منتديات أبعاد أدبية - من ترشحون من اعضاء ابعاد وزيرا في الدولة...؟!!

اقتباس:

المشاركة الأصلية كتبت بواسطة ريم علي (المشاركة 68537)

يافتح ياعليم
شميتي ريحة المخالفات وهليتي شهوق
ماشاء الله عليك عندك الحاسه السبطعش
والله يكفينا شرك وش جاب طاري التوقيف الحين
خلينا نتهنى بشبابنا
بعدين وش فيها الجامعه مايخلون حركاتهم

فتح ههههههههه

حرام عليك سلطان وبتخليها خير من يمثل بني أبعاد في المحافل الدولية الله يخارجنا بس :)

وصحفية عاد ياجعل عمره طويل الي على الاخطاء الخنفشارية في جريدتكم :)

اح وش أقول يختي قسم توني ماشة دميعاتي من القهررر :(

أولا : ما عطوني مرتبة الشرف <--كله منتس يالكسلانة :)

رحت يختي أسوي إخلاء طرف من المكتبة..

قالوا انتي مستعيرة كتاب عن طرق التدريس والتقييم (بالإنقلش طبعا)

وأنا ما سبق استعرت مثل هالكتاب فحياتي كلها لاني مو فحاجته في دراستي أصلا!!

قلت تأكدي بالله من الكمبيوتر (لأن اسمي طالع فيه اني ما رجعت الكتاب واني مستعيرته من 2005 وما رجعته ليومكم!)

وطبعا لازم أدفع غرامة 45 ريال تأخير كتاب وغير كذا أروح أشتري الكتاب واعطيه لهم يازعم لني مضيعته !! كيف أضيع كتاب ما قريته ولا شفته بحياتي !!!!!!!!!!

ويوم شافتني ناشبتلها فالحلق بالكلمة الطيبة طبعا: الله يعافيك أنا حريصه على الكتب الي استعيرها وأرجعها بوقتها ..يمكن رجعته لكن ما شطبتوا الاستعارة من الجهاز؟!"

الموظفة الي جنبها قالت وهي تهمس: "خلاص اختمي لها إخلاء طرف"

أنا سمعتها وقلت " الله يعافيك ما قصرتي يجزاك ربي كل خير"<- أبد عجوز مع القايلة الله المستعان ..

وإلا الي معها ورقتي تطنش كلامها وترجع تطقطق بالجهاز وقالت: دوري غيرها ما استعرتيه الجهاز ما يكذب! والغريب ان الكتاب بالإنقليزي يعني نفس تخصصك فهذا يدل على إنك فعلا ماخذته! باتصل على مكتبة العيال بالدرعية ممكن يكون الكتاب عندهم لمن رجعتيه!!!!

ألجمني ردها صراحة! يعني الي معها تقول مشِّيها واختمي لها لأن أصلا الدعوة تلفيق× تلفيق على البنات عشان يدفعون فلووس للمكتبة..

وسلمت أمري لله وجلست انتظر رد قسم الرجال..

جت وحده من صاحباتي وتسأل خلصتي أمورك قلت خليها ع ربك طلعت فيه حوسة ومدري إيه..المهم راحت صاحبتي ويجيها أردى من الي جاني اللهم لا شماته :(

_:أنتي مستعيرة كتابين في علم الجبر والرياضيات من مكتبة الملز !!!!"

"تخصص لغات وش دخلني أستعير كتاب في الرياضيات؟ واحنا فعليشه وش دخلني أنقز أستعير من الملز؟"

-" يمكن مستعيرته لأحد صديقاتك؟!"

وقتها جيت أنا معتميه ما عاد أشوف من الظلم !!

"شفتي هذي نفس سالفتي .. لكن الاختلاف هنا ان التخصص ما طلع موافق ..ونا من رداة حظي طلع الكتاب نفس تخصصي و ش هالكلام؟ يختي فيه خلل في النظام عندكم<-تحسون قوية صح :)

وقتها ارتبكوا الثنتين وقالوا :انتوا صديقات وتستقوون علينا مو مشكلتنا انكن استعرتن كتب وما رجعتوها؟!"

قلت لا حبيبتي عندنا ذمة وشهو له نستعير كتب وما نرجعها ؟من زينها كتبكم أصلا خايسه ومنتفه وتجيب الربو !

قالت خلاص أنتي بأشوف موضوعك مع الرجال الحين بارجع اتصل عليهم.

وأنتي(تقصد صديقتي) روحي للملز تفاهمي مع مسؤولة المكتبة هناك!

يبونها تطق مشوار من عليشه للملز عشان تنفي عن نفسها تهمة استعارتها لكتاب عمرها فحياتها ما قرته ولا يهمها بعد؟؟؟؟؟؟

البنت طنقرت وقالت ما ني رايحة الدعوة فوضى! عطيني اكلم المسؤولة الحين قدامكم وأتفاهم معها..

المهم وتناظرني قالت:"أطلعي فوق قسم الكتب الاجنبية ودوري ع الكتاب ان لقيتيه شطبنا الاستعارة !

وقلت اتبع الكذاب واطلع وادور الكتاب ولا حصلته وانزلها قالت:

"خلاص يقولون الكتاب لقوه عندهم في الدرعية ورقتك ختمناها خوذيها!"

بكل بساطة سبحان الله سووا لي سالفه وبكل بروود يختمونها وانا محرووقه منهم على هالطريقة يعني تلفيق ليه كل هذا حب فالفلوس؟ مو كافي التلطيش الي مستمرين فيه من جيوبنا حتى لمن نتخرج!

جيت بأصور السجل الأكاديمي وجايبة معي قروش فيها الخير :)

لنهم يقولون النسخة بستة ريال ومير أطلب 6 نسخ وينسخ الجهاز نسختين زيادة..

وتقول ادفعي فلوسها وخذيها !

قلت (عناااااااد فيهم +ما معي إلا ريال :( ): : يختي ماني فحاجتها أرميها "

قالت:" الورق محسووب على الجامعة وما نرمي أي ورقة إلا مدفوعة فلوسها !" <-يعني ادفع فلوسها وتروح الزبالة مو مشكله!

قلت وانا مطرطعة خلاااااص:" والله مشكلة طابعتكم مو مشكلتي لو اني طالبة نسخ زيادة رفضتوا والحين تقولون ادفعي فلوس نسخ ما ابيها ! وما معي فلوس حتى وش اسوي لكم تحتجزون سجلي الاكاديمي مثلا عشان هالنسختين الزيادة! اعتبروها صدقة لوجه الله <-وانا اضحك من قلب على هالموقف وهي سااكتة هههههههه

وإلا تقولي: خلاص خذيها أمري لله ببلاش :)

واطلع والقى صاحبتي قلت: هاه أفرجوا عنك ؟

قالت:" بعد ما كلمت المسؤولة وعطيتها من الدعاوي لين قالت بس "

وش دعاوي ؟

_"قلت الله جزاك خير ويعافيك ربي ويكتب لك اجر وحسنة دنيا وآخرة ترى والله ما قد زرتكم في الملز ولا شفت مبناكم من بعيد فكيف استعير كتاب في علم الجبر والرياضيات؟"

قالت المسؤولة" أنتي فلانة الفلاني؟" قالت البنت :" إيه"

قالت المسؤولة:" كيف تكونين فلانة الفلاني وتكلميني من عليشه وفلانة الفلاني (نفس الإسم يعني) واقفة قدامي الحين !!!!!!!"

هههههههههههههههههه

قلت أنا : خيييير شلون مكلمتها فيديو ههههههههههه

_"ههههههههه أنا دارية عنهم ! طلع فيه فلانة الفلاني ثانية تأكدوا ان اسم الجد يختلف وانها مستعيرة الكتب وافرجوا عني :)

8

هذرت واجد مهوب ألا :(

خلوني وزيرة الشكاوي لأبعادية ومترجمة هموم المواطن الأقشر ههههههههه