|
يا ضلع
ياضلع جيتك من الايام منهاره ركايب الهم مرني وداسني ياضلع بالله ماتدري عن اخباره هو حي ياضلع وإلا مخالفٍ ظني اتلا العهد فيه يوم اللعب بالحاره ايام لازارني ماسولفوا عني ايام لا زارني ماينزعج جاره بالعكس لا من نويت أروح فطني ايام ماحرموا شعري عن انظاره بالعكس لامن تبعثر يفهقه عني ايام ماحرموا للبيت مسياره ملامحي عنه ماقالوا يخبني ياضلع ياضلع بشرني عن اخباره وعلمه ياضلع لا جاء ينشدك عني |
كيفي
كيفي مزاجي كل شي بكيفي حره وحره والف مليون حره باخذ ربيعك منك واعطيك صيفي وباخذ حلا الايام واعطيك مُرّه ذوق العنا خله يزاورك طيفي ذوقي اللي ذقناه ولو كان مَرّه عقب الهجر يا تعتذر يا وليفي بأرد لك نص العنا والمضرّه |
رحمة الله عليها شاعره لن تسى
سلمت يداك يارقيقه |
اقتباس:
وسلِمَ عطْركِ يا أميرة :34: |
رجوى
بين رجوى الغريب وبين ضغط الأهل لاحصل لي صعود ولاحصل لي نزول إلتزمت آتفرج مابقت لي حيل اطلعن المشاكل عن اطار الحلول بس اطالع بعيني انسحاب الأمل وانكسار البيارق وانتصار العذول وحلمي اللي رجيته عن حياتي رحل لملم اللي بقى له وانهزم في ذهول والأماني تبارى مقفية بالعجل كن حلمي تهمتها والجواب القبول |
( كوشة فرحها ) معنى الحياة بعينها صحوت الموت شهود صلوا والمملك دفنها وكوشة فرحها حولوها لتابوت وكليلها الأبيض بقايا كفنها تبريكهم أصبح عزا يجرح الصوت صرخة ويبابه تشابه لحنها غصب عليها تقبل الوضع بسكوت مهره وعادات البداوة رسنها أغضت وصدت وأنطلق صوت مكبوت لابو تقاليد الحياة وسننها وراحت معاه بقلبها حرف منحوت يبقى معاها يطوى بدنها وراحت وبركان القهر لاتها لوت تبي تصيح وفيه خوف سكنها راحت وصدى كلماتها زلزل بيوت لابو تقاليد الحياة وسننها |
مُهْرة الشوق
جيتك من الفرحة على مهرة الشوق تسبقني الخطوة على الدرب قدام جيتك ولا ابالي ولو يطلع العوق جيتك وأنا شوقي موزعني أقسام لا لا تهمك ناس ماتعرف الذوق يسرون تال الليل والصبح صيام ياعم لامنطق ولا فيه منطوق بعها تراني بايعتها للإعدام إخذ الرطب قول النخل يثمر عذوق خيب رجا اللي يرتجونه من العام واضرب على الكايد ان ماجات برفوق مليت انا وياك من عدّ الأيام |
حيرة
لا قال ردي لي ولا قال روحي لا هو مريحني ولاهوب مرتاح يغيب ويعود ويفتق جروحي واذا استجد الجرح لوح لي وراح واضحك واجامل وادعي بالفروحي وبداخلي نار وتجاريح وصياح واحاول اخفي جروحي بروحي واخيط جرح وتنفتق عدة اجراح وان قربت دمعات عيني تفوحي الله أكبر ، صار لي قلب مزاح |
| الساعة الآن 08:34 PM |
Powered by vBulletin® Copyright ©2000 - 2025, Jelsoft Enterprises Ltd.