>>> أبْسط حقوقي!!!
 

[POEM="font="Arial,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الوحشه اللي خيّمت في خيالي=دقّت بقلبي ألف هاجس وولوال
واحشني اللي مستفزٍ هْبالي=واكبر قهر مقفي وهويعرف الحال
ادلّله كنّه شريدة عيالي=والبّسه من قافي ألفين خلخال
أغليه لو هو ماشرب من دلالي=واعزف على قانون دنياه موال
يكفيه إنّه مستثيرٍ سؤالي=ويكفيني أني اعشقه موت بهبال
هو رفّتي مع ربعتي مع خلالي=وهو واسط البيت المثولث ولا زال
زلزال بعده طامعٍ في جبالي=ياما بها خيّم وفي صخرها صال
عن ثدي حبه عاجزٍ عن فصالي=يبطي ولا يقدر يبعّدني أميال
غالي ورغم البعد سيد الغوالي=عندي ولا به شك ذره ومثقال
ودام انه اصبح من مزاين حلالي=وليّه عليه أربع جمالات وافضال
أشره عليه يْصير صدره شمالي =وينحت خيالي بين الاضلاع تمثال
وابسط حقوقي يستميت بدلالي=ويزرعني بعينه مساحات واغلال
لأني بنجم السما والعلالي=رفعته برغم الحواجر والاهوال
وأدري يموت بلحظةٍ من وصالي=بس القهر يقفي وهو يعرف الحال[/POEM]

(((من طول الغيبات جاب الغنايم))))

يشرفني ان اكون اول الزائرين



قصيده رائعه

تقبل اعجابي بما كتبت

دمت مبدعا

مليح
اهلا بعودتك

قصيدة في منتهى الروعه
صح لسانك مليون

ادلّله كنّه شريدة عيالي=والبّسه من قافي ألفين خلخال

وليس أجمل من هذا التبرير والتصوير لدلال قط ,,

.
.
.

ودام انه اصبح من مزاين حلالي=وليّه عليه أربع جمالات وافضال
أشره عليه يْصير صدره شمالي =وينحت خيالي بين الاضلاع تمثال
وابسط حقوقي يستميت بدلالي=ويزرعني بعينه مساحات واغلال


هو مليح الرويلي بساطة حد الإدهاش ,, حبكة أصيلة متمكنة ,,



أهلا بك أخي وعزيزي مليح الرويلي ,, وإن غبت عن العين تأكد أنك في قلوب كل من يحترمك ويحبك ويقدرك ,, نفتخر بك حضورا وغيابا ,, أيها النبيل النقي ,,


أخوك نافع ,,

مليح

وهطول من شِعر

ينسكب هنا

ليعشوشب المكان بك / منك

صح قلبك

يامطر

كن بخير