امرأة حولت حياتي لحدائق مزدهره!!!!
لا انام إلا على همسات صوتها الحنون وشوشواتها وآهاتها كانت تغني أجمل لحن يشدوبه بلبل انتزعت أوتار قلبي وتراً وتراً.
لم أعد اغرد كما .كنت سابقاً. بل التزمت.. الصمت لقد أصابت الفؤاد في مقتل..
ذهبت معها لأبعد حدود يسافر اليها عاشقان ثملا من الحب مناجاتنا ضحكاتنا تبادل النكات .وحتى عندما نغضب من بعض لنا طقوسنا الخاصه..
صحيح ان المسافة بيننا متباعدة ولكن الخُطى متقاربة!
حطمنا جميع القيود التي وضعها في معصمينا السجان البليد اعتقاداً منه بأننا لا نستطيع الانعتاق من القضبان الحديديه.
لم يدر بخلده بأن تلك القيود هي وقود لمشاعرنا واحاسيسنا كم تبادلنا الهداياالخالده من خلال نظراتنا وان لم ننطق بكلمة واحدةصباحتنا ممطرة حباً وورداً ومساءاتنا مضيئة يتخللها القمر والسمر واحاديث العشاق التي لا تنتهي ابداً ايتها الفاتنة التي ..سلبت ..مهجة ..العاشق.. المسافر.. عبر الخيالات والمحطات التي ترافقه في رحلته الطويلة.
من أين لك ِهذا الجمال الذي أفتتن به خلق كثر
أضرمتي نار العشق وبعثرتي جسدي اشلاء متناثرة هنا وهناك لماذا لاتجمعين ما تبقى من رفاتي وتضعينه في أحد حقولك ِلعله ينمو العظم الذي اصابه الوهن وليس به شيخوخه ويصبح اكثرازدهاراً ونظارةً سيدة المساءات المعتقة حباً.
عطرك , , حقيبتك , روجك , أسوارتك , سلسالك الذهبي تسريحة شعرك الغجري مختارة بعناية ودقة متناهية أناقة أمرأة تعلمنا الطيش تبعثر في ذواتنا أشياء لم نعهدها سابقاً أغنياتنا اشعارنا .. كتاباتنا اعادة ترتيبها أمرأة !!!!

محمد الثوعي

ان حكولك ضعاف الناس عني كلام
خل صدرك وسيع ولا تعاتب أحد
اسمع السالفه ثم ابتسم والسلام
غيضهم بالسكوت اللي يجيب الكمد
خلهم عنك تكفى لا تعاند لئام
وضعهم عند رب الخلق يوم الوعد
وادري انك غيور ولا تحب الملام
بس بعض الاوادم فيه شر وحسد
يشعل النار جاهل لا عطا ولامقام
ليته عند المواقف بارز ٍ ماشرد
القلوب المريضه تستلذ الخصام
حقدهم في الحقيقه قد يدمر بلد
طالب النور عمره ما يحب الظلام
من زرع خير يجني من ثماره شهد
الحق واضح ترى للناس اللي كرام
والمجد صعب ٍ يناله من تردا ورقد
اصل فن التعامل حافظه بالتمام
درس قبلك خذيته عندي صبر وجلد
كم عطينا دروس ٍ للبشر باهتمام
وآخر العام ينجح من درس واجتهد


محمد_الثوعي

للوطن أغني!!

صباح الخير ياساده صباح الحب وزياده
تعالوا.واسمعو قصة وطن مذكور بالسيره

بلاد ٍ كانت اشتات ٍ تعيش الرعب وابعاده
قبايل تسكن. الصحرى وكل ٍ يجهل مصيره

بلاد ٍ كلها . فوضى غزو واحزاب كا لعاده
قطع درب ٍ .قتل نفس ٍ .بلاجرم ٍ وتبريره

خرافات وفقر وامراض عليها الناس معتاده
صراعات ٍعلى السلطه وكل الخلق في حيره

ورب الكون اراد الخير لهذي الدار وعباده
ظهر .عبد العزيز الفذ ووحدها بتحريره

بذل جهده ولم الشمل .جات الناس منقاده
تبايع شيخ ما مثله شديد العزم والغيره

بنا امه بنا وحده بنا للدار امجاده
عطاها كل ماعنده غرس. حبه وتقديره

فلن تنجب لنا ارض ٍ مثل هالشيخ ياساده
بعيد الفكر والنظرة حكم. واحسن .بتدبيره

وقاد الشعب من بعده ملوك ٍ صفوة القاده
عطوا للدار قيمتها وصارت. ديرتي ديره

وهذي ارضنا خضرا تقول اليوم سجاده
يعم الخير كل ارجا . بلاد العز والجيره

تطورنا تقدمنا جلبنا العلم واعتاده
بلغنا اعلى مراكز في علوم ٍ كلها خيره

تنافسنا على. حب الوطن افراد وقياده
تحت رايه عظيمه منهج التوحيد ماغيره

ملكنا ياعرب. سلمان .شعبه يتبع مراده
معه يمشي على كيفه حسب رايه وتفكيره

اخذ منا الولا بيعة وفا بالعهد واسناده
وبايعنا ولي عهد ٍ شديد.. الباس تأثيره

يطور دارنا يصنع مع الاوقات امجاده
يقدم كل مايرفع من اعماره وتطويره

وحنا أمة ٍ يشهد لنا التاريخ واسياده
رغم أنف الحقود اللي. يبث الشر ويديره

ترى من يزرع الفتنه ويعلن عندنا اجهاده
رجال اﻷمن تاقف له جزا جرمه وتدبيره


محمد الثوعي

لا تبادر فالهجر ... تخسر خليلك
بعد ذيك المعرفه تقطع وصالك
واصل المشوار مابجهل جميلك
شفت قلبي راح يمك وانتحالك
لو تقول الناس قلبك هو دليلك
مابقالي قلب من سطوة دلالك
المشاعر في ضميري تستميلك
ودها ترضي غرورك وانفعالك
لا زعل قلبك معك يتعب عميلك
من يحبك صار حاله مثل حالك
من تفيا تحت ظلك يستخيلك
غيمة ٍ بالعشق تستمطر مخالك
يومك اللي يبتدي من بعد ليلك
كان يحكي عن مسارك وارتحالك
من كثيرك ما لقيت الا قليلك
من قليلك طبت والعزه لفالك
في صباحك كنت والا في مقيلك
في حضورك مختلف هذا مجالك
ردفك اللي منتثر فوقه جديلك
شال حمله ما تردا واشتكالك
فتنة ٍ مالك شبيه ٍ وسط جيلك
يافريد الحسن يامصعب منالك
منبهر كلي وانا جالس قبيلك
عطرك الفواح من صدرك وشالك
ماقدرت انطق بكلمه واشتكيلك
عن ضياع العمر والغربه مهالك
كم شجاع ٍ بالمحبه ينتمي لك
سلمك سيفه . ودرعه والتجالك
احترق والشوق مايبرد دخيلك
غير في وصلك ولا ودي بدالك
اذكرك لازلت والطيبه حصيلك
مانسيتك .والعطاء اجمل خصالك
يوم زرتك بالمساء من سلسبيلك
ذقت شربه ضعت كلي من جمالك



محمد الثوعي

تدرين ويش اللي معكر مزاجي
رغم الغلا والشوق صعب ٍ اطولك

مافادني كثر الغضب واحتجاجي
لا صار رفضك للوصل من ميولك

ادل دربي زين واعرف خراجي
اصد مثلك واتركك في ذهولك

لوكان حبك بين الاضلاع لاجي
عند الكرامه مل قلبي فضولك

ليتك سحابة حب تروي الفجاجي
استقبلك بالقلب ساعة هطولك

واضح معك في فكرتي وانتهاجي
رسمت لك خطة وتعلن عدولك

قطعت وصلك قلت ماني براجي
شخص ٍ رحل ياقلب ماهو بحولك

من عام واكثر وانا مطفي سراجي
واليوم تقرع وسط صدري طبولك

الشوق جابك واخترقتي سياجي
الخوف حاجز كان يمنع دخولك

مايلحقك لومي بعد وانزعاجي
مادام قلبك جاد وأعلن قبولك

حضورك الليله يزيد ابتهاجي
جيتي وكان العطر يسبق وصولك


محمد_الثوعي

جديد

لا تبادر في الهجر تخسر خليلك
........بعد ذيك المعرفه تقطع ..وصالك
واصل المشوار مابجهل .جميلك
........شفت قلبي راح يمك..وانتحالك
لو تقول الناس قلبك هو...دليلك
........مابقالي قلب من.. سطوة دلالك
المشاعر في ضميري ..تستميلك
........ودها ترضي. غرورك ..وانفعالك
لازعل قلبك معك يتعب. حليلك
........من يحبك صار حاله مثل حالك
يومك اللي يبتدي من بعد. ليلك
.....كان يحكي عن عزوفك وارتحالك
من تفيا .تحت. ظلك .يستخيلك
........ غيمة ٍ بالعشق تستمطر .مخالك
من كثيرك. .ما لقيت. الا ..قليلك
........من قليلك... طبت والعزه .لفالك
في صباحك كنت والافي مقيلك
.......في حضورك مختلف هذامجالك
ردفك اللي منتثر فوقه .جديلك
........شال حمله ما تردا ..واشتكالك
فتنة ٍ مالك شبيه ٍ وسط .جيلك
........يافريد الحسن يامصعب منالك
منبهر .كلي وانا. جالس ..قبيلك
.......عطرك الفواح من صدرك وشالك
ماقدرت انطق بكلمه واشتكيلك
........عن ضياع .العمر والغربه مهالك
كم شجاع ٍ بالمحبه ..ينتمي لك
........سلمك سيفه .ودرعه .والتجالك
احترق والشوق مايبرد ..دخيلك
........غير في وصلك .ولا ودي بدالك
اذكرك لازلت والطيبه ..حصيلك
........مانسيتك..والعطا اجمل خصالك
يوم زرتك بالمسا من سلسبيلك
......ذقت شربه ضعت كلي من جمالك



محمد الثوعي

ساءت...الاحوال بك... ياعم ....صابر
بعد ..سبعينك..غدا.. عظمك ..هشاش

شاخت...اقدامك... ولا تصعد ...منابر
لو حكيت... الصوت...خافت..بالنقاش

من .عرفتك.. وانت..رجال .....ومثابر
بالزمن... تعطي...ولو قل ......المعاش

من... يدينك...تزهر ..حقول....ومعابر
لو.. بلادك...مابها...خير .......وعطاش

صرت...للعثرات... والمحتاج .....جابر
تنقذ ..الملهوف..من.. وضعه ..طشاش

يوم... كانو ...ناس.وافعال.....ومخابر
راسك... اللي...ممتلي.طنخه....وشاش

في ...حياة....الناس. ما مريت....عابر
طيّب...السيره....يذمك.. ..ولد ....لاش

شبرك...... اللي ...مايقارن......بالمشابر
من تشبّر.في...وجودك.....صار ...ماش

لوعتك..... بالقلب...... لكنك.......مكابر
ماشكيت...الحال ..والشكوى......بلاش

صدرك ..اللي. .صار....لاوجاعك..مقابر
تبتسم لو كانت... افراحك......نطاش!!!


محمد الثوعي

..يقول ..اللي. تدبر ..في ...زمانه
...يعبّر ..عن ..شعوره ..في. بيانه
..كتبت .الشعر ..واحزاني ..كثيره
...أغني ..من ..ضميري ...ترجمانه
..اعده كالذهب .يعجبك ... سبكه
...جديد .وخالص ٍ عندي ..ضمانه
..أفكر .في .زماني .ويش ..صاير
...تغيّر ...حالنا ....ما به ....طمانه
..يوصينا ..رسول ...الله ...محمد
...ولا..نتبع .وصاته ..من ...لسانه
..اشوف ..الجار ..مايدري .بجاره
...يروح .والا ..يجي .كل ٍ .بشانه
..وابن ..عمي . قطعني .ماقطعته
...ازوره. غصب ..ما فيها ..ميانه
..ولو...عينه ..ضريره ..ما تبيني
...اغض الطرف مانرخص مكانه
..ومن ..يسعى ..بشر ٍ ..ما نريده
...ولا ..نقبل ...كلامه ...والخيانه
..يفرّق ..بين ..الاقراب .السعيده
...ولد عن والده ..ينشد ...حنانه
..فكم ..بيت ٍ من.. افعاله.. تهدم
...حفر .للساس ..معدوم الامانه
..يقوله ..واحد ٍ ..شرّق ...وغرّب
...كثير ..التجربه .عنده.. حصانه
صديقك من وقف وقت الشدايد
...تسوق ..العمر من أجله..رهانه
ويبقى الطيب بين الخلق حاضر
...وخير الناس من قدم .حسانه


محمد الثوعي