حبك كامل اللذة
 

[poem="font="traditional arabic,5,blue,bold,normal" bkcolor="transparent" bkimage="" border="double,5,black" type=1 line=0 align=center use=ex num="0,black""]يا مرحبا يا حبيبي يا بعد ناسي=يقوله اللي غرامك بالهوى بذّه
ما فيه داعي تذكرني وأنا ناسي=باللي مضى بالهوى للقلب من لذّه
أيام فيها تحسّ بصادق إحساسي=وعروق قلبي من المعلوق منجذّه
أيام فيها سقيتك بالهوى كاسي=وأنا شربت الغرام وكلت من فذّه
أيام رغم العواصف كنت أنا راسي=مالي معك بالهوى ميلة ولا شذّه
واليوم قفّيت لا تسأل ولا تواسي=رغم إني ماشي معك قذّه ورا قذّه
صدّيت عني وأنا محتاج يا قاسي=مدري علامك تلمّ الحب وتهذّه
لكن ترى الصدّ باقي ما قطع ياسي=مازلت أواصل مسير الحب وآغذّه
ومادام لي جيت يا المحبوب لا باسي=إرجع تراني على ذكراك متمذّه
وارحم حياة الذي بالحب غطّاسي=وإليا طلبك الحذيّة في الهوى حذّه
خلّك لقلبي بدرب الحب نبراسي=والقلب غذّه بترياق الهوى غذّه
وإترك كلام العذول اللايم الخاسي=واللي يجيك الأذى من يمّته أذّه
وأبشر بما تشتهي يا عذب الأنفاسي=أجود بالروح لأجل رضاك وألتذّه
وأكشف لك حساب حبي وأعلن إفلاسي=عن حب غيرك ولو هو كامل اللذّه[/poem]

القدير حسين السبيعي قصيدة في غايه الرووعه بالرغم من قافيتها الصعبه كما قال أخي خلف صح لسانك ياغالي وبإنتضار جديدك
ودي واحترامي

حسين

جميل ماقرأت هذا الصباح

دمت بخير