عساها جُمعِتَك خيره
ونور من الأمل يِغشاك

تِبَسّم وانفِض الحيره
ترى كِل العُمر يِفداك

على طاري الوله جيتك
بيديني من الفرح حفنه

خيالي مرافق بيتك
وداري بلهفتك، جنة
♡

يادرب العذر مريتك
ابعذر ن مستحي منه

ولو ماجيت تانيتك
هنا بضلوع ضمنه

ما جيتك أملا عيوني بشوفتك ضي
ولا جيت أبروي لك بقايا سوالف

جيتك فراغ (ن) يحتويك بكل شي
جيتك، خفوق (ن) ألجمته المخاوف

الشمس بعض احيان تحتاج للفي
ويحتاج لربوع السهل كل نايف

والدمع ميت بس له جسد حي
وأصبح من اكفان تلمناديل خايف

تملا طُيوفَك دنيِتي وألقاك بي " حيّ "
كلما التفَتّ ألقاك؛ والشوق وارِف

الأنامِل ملّت كفوف النّدى
مِرتِبك في راحِتي ايديني شَظاها

تِصرَخ بْصوتي ويِجرحني الصّدى
ما عَرَفت إن كان صوتي من صَداها !


http://www.7c7.com/vb/images/smilies/h27.gif

مالت اعيوني على برق ن بدى
من بعيد وحثت ابدربه اخطاها

سكة الاعذار ياسعها المدى
والرحابه ماتخسر من مشاها