|
يا بو جمال البارحه يومك سريت +ردي عليها
هذه الابيات المتواضعة اهديها الى الاخ العزيز عقيل المنيس الشمري ابو جمال :: قلتها بعد ان كلمني قبل سفره خارج البلاد وانا توني عائد من مكة المكرمه وتحمد لي على السلامه وقال اني مسافر غدا يابو جمال البارحه يومـك مشيـت ونيت انا من غربتي يابـو جمـال كنك اخذت بناظرك كـل الكويـت واقفيت وجهت نيتك وجهت شمال وانا ترانـي ماضعفـت ولابكيـت الا على فقد الرجال مـن الرجـال ماني ورا نجواي لك دوار صيـت هذي حقيقه قلتهـا قبـل السـؤال لك ماقفٍ مرسوم بعيوني وجيـت كنك خيال وجيتـك ماهـي خيـال اذكر شكيت الضيق لكن ماشكيـت فقدان وقفاتـك ولاقطـع الوصـال جيت بطناك الشمري يوم انتخيـت وقلت اعطني همك ولو همك اجبال من اول ادري يوم انا عنك دريـت انك خويٍ للخوي فـي كـل حـال قدرك كبير وزود قـدرك ماحييـت يالله عسى ايامك بأيامـك طـوال وانا كذا طبعـي لخلانـي وفيـت ماانكر الخوه اليا ضـاق المجـال والشمري طبعه كذا لامـن حكيـت عشقه خبال ولاكره كرهـه خبـال قبل الغياب بحيرتي يـوم اعتليـت رجمٍ على المطلاع واهجوسي ارتال قلت اني ابرى لكن انـي مابريـت لازالت اطعوني تصـارع بالمحـال وجه الليالي يوم بان وبـه قريـت شفت العجب مكتوب في وجه الليال لاشفتني طربان لاتسـأل نسيـت؟ كل الهموم اتنادي لوجهـي تعـال الشاعر / علي المبرد |
وهذى ردي على اخوي علي المبرد ابشر يابو مبرد اليا منـك دعيـت تلقى عقيل الشمري لك راس مـال بالجاه والا المال جيتـك كمبليـت يفداك كل المال وارقـاب العيـال اليا أنتهى مشوار خلق الله بديـت مثل طبع شمر كريميـن السبـال وانا معاك اليا هدمت ويـا بنيـت لو نصرف الدينار بأثنى عشر ريال وياعلي انا في سفرتي هذي لقيت إن الفعـل يثـر عليـه الإنفعـال وإن الصديق الحي قلبه قلب ميت وإن الوصل عنده شبيه الإنفصـال الصاحب اللي صار قلبه كنكريـت ذمه محال ونمدحـه هـذا محـال صحيح انا أزعلته ولكن ما قسيت للفعل ردت فعل وظـروف اليـال وغوشني الشيطان لكن له عصيت همزة وصل بعد الحرام عن الحلال بقيت أسولف سالفه مير إستحيت يمكن يفوز النصر بغياب الهـلال ومن يلعب البلوت مع ميم السبيت يصبح مثل من يعلج أطراف الحبال ومن سفرتي زعلان ما ركبْت بيت أخاف لا يحسب عن لساني سجال وانا شمالي شف عايش بالكويـت والأصل حايل والهوى يم الحيـال ياطاف نص الليل لهمومي سريت مابين خد الطرس وعقوب الـدلال يا عبد أبو سعدون ليتك ما أنتحيت إنت إنتحيت هناك وحمولي ثقـال بقيت واقف للمتاعـب ماأنحنيـت ما مال مني ياعلي غيـر العقـال عقيل سعود المنيس الشمري ابو جمال |
اخوي عقيل المنيس
صح لسانك ولسان علي المبرد الاسلمي ابيات رائعه تدل على روح الاخوة والمحبه جزل يا ابو جمال وعلي المبرد كذلك لك مودتي |
أخي أبدعت في هذه القصيدة الجميلة
أعجبت فيها من كل قلبي لأنها تحمل معاني الصداقة وٍالاخوة صح لسانكـ |
ابو جمال
صوت وصدى ولا اروع صح لسانك ولسان علي المبرد مودتي |
عقيل
صح لسانك ولسان الشاعر المبدع علي الى حدّ الجمال كونا بخير |
ورده الى السماء
|
من جبل ومسنوده لجبل
ابو جمال من اشعر الشعراء اللي مرّوا على ذاكرتي وملاحظاتي وجودك كرم ... وكلماتك ادب وصح لسانك ولسان عليّ صوت وصدى ... ارتقى ... وتعلّا .. لاهنت ولاهان حضورك يالغالي تقبل مروري واعجابي بك |
| الساعة الآن 05:42 PM |
Powered by vBulletin® Copyright ©2000 - 2025, Jelsoft Enterprises Ltd.