على كفه اليسرى..غفى قاري الوِرد
وعلى كفه اليمنى..سهر منصدم به
صحيح السوالف موجعه..والجفا برد
وليل الشتاء..ريحه..تـثير الندم به
وأنا أسال ..
ندى صـبـح الخـطأ..لاأكتسى الوَرد
عن طعون درعه..والحزن محتدم به؟

شموخ موت الشجر..لـ النار
وخضوع خضر الدمن..لـ الماء
وخيار وقت الجهل..والثار
خيار..وسيوفهم ثلما!!

ياأحباب قلبي لاقسى الوقت
تجملوا بي..وأعذروني
والله لكم..حنيّت وأشتقت
وأسكنتكم..داخل عيوني
رفقاً بذكرايه لافارقت:)

ياللي دروب الهوى لحماك ودنـّا
مالله خلق لك خطأ..بعيون خطارك
تبقى بسااااااطة قـرانا..لو تمـدنـّا
وإن حنْ قلب الولع..مامر مقدارك
بعض المعادن طبيعي لو يصدنـّا
لكن نقيض الصدى..درك ومحارك
يبعّـد الشوف..بعض أحيان..ويدنـّا
لو المدى..والجدي..وسهيل سمّارك
صحيح..وإلا على الضيقه..ماحدنـّا
دروبنا..وأنت طبعا ً حر في دارك

ياأبن الحلال أنت خاف الله بخلانك
والا أنت ناوي..توردني على ويلك !
أن كان ماأكفاك..ماسويت من شانك
قلي..وش اللي تبي مني..وأسويـ لك

لا أحد ٍ يخلي ردوده لين تتجمّع
والا ورب الملا ياغير ياكلها:)