اشلاء ورد
 

[poem="font="simplified arabic,5,white,normal,normal" bkcolor="black" bkimage="" border="none,5,black" type=2 line=0 align=center use=ex num="0,black""]الشوارع تلبس ثياب الجفى والارض صد=والمداين من جراح اركانها تبكي بلاد
والجسد يلبس همومه لحاف والاحزان برد=والعيون غيوم تمطر دمعها في كل واد
والضلوع غصون تذبل والقلوب اشلاء ورد=والشعور اوراق طاحت واغلب النور السواد
والعمر مرسى همومي والفرح جزرا ومد=والجروح امواج تلطم عالمي طول امتداد
والمشاعر سجن يحبس جوفها احزان فرد=والبيوت افراح عاشت من اهاليها كساد
ياجماعه جيت ابسئل وانتظر للحق رد=ليش صار الطيب عايب صاحبه عند العباد
ليش صار اللي يعامل غيره بطيبه وود=يلقى في مقابل وداده شي من عكس الوداد
صدق حبيته وطبعي انا لا حبيت جد=افدي من اعشقه روحي حتى في عز الشداد
لكن اللي كان حبي خانني من دون حد=طاع من يحكي ويغلط في غرامي من بعاد
دمر احساسي بطعنه حطمت مليون سد=في خفوقي كنت اصونه واسهره عند الرقاد
شلت بيديني همومه لجل يحيا في سعد=حتى صرت اعتاد همه لين صار الهم زاد
كنت اقوم بوجه نده صامدا لعداه ند=وكان يقوم بصف ندي للأسف جند وعتاد
كان دمعي سيول تجري وكان مجرى السيل خد=كنها عيوني سحايب ودمعها غيث وبراد
ومايواسي الخد فيني غير منديلي ويد=والكتوف رفوف شالت متنها هموما جداد
المثل للناس حكمه قال من يزرع حصد=وانا ياما زرعت حبي ولا بدى وقت الحصاد
ليت ماضي العمر يرجع وارجع بعمري ولد=طفل اكبر هم عنده لعبه كرتون وجماد
مايفكر ويش امسه ولا يفكر ويش غد=وابسط الكلمات بابا واصعب الكلمات داد
آه ماينفع اعض اصابعي حسره واعد=راحت ايامي وضاعت وماتحقق لي مراد
القلوب قبور عالم والعروق اليوم لحد=والحنايا من جراح اصحابها تعلن حداد[/poem]

وأي حداد ..!؟؟ ياوافي الوعد
،،
،
خالد الغامدي
،،
،
هذا النص قمة
الوفاء منك

ولاهي غريبة عليك
يالغامدي..!

دمت بهذا الوفاء
والــ
شعر

خالد
رائع هذا النص حقاً
وتجاوزت به نفسك كثيراً

موفق دائما وأبداً