" البيبسى " ساءلك ياشيخ بالعباس والمرسى !
 

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]حرام ياشيخ لو تقرالى الكرسى=من طلعة الشمس لين الليل يدمسها
ماشفت بى جن لكنه مرض نفسى=العشق حاله ولاعن جد خامسها
هواى عفريّتن وعيونها الخرسى=ماشفتها لكن أهواها وأقدّسها
حين اهمست لى بكلمه رحت من أمسى=واليوم روحى رهينه فى محابسها
كنى بحبسى وكنى مانى بحبسى=مسجون مطلوق ماخوذ بوساوسها
ان هب ريح الجنوب اهب له عكسى=واليا اعتلت نجمة الجوزا أجالسها
والبعد قتّال يابعدى ويا حمسى=كذا أغنى ونار النار مونسها
ليت المدامع دمى ليت الحشا ضرسى=ماكان كبدى لهيب الشوق حامسها
لا العين تصبح ولا هى بالمسا تمسى=متخالفن مع عيون الخلق حارسها
والله ما أشرقت والا أغربت شمسى=الا وأنا عبرتى عبرات حابسها
هو فيه بالناس من لونى ومن جنسى=ياشيخ فى حسها والا هواجسها
مانى بمجنون ذا عشقى وذا حسى=والمعرفه علمها عندى وأدرّسها
فرّاس أقرا عيون الناس وبحدسى=أقلّب قلوبها واكشف دسايسها
قليل صادفت مثلى من بنى انسى=وعقول ماينتمى لك فكرها سسها
خاويت حيوانها فى العالم المنسى=والجن ماشفتها لولاى حاسسها
أيام صلّت وراى فروضى الخمسى=والطير والداب والنمل بمتارسها
كم ليلتن موترى فى ليلى الدمسى=على دروب السفر نجم بخرامسها
مريت فيه بمضارب عنتر العبسى=حتى تعديتها لديار بطرسها
ومنين مارحت حنا فى نيوجرسى=الآرض صارت مساجدها كنايسها
نذوق مر الزمان بعلبة البيبسى=ونعيش عصر الهزيمه فى ملابسها
ساءلك ياشيخ بالعباس والمرسى=انك اتغنى معى واليا سهيت اسها[/POEM]

حياك الله عبدالرحمن


أنا اعتقد انها بدأت بهالبيت



واطراءك الكريم



محل تقدير فى نفسى


فائق احترامى

خالد جروح



بالفعل هى رائعه


والاروع مرورك




فائق احترامى وتقديرى

لانختلف على شاعرية فالح الدهمان
ومن يعرفه عن قرب يعلم كم هو مرهف الاحساس
لذا يتجدد الشعر معه دوما ويجعلنا نتابعه كيفما جاء

مداخله شرعيه :

لكن يازولي ليه تحلف بالعباس وغيره فالحلف لايكون الا بالله
وماسواه حلف باطل شرعا ...

فــالح .. ممتاز ما قدمت ...

_____

ابوراكان ... جّل مَن لا يسهو :d

دمتم لنا