|
بنت الخبر
السلام عليكم ورحمة الله وبركاته الى جميع اعضاء هذا الصرح اهديكم هذه المتواضعه واتمنى ان ترتقي لربع الذائقه وقلت فيها [poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ناح قلبي من اللي لابسٍ له عباه=نوح فارس هزم في معركه وانكسر يوم مر وتعدى شفت حالي وراه=سقت رجلي وقلبي خابره مايجر مير صاب الضمير بعلته مع دواه=في شباك المحبه مالقيت المفر وجد حالي على اللي رايحٍ في هواه=قلب شاعر عروقه بين شعر ودرر كان قافه يشد المستمع لاوحاه=صار قافه يجيبه ثقل ولا كسر اشهد اني فبحر الحب مالي نجاه=اغرقتني فبحر الحب بنت الخبر لو تطالع لجندي صار يرئس قضاه=لو تناظر مطوع ضاع وقته سكر بنت ناسٍ يعدون الثراة الطغاه=مال ابوها بعد الرمل ماله حصر قلبي اليوم غادي ضايعٍ من جفاه=يادليل المحبه دلني كيف امر لو عيني عن المزيون جاها عماه=اعرف دروبها من قوّ ريح العطر صار حالي مثل شايب تقوده عصاه=او كما حالة عراق العرب مندمر كن قلبي سفينه وابحرت في هواه=والبحر يغرق القبطان لامن مكر المحبه تجيب احيان حالة وفاه=لكن فهيد في حبك زمان انقبر والحنايا تنوح القلب عقب الحياه=والعقل جر مواله حزين بقهر والشعر يكتب بحالي قصيدة رثاه=يوم قفت وراحت راكبه بالهمر [/poem] وسلامتكم لكم خالص التحايا اخوكم فهد بن حمود البيضاني |
فهد
صباحك ورد نص جميل سلم حرفك مودتي |
فهد البيضَاني .. نص جميل .. / ويُلوح بِقادمٍ أجمل شُكراً جزيلاً . . |
بنت ناس ٍ يعدون الثراة الطغاة
0000000 مال أبوها بعد الرمل ماله حصر الله الله قل الفقر ماله طريق ٍ عليهم ..:) الف صح لسانك يا فهد أخوك 0 0 ناصر الدهمشي |
فهد البيضاني
شاعر يجبرك على متابعة حروفه مودتي |
اقتباس:
هلا بك عبدالله العويمر صباحك سكر والاجمل مرورك الرائع وانت سالم صح بدنك لك مودتي اخوك |
محظوظة بنت الخبر بـ حرفك
أهلاً بك في أبعاد أدبيه الذائقة تنتظر كل القادم من بوحك شكراً لك |
اقتباس:
هلا بك جُمان والاجمل مرورك وصح بدنتس ولاهنتِ لكِ خالص التقدير اخوك |
| الساعة الآن 04:15 PM |
Powered by vBulletin® Copyright ©2000 - 2025, Jelsoft Enterprises Ltd.