جرّد ملابس رسمتك ،
خل الخريف .. يجول بين ألوانها ،
/
\
/
ومشّط ملامح نسمتك ،
ب أمشاط ريح .. مكسّرة أسنانها ،
/
\
/
ولبّس عبايه بسمتك ،
لون السواد اللي هما بأكفانها ،

http://2.bp.blogspot.com/_FmWzeYn7_F...400/%27uki.bmp


على [شُرفة ندم ] .. واقف عشم متشبثٍ بِ خِطـاك
.................. وعلى [ ذمّة رئه ] .. أطرد سمومـك مـن تناهيـدي

زمانٍ كِنت حوريـة .. تعانـق / تعتنـق مرسـاك !!
.................. تشوفك حظوة أحـلام ( الشقـا/وة) والمواعيـدي!!

عيوني ( طير )و جفوني ( جناح ) من السمآء يغشاك
.................. ورمشي ( يحرث ) بِ أرضٍ .. تناغي فيـك تخليـدي

أجيك أبذر من النيّه / بيآضٍ .. نآقضـه فحـواك !!
.................. وتبذرني ملامـح مـن تعـب .. تزرع تجاعيـدي !!

وتخامـر بالمحانـي جفـوةٍ / تكـره غثـا لامــاك
.................. وأنا اللي مـا أستكيـن إلا يمينـك تحتضـن إيـدي !!

تغازل (كِحلْ ) يشرب من عيونٍ ب السـواد أعمـاك
.................. تفضل خذْ معك كحلي .. بقايا عين .. يا سِيِـدي !!

تعكزت الجدار .. وخيبـةٍ تشحـذ علـى شُبـاك ؛
.................. يبيع النوم .. يوم إنه تلعثم في تساهيدي !!

يبست وأنحنى عُمري قبـل ظهـري .. وقمـت أذراك
.................. هشيمٍ.. تنتحر فيك الغصون .. وذق جنا / كيدي !!

( حصادي ) ..يشتهي منقار طير ..يبوقنـي وأرقـاك
.................. وقصة هالشتآء .. تبدأ مع أول يـوم .. تشريـدي !!

أبرحل في هجيـج العُمـر ( ظـلٍّ) يمتطـي فرقـاك
.................. زهابي / طعنتي ، ملحي ، حنيـن أمـي وأناشيـدي!!

وأبكْنز عزتي .. وأعزف وطن ، يشدو علـى منفـاك
.................. وأبسرق من تراتيـل القمـر / نايـات .. تضميـدي !!

ولو فـي زحمـة البـور المكـدّس ، صدفـةٍ ألقـاك ،
.................. معك ( دلو السراب) اللي زعبته لأجـل تهديـدي!!

أَبَنْحَرْ كل أصآبيـع العطـش .. لا لوّحـت تنخـاك
.................. وحسبي إن {النوارس} تكتنف رغم العطـش بِيـدي

على هامش معاليقـي | غـدت ياهاجـري ذكـراك
.................. وتصـور لا ذكرتـك / أستشفّـك حيـل تقليـدي !!

وتصدق ( بسملة حُبك) طلاسـم لا بغيـت أقـرأك
.................. وأنا اللي كنت أشوفك ( أبجديـة) تختصـر / عيـدي

وعزاي إن ( التلاعب) صامني .. وأفطر على شـرواك
.................. و ( سلّة هالسماء) تقطف .. نجـومٍ مـن عناقيـدي

[ عُصآرة تُوت] في شرعي / حـرام أصبّنـي بِشفـاك
.................. [ تِلاوة مجد] ما تقـدر أبـد فـي يـوم تجويـدي !

ولك الله يا ( يمينٍ) ضامها التغريـر مـن ( يسـراك)
.................. وعلى الله يا (فحيـحٍ) أخـرص بمكـره تغاريـدي !!

مخرج ،
أسترسلك ..
ذكرى سلاسل من عِنب !!
صارت نشآره من خشب !!
وأبعثرك !!
/
\
/
و..(سبابتي) ..
تكتب على وجه الرحيل /
الله معك !!
و .. (ضبآبتي ) ..
تُوشم على صدر السمآء /
الله معك !!
والله معي !!