بعد غياب طويل عنكم بفعل الظروف ..

.. اهديكم :

قراءه لـ ( هامش ما ) ..

بحضرة الحب !!

لـ قلو بكم .. و قبو لكم ..

صاحبي خلك كذا .. وضعك حلو

.................................... في مدى قلبي تمون وماتمون !!


ترمي احلامك على برج الدلــو

.................................. وتبني آمالك على طين الظنون !!


كل ما تمطر من انفاسك ( آلو )

................................. تنقلب صحرا سماعي زيزفون !!


ياحبيبي والحروف لـْْـيا اهطلوا

................................ يايجون ابداع ولاّ لايجـــــــون !!


وانت تعـْرفني اذا افكاري سلوا

............................... فيك ،، كيف اشعل حروفي لك دخون !!


وكيف تنفيني طيوفك لـ اوصلوا

.............................. وحدتي ، واكتبْـك آهات وشجون !!


مؤمن بحبك الى حد الغـلــــو

................................ و واصل بشوقي الى حدالجنون !!


ادري انك واثق بصدقي .. (ولو)

............................. خلني اتفنن وفا ،، وياهي فنـــون !!


نبعها حدب الضلوع اللي انحلوا

........................... ياكذا نبع المشـــــــــاعر او بدون !!


لجل عذالك اذا عني اســـألوا :

....................... وش كتب لك ؟ قل لهم : احساس لون !!


لون ،، لكن مختلف وزن وعلو

........................ ريشته : مبدأ على حد المجــــــــــــون !!


صاحبي ولوّ الموازين اعدلوا

.......................... مــ / انظلم شاعر بـ نزوة مكرفـــــون !!


ومـ / ارتقى حرف الفضا باللي انزلوا

.............................. ومـ / امتلا وجه الشعِـر بـ اشياء دون !!


ومـ / احترى الابداع راي اللي اجهلوا

............................. واقف ومليون فــــــــارغ يوصــــلون !!


ياالغلا وغاليك ينظر مـ / اعمـــــلوا

................................ ومـ / اختلف تيهه .. ولاهم يحزنون !!


كل مـ / الواعين قالوا ومـ / افعلوا

............................... ابتسم خلى المعاتب .. للعيــــــــــون !!


حكمته ان الخلايق مـ / اكمـلــــــوا

............................... ومبدأهـ دايم : أكون او لا اكــــــون !!


وانت يا أغلى الصحاب اللي انهلوا

............................... من وريدي ،، هاك قلبي ولاتخون !!


وبلغ اصوات المهايط لا علـــــــوا

............................. لـ ابتدا بوح اختلافي ،، يركـــدون !!


ماليين الكون زيف ،، وما ملوا

............................ عيني ابكلمه ،، مـ / غير يهايطـون !!


ان نووا ابداع ،، ضاقوا وانقلوا

.......................... وان بغوا جبر المعاني ،، يكسـرون !!


لااستخاروا ولااستثاروا ولااثقلوا

........................ همّهم بس يَـشبهون و يـِِِِِِِِِِِِِـشبهـــــــون !!


ذولا غلطه مطبعيه واحصلوا

.......................... كيف ؟ مدري ،، بس عادي يحصلون !!


اختصارا ياالغلا هم مـ / احفلوا

........................ بشي من همي ،، ياعمـــي يعـْــجزون !!


بس قلي ،، انت خرسك لـ / اثملوا

...................... سلهمه ،، وشلون ابادلك الطعـــــــــــون !!


يابعد كل القرون اللي خــــــــلوا

....................... ليتني احيا بْسما حبك قــــــــــــــــرون !!


انتفي بك عن جروح اللي جلوا

............................ عن مدى شوفي وانا اردد تجـــون ؟؟!!


وقــّــفـَت مزني دهر يوم ارحلوا

......................... وامطرت كرمال عينك ياحنــــون !!


صاحبي ،، ياصاحبي ،، كلك حلو

............................... وماتمون ؟! إلا على روحي تمون !!


بس انا امزح معك ،، عطني آلو

........................... ودي ابحر في مدار الزيزفـــــــــــون !!