص على ود الرجال الموالين
والطيّبه ياطيب رجل ٍ حصدها
ما اسمع كلام المفسدين الشياطين
بعض السوالف ياعرب ما اعتمدها
واللي يشب الحرب بين القريبين
عساه في نار ٍ تزايد وقدها
ياليتهم ياحسين للشرع ماشين
تنحل عقده من رفيق ٍ عقدها
عندي ادله ثابته بالبراهين
أقدّم الحجه وعندي سندها
ما دام قدامي رجال ٍ ميامين
وقاضي بيفهم حجتي ما نقدها
والحكم يرضي عارفين القوانين
من يفلج الثاني حقوقه وجدها
أدل دربي واعرف الزين والشين
والناس مثلي ما تخلي جهدها
مبدايّ ثابت من قديم ٍ وهالحين
اسلك دروب ٍ فاز من هو قصدها
الطيب يبقى منهج ٍ سنّه الدين
وحسن التعامل بالشريعه عمدها
نرحل من الدنيا ما حنا مقيمين
والفايز اللي جنته قد وردها


محمد_الثوعي