ماني فاهم …
ليه تحزن
ع الفراق
وليه تدمع …

ماني فاهم
ليه تزعل
ع اللي راح …!
وليه تجمع

من جروحك حبر..!
انت هاوي حزن
او هاوي كآبه ..!

ولاّ كل هذي طقوس …

قبل ما تبدي الكتابه …!

ماني فاهم اي حاجه ..!

قالوا ان الحب عذاب

وقالوا الفرقى عذاب

وان تلاقوا
ضاعت الأوقات في غيره وعتاب

ماني فاهم ايه هذا الحب قلي

هل هو لعبه

ولا طبخهً..

لو لقيت
وانت توصف اي صعوبه !!!


حاول تصيغه
بأقرب شي مشابه

لو غديتي حالتي
او انا حالك يكفي
كيف حالك ؟؟
يا بعد حالي ومالي
تدري ان الوصف معجز
لك مكانه
ما وصلها حد غيرك
شي ارقى
شي اسمى من الهوى واللغوصه
شي في بعضه كريم
وشي في بعضه اناني
فاهمتني ؟؟

ايه والله
فاهمتني بتمام
الحبر لو جف بيدك
سال من داخل وريدك
ايه جيت
ومستحي حتى اخط ( مشتاق لك )
وكيف اكتبها بعد هذا الغياب
ان كان ما بيني وبينك حب
مات اللي بيدينا
فاهمتني ؟؟
ايه والله
فاهمتني بالتمام
اللي فينا شي ارقى
شي اسمى من الغرام
شي ما عمره بدا
كيف نخشى ينتهي
وصعب يزحف للجفاف
شفتي كيف ؟؟؟
اللي فينا شي ارقى
شي ما يخشى العجاف
ليه نخاف ؟

كيف اكتب
وانتي من سنْتين ونص
قلت اكتب
والقضيه ماهي بمجرد كتابه
القضيه ايش اكتب

اعترف لك …!!
اعترف لك …!


لو ما قريتك ما كتبت ..

فك قيدي …!
ماني مجرم …!
كل ما في الأمر اني
ودي بس اكتب جماله ..
الجمال اللي تفرد به لحاله
الخرافي
في جنونه
وفي سكونه
وفي … عيونه
في هدوءه
وحسن ظنّه
في ثقته بنفسه وحرفه وفنّه
لو لقيت العطر حايم
والزهور اتفتحت
والجداول غنّت ومعها البلابل
وابتدا ماها يعوّد للجبال
والغمام ارهف لهم سمعه وحاول يقترب
لو تسلل داخلك معنى حقيقي للسعاده
ثم بانت في عيونك
لو صرخت بيا سلااام
من السلام اللي سكنك
وقلت ….!
هل انا في حلم
ولا علم
ولا هذي جنّه …!
وقتها
وقتها اسفه .. نيوتن
وما حكى ع الجاذبيه
واعرف انّه …
كله منّه…!