[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ماعاد فيني أحتمل غيبتك يـوم=ليتك تعجل باللقـا والمواصيـل
عيني لغيرك شوفها معلن الصوم=عسى عوضها بالليالي المقابيل
[/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اللي حصل شـي ٍ مقـدّر ومكتـوب=وتبقى على ماقلت : " روح القصايد "
محبوب ؟ تبقى رغم ماصار محبوب=بـس المفـارق بالمحبـه عوايـد [/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]كل ٍ معرض للخطا فـي حياتـه=وانا اعترف اني خطيت وتسرعت
انهيت عشرتنـا ولكـن غلاتـه=تبقى واحبه موت مهما تصنعـت [/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]حقك علي إن قلتها ألـف مـره=ما غيرت بإحساس قلبك جروحك [/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]للسما دمعات ولـ"نوفك" دمـوع=وللحزن اسباب لو عينـي بكـت
كان ودي بالمفـارق والقطـوع=وكنت اول شخص روحي له شكت
جبت لك قلب ورى حدب الضلوع=نـاوي ٍ يرجـع ولكنْـه سكـت
شفتك اللي يـوم فرقانـا قنـوع=إلبست صمت الشفايف ما حكـت
[/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]انفعالي ولّـده كثـر المـلام=وصغتها بيتين والمعنى جزل
دام ماهزك قصيدي والكـلام=لايهزك دمع من عيني نـزل
راحت سنين المحبه والغرام=ولابقى غير أنت ياشعر الغزل
[/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]قمة الابداع لا صغت القصيـده=من جروح ٍ داخلي عيت تطيـب
وقمة الأحزان لاصـارت أكيـده=فكرة الفرقا معك يا اغلى حبيب
والمشاعر لو ألمها من فقيـده ؟=مالها غيرك من العالـم طبيـب
من قديم الشعر وايضا ًمن جديده=مالنا حتى مع الطيّـب نصيـب [/POEM]

[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]ياللي تقـول الجـرح للوقـت خليـه=الوقت أشوفه يا منى الـروح عاجـز
شوف النتيجه وضعنا وش حصل فيه ؟=بيني وبينـك ألـف حاجـز وحاجـز [/POEM]