|
~~ تفـــاح اللـيـــالـي ~~
. . . أحبتي بعض من نبض مع أجمل الأماني . . آآه من ذكرى رفيفه .. في سماء طعونه طيرها ماطار حظه / والجناح أحوالي لـ ابتسم / شفت الحياه الماطره بعيونه ولا مشى / يمشي بنبضي يستفز التالي كل ثورة في ركونه / صاخبه / مجنونه الكلام البير .. والدلو الشقي / مرسالي يجمع اللولو .. بـ همسه ناعسه بجفونه يستثير البحر .. وامواجه / تزيد جدالي كل ما حاولت أفسر/ نآيه وقانونه ضعت مابينه وبيني .. والتعب موالي هيبته/ قصة هبوب تعاشر الطاحونه حركت كل الحياة .. بغيبتي واقبالي أعتقد كل العطور .. مكوّنه لـ تكونه في يميني عطر روحه والجسد بشمالي أشعر انه يستميل الحبل / لين متونه ثم يفتح كل باب .. يعيدني لـ أهوالي البلا ..جذاب لون ولا همست لـ لونه صارت اللوحة بياض / وفرشتي غربالي سكر الدنيا أحسه .. ذايبٍ بغصونه الغصن لـ اهتز كل الكون طعمه حالي لالمحته شفت شمسٍ / زاهيه / مسجونه وامطر الرغبة برهبة .. واستند بـ ظلالي أذكر أني مالمست .. إلا / عبير حصونه واذكر اني ماهدمت .. إلا / حصار العالي ليت هالدنيا صغيره ..وانثني بـ مرونه واطوي شراع السفينه / مبحرٍ بـ آمالي ليه تفاح الليالي / طاح في ماعونه ؟ وليه سكين الحياة .. مثلّمة بـ جبالي ؟ أسئلة تحتاج موت / وأسئلة مفتونه والإجابه راس مالي / يوم راسي مالي مالقيت بكل منطق / فاح به مكنونه غير ذنب العاشق اللي .. عاشقٍ ترحالي عشّه المبني بـ خوف / وبرده اللي دونه هي جناح الرحلة اللي .. عششت في بالي كيف أكون خطاه ..وارقا /لين أعيش بنونه ثم أرحب به / وأغني له / واكون لحالي له من الجوف الحياة .. وله عليّ آصونه ولي تفاصيل الجنون / مهيّله بـ دلالي استخير الموت لجله / وابتعد .. وآخونه واذكر أني ما آخون / إلا الخيال السالي هيه ياحمّى الجفاف .. بـ ذاكرة ليمونه ليه حنّا ماسكنّا .. كل حصنٍ غالي القدر مكتوب يبقى .. غصةٍ مغبونه والسنين القشر / ماترضخ لـ رمي نبالي والغيوم اللي تذوب .. وروحها مفتونه "شعبها" صوت الحنين / وزلزلتها " والي" ..!! . . . الســيل الله يديمك يامطر |
اقتباس:
مطر مطر مطر الشاعر عبدالله.. قصيده سلسه اجتاحت اعماقنا فلله درك على هذا الشموخ الصاعد أتيت لارتشف من رحيق نبضك...فوجدته زاخراا كن بخير... فلهكذا جمال صدى يجبرنا على اعادة قرائته...اكثر من مره دمت بخير.. |
ثمَّةَ كلامٌ كثيفٌ ومسكونٌ بالغيم أثُّثت بِه السماء : يَلوي أذرُع الكلام عبد الله بن زنان .. بينَ دهشةِ وأخرى فِي هذا النّص.. نَبحثُ عَن مكانٍ لنا في الأعلى نُلغي جميع المواعيد ../ ونُمارِسُ طقوس العطش على ضفّتِه كما يَجب هسيسُك يا عبد الله يُطلُّ من كل الجِهات ويحتَرِف مِن قلوبِنَا وطناً له ما عزفتَهُ هُنا مِن شعر أبهج .. / مَشروعُ جمالٍ يمنحُك القدرة على المجيء دائماً بهذا الاختلاف تَنجَحُ دائماً في [ تشكيل ] الدهشة شُكراً وأكثر . . |
عبدالله بن زنان
ــــــــــــــــ * * * دَائِمَاً يَا صَدِيْقي العَزيْز .. تُقَدّم لَنا الشّعْرَ كَـ هَدِيّة ، فَنُعطِيْك أيْدِيْنَا وَ فِكْرَنا .. لأنّك القَادِرُ عَلى حَرْثِهَا جَيّدَاً . : شُكرَاً بِحُبّ . |
عبدالله رنان
حضورك كالمطر في أول أيام الشتاء بالفعل أنت "السيل" صح قلبك:) |
الله عليك يالسيل مبدع دائماًً
|
/ \ ليه تفاح الليالي طاح في ماعونه ! ليه تفاح الليالي طاح في ماعونه ! ليه تفاح الليالي طاح في ماعونه ! عبدالله بن زنان لاتتوقف عن هذا الجنون .. إتفقنا ! نَ |
السيل هنامطر وانسيابيه عجيبه وحقيقه ليس اول مره اقف بنبهارمدهش بكل نص اقراءك بمطراعذب كل عام وانت بخير مع ودي واحترامي خ |
| الساعة الآن 08:14 AM |
Powered by vBulletin® Copyright ©2000 - 2025, Jelsoft Enterprises Ltd.