رحل ...بكيفه...دون ...كلمه ..وتوديع
ماني. ..بناشد .. وين. .رايح .. بكيفه

الدرب ...سالك .....وسعّته ..المشاريع
الله .يسهل ... له ..دروب ٍ ... .وليفه

من..شهر .واكثر شفت عدة ..مواضيع
ابحث على .حل .. .الأمور. ...الكليفه

الحال. .واقف. . .بيننا ..من ..أسابيع
صعب ..التفاهم ..والمواجع.. ..محيفه

طبعه ....غريب...ولا تفيد ...التطابيع
شبعت ..من ..غدره ..ونفسه. .ضعيفه

القلب ..حبه...كنت ..مااسمع..ولااطيع
واليوم ..نفسي ..من ..غرامه. ..معيفه

عند ... الكرامه ... ما اتنازل ..ولا ابيع
أصبر .على. .نزف. .الطعون.. المخيفه

الشوق ...كله... يم ... ذيك ...المرابيع
دار .الكرم . واهل. ..القلوب ..النظيفه

رجلي ..على ..درب. السنع..والمطاليع
متعوده .. ترقى ... .الجبال. ..المنيفه

جبال ....عز ..وشامخات ٍ .....موانيع
تسمع تراحيب .. المضيف ...بضيفه

ترى.. الظبا ..فيها...مع الضلع... والريع
متواليات ٍ ...في .صفوف ٍ ... حليفه

عيني على ..هاك ..الرموش..القواطيع
من .سهمها .صاحت ..جروح ٍ .كثيفه

فيها ..الحيا..والزين ..من .غير.. تلميع
تلبس ..لها. ثوب ٍ ..مشجر ..قطيفه

صوره ..فريده .... لارسوم ... وتواقيع
من ..بعدها ..عفت ..الحياة. .الكسيفه


محمد الثوعي

https://www.facebook.com/share/v/1BhVyYtL8L/

شيلة ياعرب غزه
شعر/ محمد_الثوعي
أداء/ علي الطناني

ياصباح الحزن والصمت الرهيب
ياصباح الذل مابعدك صباح

ياصباح الموت مافاد النحيب
اجتياح الارض والدم المباح

ياصباح العار والمنظر كئيب
من تسبب في هدم غزه وراح

ياصباح القهر ما شفنا مجيب
صرخة المظلوم تاهت بالرياح

ياصباح الظلم والجهل المعيب
من يقود الشعب مكسور الجناح

في فلسطين المراجل ماتغيب
القدس دار الكرامه والكفاح

مايقام السلم وعدوك حريب
مغتصب دارك بغدره والسلاح

مجرم ٍ مايقبل الحل المصيب
قد تجاوز في هجومه واستباح

في ظلام الليل والقصف المهيب
وسط صرخات الثكالى والنياح

كم فقيد ٍ كم شهيد ٍ كم عطيب
ياعرب غزه شكت نزف الجراح


محمد الثوعي

اقصر الخطوه دخيلك وانسحب
ماني ذاك اللي على بالك تبيه

انتهى وضعي معك دور محب
تلقى بالدنيا من امثالك شبيه

انا بالماضي معك. صدري رحب
اتجاوز عن عذابك واحتويه

كم عيوني من غرامك تنتحب
وانت عمرك ماسألته ويش فيه

المحب لازم يضحي. لمن يحب
يتعاطى الحب له قلب ٍ. نزيه

في سمانا شفت . براق . وسحب
بس ماشفنا . مطر ها نحتريه

روح..دور..لك ..محبين وصحب
انتهينا..من.. بعضنا...ياسفيه!!


محمد الثوعي

♡♡♡♡♡♡♡♡♡♡♡♡♡♡♡♡♡♡♡♡

...‏الحب غادي في زمنّا وعادي
.......... إنك تحب واحد مع اثنين وأكثّر


...وين الوفاء بالله وين المبادي
.......... وين الذي عاش المحبه تأثّر


...من حب يخلص لو بعمره يفادي
..........مايوم واحد في غرامه تعثّر


...يعاني من نزف المواجع فؤادي
.......... اصبح شظايا من عذابه تبعثّر


...اليوم مات الحب واعلن حدادي
.......... لا حب صادق بعد حلم ٍ تدثّر


محمد الثوعي

♡♡♡♡♡♡♡♡♡♡♡♡♡♡♡♡♡♡♡♡

ماعاد لي بالحب والشعر مقصد
تموت في صدري مشاعر كثيره
اقبل على بعض السوالف بلا صد
واصد عن عين الفتاة المثيره
لوكان ماعندي على الارض مرصد
ارصد علوم ٍ في فضانا خطيره
باب الحقيقه دون الاشهاد موصد
تدبروا يا اهل العقول المنيره
اللي ضعيف الحيل لاطاح يقصد
تكسر عظامه هالسباع الكبيره


محمد_الثوعي

هذه مشاركتي في حفل زواج ابن العميد الدكتور فهد بن عوده ابوخشيم البلوي في مدينة تبوك ليلة الأحد ١٤٤٧/٢/٨هجري.

تقدّم ياقصيدي موقف الليله حضورك هام
انا ودي ظهور ٍ مختلف مايعتبر عادي

حضور ٍيطرب السامع حديث الناس والاعلام
وهذا مقصد اللي عن طريق الشعر ماحادي

لبّستك من أفكاري جديد الحرف والالهام
واخترت البيوت اللي عليها بصمة اعدادي

دعيتك عند ربع ٍ مجدهم يذكر عطاء وكرام
تاريخ ٍ متوّج بالفخر للعلم نشادي

يابوفيصل حضوري واجب ٍ اصبح تراه الزام
انا يابوخشيم مااخلف معك بالوقت ميعادي

مواجيب الرجال اللي تصد الشر والاخصام
لدينا واضحه شمس ِ تجلت نورها بادي

تجمٌعنا على علم الشرف والعز والاقدام
في حفل الرجال اللي لهم افعال وامجادي

جبال الورد موطن كل رجل ٍ شامخ ٍضرغام
اسود ٍ لا تناخت في بعضها ترعب العادي

صناديد الجدود اللي فعايلهم مع الايام
مسيره ثابته كل يوم مع الأحفاد تنعادي

منهم فارس ٍ وقت المعارك بارز ٍ مقدام
ينطح له سريه مايهاب الموت ويفادي

ومنهم شيخ حكمه بالمواقف ينقض الاحكام
ذكي ٍ يفلج اخصامه ويردع كل متمادي

كسبتم والنعم يوم المراجل صعب ماتنسام
غدا من دونها موت ٍ حمر وسيوف ٍ احدادي

ترى من جاور الخشمان مايتعب ولاينضام
يعيش العز ماينقصه لا بيت ٍ ولا شدادي

يابن عوده سما فكرك تعليت المقام التام
دكتور ومعلم ضابط ٍ فالجيش وقيادي

اصوك راس ماتقبل بغير المجد ماتلّام
حيث الأصل ثابت من سلالة عز واجوادي

جدك ساعد اللي سيرته يحكونها الانام
قصة جود لو تظهر في التلفاز والرادي

تروي سالفة رجال بايام الفقر مانام
ينحر من سمان القود على المدات معتادي

ابوك الشيخ عوده طيّب المعشر سند وحزام
مجمل دايم ٍ ربعه عن المنقود متحادي

جيل ٍ قد رحل متمسك ٍ فالطيب والاسلام
مواريث الفخر تبقى ثمينه عند الأحفادي

واقول مبروك يامحمد عسى افراحكم اعوام
تعيش العمر في بيت السعاده والهناء سادي

انسابك رجال ٍ طيبهم ما ينحصر بارقام
اهل فزعه قواعين العطا من عهد الاجدادي

كتبت ولا كتبت الا قليل ٍ من كثير ٍ هام
وهذي الليله عندي تعتبر من ثالث اعيادي

محمد_الثوعي

جاملت لكن مايفيد المجامل
لاصار من جاملت ماعنده احساس

رجل ٍ عقيم الفكر بالفعل خامل
عايش حياته في متاهات وافلاس

من باب تحفيزه لحسن التعامل
الطيب بذرة خير والناس للناس

قدمت في موقف كبير ٍ وشامل
علم ٍ يشرف فيه رفعه ونوماس

شرحت وضعه كانت النفس تامل
يقدر اللي قلت والطيب نبراس

قدام صف الربع والحشد كامل
دنق براسه ماقدر يرفع الراس

حاولت يظهر لكن الرجل هامل
عيّا عن المعروف والعرق دساس


محمد_الثوعي

ارسم على جدار المشاعر. بطبشور
سهمين .لكن .تخترق قلب... واحد

ماني على. حب. المقفين . مجبور
لاصار ...قلبك ...للمحبين ...جاحد

عشت التعب والحزن إيام وشهور
من نفس..كاس المر أشرب بلاحد


محمد_الثوعي