خمس ميه
 

[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
مشيت بالدنيا من الشرق للشام = ماشفت بالدنيا صداقه وفيه

وقت الرخا تلقى ثلاثين مقدام = لو تطلب عيونه عطاها هديه

مدامها بالهرج ياكثر الاعلام = ثلثينهم مافيه مثله وزيه

واليوم حدتني صواديف الايام = واحتجتهم قلت ان الاصحاب ليه

ولفيتهم مجبر ومكره ومنظام = ولقيت مالي عندهم مقدريه

منهم تعذر يوم جيته ولاقام = والبعض منهم قام يضحك عليه

وقت الرخا زادو على كل الارقام =يمكن عددهم زاد عن خمس ميه

وعديتهم وقت الحقايق والاحكام = لقيت مابه غير انا والقضيه

وأيقنت فرق اصحابي اليوم والعام = وحلفت مامشي مع رجال(ن) رديه[/poem]

وأيقنت فرق اصحابي اليوم والعام = وحلفت مامشي مع رجال(ن) رديه





ازين ماسويت :)






رايد خليف .... قصيدة معاناه كتبتها هنا بقلبك ....




ولكن الخير موجود حتى ولو كثروا ( الرديين ) الزينين اكثر :)




سطر أعجابي يارايد

رائد..

ولفيتهم مجبر ومكره ومنظام = ولقيت مالي عندهم مقدريه


الله عليك

ابيات بها من البساطه ما يثقلها ان صح التعبير
انت مبدع ...اخي ماعليك زود

وعسى الله يوفقك
وتأمل خير الخيّريين من امثالك كثار
دمت بود...

صح لسانك يا رائد ..

و القصيدة تنضح تجربتها ..

شكراً مضاعفة ..

رايد خليف

بعيد عن النص فشهادتي مجروحه

الصديق هو ثالث المستحيلات ان صح التعبير

لم تفقد صديق هم من فقدوك

دمت بخير

رايد خليف ونبض كلاسيكي ثاقب ربما في موضوعه من المعاناة مايشفع لتكراره وكأن النزف يتلاحم / يتقاطر ومن جسد واحد مهما تباعد وابتعد ..

فيما قيل في هذا المسار , وقد يكون الأبلغ الأبقى :


مَا أَكْثَر الأَصْحَـابَ حِينَ تَعُـدُّهُمْ
ـــــ ولَكِنَّهُـمْ فِـي النَّـائِبَـاتِ قَلِيـلُ



وفي شعر الكسره قيل الكثير في هذا الإتجاه

كمثال /


عديت الاصحاب ولياهم
ــــ مليون واحد وعشره الاف
جاني زماني وصفـاهم
ــــ ماغير واحـد علي مهياف




عوده لجمالك يارائد

حيث :

مدامها بالهرج ياكثر الاعلام
ـــــ ثلثينهم مافيه مثله وزيه


وهنا توريه جميله قد ارتكزت على الفكر أكثر وعمليه حسابيه , في كثيرها خساره وإن كثر نتاج الكلام الغير مجدي ليبقى الربح في الجزئية الأقل ليبقى بصيص الأمل لحياه أجمل ..

شكرا رائد