~ وَشمْ ..


تشبهيني ،
فيني منّك ..
نفس جرحي في يدينك ..
وفي غيابي : تحتريني !


تشبهيي حيل والله ،
والدليل إنّي أحسّك
الدليل ، إنّك بكيتي ..
يوم إحساسي قريتي ،
وقلتِ إنّك : تعرفيني !


تشبهيني بـ كل وقت ،
حتى لو قلتِ بـ صمت ..
شنهو هالصدفة الغريبة ؟
وما قدرتي تسأليني ،
وإلاّ حتى تواجهيني ..
بس أدري : تسمعيني !


ولمّا فجأة عنّي رحتي ..
قلت تعبانة و زعلتي ،
أقتربت آنا لـ وجهك ..
وإنتي وجهي ( تجهلينه )


أنتقم منّك لـ نفسي ،
وإنتي ودّك تقتليني ..
شفتِ إنّك تشبهيني ؟


شفتِ إنّك تشبهيني ؟
شفتِ إنّك تشبهيني ؟
شفتِ إنّك تشبهيني ؟