عيونك موطن العشاق وقلبك بالوفا معمور
امانه لو تركتك يوم .عيونك ......لاتبكيها


ولا تستغرب الغيبه سنه والا تزيد.. شهور
ظروف.الوقت.واتعابه تهد النفس تشقيها


انا موطن بلا سكان وانا.شاعر بلا جمهور
انا حاكم .بلا سلطه .بلاده من ...يراعيها


دخلت بعالم الغربه ادوّر عن صباح النور
الا وين الصباح اللي عيوني . مايعاديها


لقيتك بآخر الرحله امل ياحبنا.. المشهور
ويوم انّا اقتربنا من بعض شفنا .تواليها


عبس وجه الزمن لكن بقايادمعنا المنثور
شهد قصة غرام اثنين والايام ..ترويها


محمد_الثوعي

السحر في طلة الغيداء... اللعوب
عمرها عشرين .. عام ٍ .....بالتمام

كلما..قررت.. اعود....... للجنوب
شفت قلبي متجه بالدرب ..شام


محمد_الثوعي

حان الفراق وحان تكفين.. .حبك
عسى دروبك ..ياغلايه .. سهالات

في دنيتي ماكنت ابي غير. قربك
لكن قدرنا والقدر.. له ...علامات

ببعد ولو قلبي .معلق ....بقلبك
واكفنه بعدك واقول.. للملا مات

*#مشاعل العسيري*


الذنب .. ذنبي..قلت ماهو ..بذنبك
فتحت لك داخل فؤادي مساحات

مخلص معك يابنت .واقسم بربك
عامين عايش في عذاب ومتاهات

حنا انتهينا من بعضنا ... ودربك
اصبح سهل ..لا لوم والا عداوات


*#محمد_الثوعي*

ياعريب الجد لك سيف ٍ .... بريع
قاطع ٍ حده . ولا تلبس .... قناع

بالمواقف قدها رجل ٍ ..... شجيع
فارس ٍ وقت الشدايد ....والنزاع

منهجك بالعمر واضح ....للجميع
العطا موفور من دون ...انقطاع

سرك اللي في ضميرك ... لاتذيع
لا تثق باهل الحكايا.... والخداع

انتبه لا تتبع . القلب .... وتضيع
ماورى طرد الظبا غير ...الضياع

ان بغيت الصدق والعلم ..الرفيع
كم شجاع ٍ حب ماكنه....شجاع


محمد الثوعي

حديث الصباح!!


مهما تتلقى من الاشادات والاطراءات عند قيامك بعمل ما.أو تقديمك لمنجز ابداعي فني.أو علمي.تأكدبأنك عندأول عثرة.ستتوجه اليك سهام النقد.لاتجعل شغلك الشاغل ان تنال الاطراء والمدح.تجد من يصفق لك.ويصرخ باعلى صوته واصل وانت في الاتجاه الخطأ .هو يعرف ذلك. لكنه يريد أن يكون سقوطك مروعا.لاتلتفت كثيرا له ولمن هم على شاكلته.قليل من يصدق معك بالنصح.صحيح ان النفس البشرية جبلت على حب الثناء ،وهذا الفعل يرفع من معنوية الانسان .لكن الخداع والغش ممقوت .من يفعل ذلك ظلم نفسه وظلم الآخرين!!


محمد_الثوعي

لي صاحب ٍمشغول من عدة أعوام
كل مادعيته قال. ياشيخ...مشغول

يركض ورى الدنيا بتسجيل الارقام
يجمع من الأموال بالبنك. محصول

المال .نعمه ...عند..وافي ..ومقدام
يقوم. بالواجب .مع الناس...مقبول

والصاحب. اللي بالمواجيب..ماقام
ماني رفيقه عاش .خايب .ومجهول

اليوم قاطع وصل.. ربعه ..والارحام
واذا نصحته...قال ماني ....بمسئول


محمد_الثوعي
ع/ الطاير

لا تنخدع بالعز والمجد .....مادام
تساقطت قبلك عروش وسلاطين


لاصرت سالم من معاناة الاسقام
وملتزم بالدين خير ......البراهين


محمد_الثوعي

لاصار في صدرك براكين ...ودكوك
ضيعت دربك بين خوفك ...وشكك

متناثرٍ ...كلك مشربك ....ومفكوك
وتحس في الطوفان مرك ...ودكك

كنك جذع بالارض مرمي .ومركوك
مرت عليك احداث عمرك ...مفكك

من وين ماوجهت تايه ...ومضكوك
لاخير في وجه ٍ ضحك لك..وضكك

تقرأ وتكتب لكن ....الحظ....ملكوك
ترقى بفكرك والتعب. من ....يهكك

حولك سوالف دايره زيف. وشكوك
تدور فيك الأرض.. وقتك ....يلكك

ياكثر خلق ٍ في حضورك ....يزكوك
وان كنت غايب كم لسان ٍ ...يعكك

باب ٍ مثبت دونك اليوم ...مصكوك
من وين تلقى حل يفتح ...مصكك



#محمد_الثوعي