حبل وصلك رميته واتل بيه
وهم دلالي من هجرك وتل بيه
حبيبي اللاهج بذكره واتل بيه
طريح وساد لوقاسي عليه!

انا مالي لغيرك حبيب ايه ...!
وحبّنك ذبح قلبي حباب ايه ..
مجيك اهلًا وسهلاً حبيبيه ،،،،
إخذ روحي اقدمها هديه .......

هواويها قلِب يرتاع هواويها..........
شنو إلـ ودّاك ياإصغيري هوى ويها
ألِف قبلك عِشِق يابه هواويها.........
أنا من تاه بالدنيا خطيّه ،،،،،،،،،،،،،،

عليك شكد صرف قلبي وعلي دين
أظن تعلم بحالي علي دين ........
وقع بالماي عصفوري على ايدين..
يريد أسقيه من ظامي يديّه ........

:

:

بعيد الدرب عن زولك و امرّه
و حلاوة ضحكتي بليّاك مُرّة
لو ان العمر اعيشه بس مَرَّة
أبيه وياك لو كل شي عليّه ..

إنته بي دِنيا ـــــــــــــــــــــــــــــــــــــــ وأنا منك اغتراب

يا شجون ويا فتون ويا ألم

لو دَريت إنّي بحسبانك سراب

كِنت بمشي لا حسافة ولا ندم

أعتذر عن تلك السابقة ...
لم تكن هنا
بل في موضوع أبيات يتيمة وقد أفلت من يدي زِمام التعديل