دموع الطفوله (( عفاف ))
 

http://www.eqla3.com/hn/black.gif

إلى روح عفاف
التي ترفرف في جنان الخلد ( إن شاء الله )

[poem=font="Mudir MT,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
الحزن قد شق ثوبه وأصبح بموتـك مريـب = والغيوم اللي بسمانا صابها بعدك جفـاف

موغريبه لو بكينا لو حزنـا مـو غريـب = لو نشوف الدمع يجري ما على هذا خلاف

الغريب دموع تصرخ صوتها صوت النحيب = ما قوت تخطي خطاها داخل العين المطاف

الغريبه جيت أبكتب إيش أخلي إيش أجيب = الحبر يبكي غيابك والقلـم حالـه تـلاف

غصت بفم المحاجر كلمة الموت المهيـب = وبلعت ريق الذهول اللي تهاوى بانعطـاف

وانثنى ظهر الطفوله حلمه بشوفك يخيب = طأطأت راس البراءة شلت أقدام العفاف

السما تلبس بياضك تدعي الله المجيـب = تلبسي روح الطهاره والكفن ثوب الزفـاف

القبر يحضن جسدها وأبتعد أقرب قريب = والثرى يشرب عطرها بكل لهفه وارتشاف

الشجر يسأل عليها ليـه هالطفلـه تغيـب = تنبت بوجهه مدامع مـا يوقفهـا الكفـاف

الطهاره لو بتحكي توصف الحزن الرهيـب = تبكي تبكي من ألمها تشكي أيـامٍ عجـاف

يفقدك يوم النجاح وبعدك البسمه تغيب = تفقدك كل المدارس والجرس بالإنصـراف

يفقدك صوت الاماني بكره هالوررده تطيب = يفقدك كف بكى لك يدعي ربه بإرتجاف

تفقدك يد الرعايه وإبره بيديـن الطبيـب = يفقدك حتى علاجـك والمخـده واللحـاف

السواد اللي بعيونه مكتسي لون المشيـب = هو بياضك يالبريئة لفها الطهـر إلتفـاف

شفتك بعينه صباحٍ مـا تعـرض للمغيـب = شفتك النور بحنينه ما بعد هالنور شـاف

الغياب أعلن حداده نكـس أعلامـه كئيـب = يشرب احزان العذاب ونبكي بحزنه عفاف[/poem]

الله يرحمها رحمةواسعه

صح لسانك ولاهنت يلغالي

دمت بخير