غربة إنسان
 

[poem="font="simplified arabic,4,purple,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يـا فاتنـة لا تسألينـي أنـا ويـن=حتى أنا اسأل مـن الضيـق وينـي
غريب ادوِّر عـن بـذور العناويـن=بـزرع ظـلال يلمِّنـي / يحتوينـي
يائس بعيني هالمطر لا نـزل طيـن=يلصق على متنـي النحيـل ويدينـي
عمري تناصف والمواجـع شياطيـن=تهجـع نهـار وبالمسـا تعتريـنـي
أهـوال دنيـا ناضلتهـا شرايـيـن=وطيحات وقتي واقفــة تحتريـنـي
نرمين : صدماتي عظيمـات نرميـن=واللي ورثتـه مـن وراهـن أنينـي
جيتك غريـب ٍ بأمنيـات المساكيـن=وخلفـي همـوم ٍ جايعـة تقتفينـي
نرمين باقـي بـي حكـي لا تقفيـن=محتاج لـك كثـر الهـوا صدقينـي
لحظة بهذري للعمر وإسمعـي زيـن=ببعثـر أوجاعـي عسـى تعذرينـي
عشرين عمـري ناظـري للثلاثيـن=تبنـي تجاعيـد الزمـان بجبيـنـي
وأنا لك الله مالْمحـت دمعتـي عيـن=أبكـي ودمعـي تستـره راحتيـنـي
عزيز لـو ضعفـي تفجَّـر براكيـن=ملامحـي ماتختـلـف وإعرفيـنـي
ضيـَّـعت ثلث وباقي ٍ بس ثلثين=ثلث ٍ يبي لاماك وثلث ٍ يبيني
ظلّي هنـا تمـددي يـا الغـلا ليـن=ثلثـي يعانـد هالشتـات ويجيـنـي
كتبت لك عن [ غربة إنسان ] والحين=ظـمـِّـيني إلـ/صدرِك طفل و إحضنيني [/poem]

الله عليك وعلى هالنص

عشقنا بوحك لنرمين

وعشقنا شعوذتك

صح بوحك

يـا فاتنـة لا تسألينـي أنـا ويـن
حتى أنا اسأل مـن الضيـق وينـي
غريب ادوِّر عـن بـذور العناويـن
بـزرع ظـلال يلمِّنـي / يحتوينـي
يائس بعيني هالمطر لا نـزل طيـن
يلصق على متني النحيـل ويدينـي
عمري تناصف والمواجع شياطيـن
تهجـع نهـار وبالمسـا تعترينـي
أهـوال دنيـا ناضلتهـا شرايـيـن
وطيحات وقتـي واقفـة تحترينـي
نرمين : صدماتي عظيمات نرميـن
واللي ورثته مـن وراهـن أنينـي
جيتك غريب ٍ بأمنيـات المساكيـن
وخلفـي همـوم ٍ جايعـة تقتفينـي
نرمين باقي بـي حكـي لا تقفيـن
محتاج لـك كثـر الهـوا صدقينـي
لحظة بهذري للعمر وإسمعي زيـن
ببعثـر أوجاعـي عسـى تعذرينـي
عشرين عمري ناظـري للثلاثيـن
تبنـي تجاعيـد الزمـان بجبيـنـي
وأنا لك الله مالْمحت دمعتـي عيـن
أبكـي ودمعـي تستـره راحتينـي
عزيز لـو ضعفـي تفجَّـر براكيـن
ملامحـي ماتختلـف وإعرفيـنـي
ضيَّعت ثلـث وباقـي ٍ بـي ثلثيـن
ثلث ٍ يبـي لامـاك وثلـث ٍ يبينـي
ظلّي هنا تمـددي يـا الغـلا ليـن
ثلثـي يعانـد هالشتـات ويجينـي
كتبت لك عن غيبتي أعذار.. و الحين
خـوذي بقايـا غربتـي وإتركينـي



الله عليك
الله

ناصر
حاولت أخذ بيت أوبيتين على حده
فلم أقدر
متماسكه وكل بيت يعني قصيده

ناصر
روعه / إبداع
عذوبه
معنى ومغنى

لله درك


جوري لقلبك

العنزي

والنعم

صح قلبك وقلب نرمين

الشعوذة غالباً ما تـُـنجب الهلاك .. لذا كن حذراً أيها النبيل ولاتعشني فلربما أهلكتك معي

الغالي رشدي الغدير ... هل أخبروك بأنني أغليك :)


شكراً لقلبك

أخوك
0
0

ناصر الدهمشي

همســــة لأقرب مشرف // أتمنى تعديل الشطر اللي أقول فيه:

ضيـَّـعت ثلث وباقي ٍ بي ثلثين

ويجعلونه هكذا :>>> ضيـَّـعت ثلث وباقي ٍ بس ثلثين

ناصر :


هنا استفزيت الشعر المخبوء من مكامنه

كنت هنا صاحب الصولجان الأوحد يا ناصر


ضربت بعصاك في عنانه فأنفلق في مخيلتك الخصبة