|
باب الدار بجفوفي لحني وحنين النوق ما يوصل لحني وطيت لكن أسهمك لحني بوسط قلبي وطبيبي احتار بيه |
هلي وياهم چنت عايش بلاهم ونهاري شماضوى مظلم بلاهم هلي مدري الوقت شنهو بلاهم ولاهم اعرفوا بالصار بيه |
حبيبي لا تظن أنساك ولهه دوه الروحي غرامك صار ولهه الشفه والعين ترد عليك ولها تدعيلك كل صباح وكل مسية |
يلوم إلمادره بروحي شمرها مايدري الدهر عن ودهم شمرها ليالي إفراكَهم والله شمرها أمر من المنازع بالمنيه |
بتاج الفرح ولــفي توجاني وحسِّن ردلي شبابي توجاني من اثمار المحــبة توجاني قلبي إلْشِبِعْ ضيم مـن الأذيـــة |
همي من كـــثر يذبل وراها ونار القلب مــا يخمد وراها كل شده يـــهل وادم وراها فرج ، والفرج من رب البريــه |
روحي برشف خدك من عداها احب وصلك وهابك من عداها افراقك يوم احمله ، من عداها ازورك لو تصير احزاب اليه |
|
| الساعة الآن 12:42 AM |
Powered by vBulletin® Copyright ©2000 - 2025, Jelsoft Enterprises Ltd.