|
. . . مهمله .. دمعة الرحال عند الغروب مذنبه .. كل خطوه في طريق الغياب المواجع / مدينة ظلم .. زحمة هبوب كل غصنٍ سقيته عدل / يكبر عذاب ماحصدت الجروح الا بنبض القلوب ولا عمرت الليالي غير حزن الكتاب سمني ماتشاء .. النبض ماهو ذنوب يكفي اني زرعت الحب بين الهضاب ويكفي اني جبل من عاليات الجنوب ويكفي اني نحتَ الصخر بيد السحاب خذ من الدمع طرس ومن عيوني دروب واشبع الليل ماااء ولا تملَ العتاااب الزمن مايصب اللين .. وقت الحروب والمدى مايجف .. الا بـ ماء السراب خذ من اعداك حكمه واعترف بالخطوب وخذ من احبابك البسمه ولين الجناب خذ حروفي نصاب ولا تصيراللعوب وخذ مداين ورود .. ولا تعلَ الخطاب غربتي خنجري / والليل مهما يتوب ذنبه أني قريته .. واعترف بالغراب لويطيَر جنونه .. صرت كلي شبوب بندق الصبح ثارت .. ما عليها حساب ياوسيع المدارك .. خذ عيوني دروب وخذ من الرحلة القشرا عيون السحاب ..! . . . |
. . . يطعن الرغبه بغربه .. وش يسوي بالحنين دام نص الليل شوق / ونصه الثاني جروح ياهلا بطعون حالي / هذا أناطول السنين الجمر مجنون صدري .. واللهب مجنون روح ..! . . . |
. . . أيا وطن .. خذ توبة الذنب عنوان يكفيك صمت .. يعيدني لـ التمني همي تكون انسان بـ عيون الانسان وحلمي تشيل الصبح / لا طاح مني هذا الشتات المرَ / مايقبل ألوان وآنا معك .. مثل العقارب نغني الوقت خنجر / والدما صمت جدران قمَ شكل اللوحة .. مع لون ظني أنا الوطن / واقرا تفاصيل الأوطان وش هو الوطن ؟؟ والليل حضنه سكني ..! . . . |
. . . تفاصيل الغرق لوعة / حديث النافذه للريح وتهذيب الورق متعة .. غريب يسابق حصانه شتا يطعن شتا وأنتي / فضا ماهمه التلويح وفصول الحزن تسرق .. ربيع العمر والوانه " أحبك " كلمه اكبر من سحاب يمرني ويصيح : دخيل الله تعبت أثني غصون البال لـ احزانه ..! . . . |
. . . ليلة حنين / ودمع / والشمع خافت ليلة وجع .. ترقص / على خاطر العمر أحس فيها.. بـ الورق / حيل نابت وآحس فيها .. شوق / يسرقني الصبر ..! . . . |
. . . الأصابع نور / والبلدة ظلام والكتابة أرض / والغيمة قلم اسرقوا نور المواجع .. بالكلام لجل يحيا الما / على جال الألم ..! . . . |
. . . الصمت حكمة / في زمن .. زحمة الصوت والصوت رحمة / في زمن .. غصة الصمت والليل .. مهما طال / مافاتك الفوت بيعيش صبحك .. ذكرياتك .. ولو مت ..! . . . |
. . . كم من أحرار عاشوا .. لقبوهم عبيد وكم من اسياد سموهم .. عبيد البشر يازمان الكذب .. صار الشقي السعيد وكل ماطاحت عيوني .. رفعت النظر ..! . . . |
| الساعة الآن 06:32 AM |
Powered by vBulletin® Copyright ©2000 - 2025, Jelsoft Enterprises Ltd.