منتديات أبعاد أدبية - خروج عن المألوف ... المعذره

[POEM="font="Simplified Arabic,5,white,bold,italic" bkcolor="transparent" bkimage="./images/backgrounds/44.gif" border="none,4,gray" type=1 line=0 align=center use=ex num="0,black""]:

:

:

:

:

كيف أبرضى في شموس الليل وعيوني سماء = والله إني ما رضيت الشمس تحجب مشرقي

موب تجاهل للشعاع اللي كساني . . إنما = حيرة ٍٍ ٍ في نبض صمت الدم وعروق الشقي

أنزف الظلمى سنابل / في غصوني بالدما = وأبري البستان كاهن / يسكنه شيخ ٍ تقي

زرت في غيبة وجودي ( راس حرفه ) والحما = في عزاء أم ٍ شقيقه للمعالي والرقي

وإلتطم دمعـي بصرخة / فتـِّـقت حد الفمـا = يا إلاهي . . يا إلاهي . . ويا ( يبه عمرك بقي )

بالتعازي جت جبال ٍ صم تقضبني كمــا = صاعقه تقضب جنون الأرض بالعقل النقي

وإبتدت قصة خيال البوح في جنـَّـة عـمـَـى = يوم للفردوس عين الشمس وذهن ٍ يبرقي

قلت بسملَّله عليك إمن التراجف والغما = لا تهابين السراط المستقيم / أو تقلقي

إقبلي يم الطمأنينه على صــدر الشمـا = إقبلي يا جوف فتوى / ويا حديث البيهقي

وإبحري فيني صحاري الهمس . . أَمَاْ آنَتْ أَمَاْ = كل بحور الشعر تخضع / تحت رمعة زورقي

دامي أكبر من كرنفال البشر / وأوآدمـا = إقرأيني / إفهميني / إسمعيني / فـرِّقـي

وحدي إبعرش ٍ يليق إبكل سموِّي يا النمــا = إربعيني / سلطنيني / إحبريني / إفسقي

ملحمة أسر الجوارح / والكواسر . . تلجما = نصرة الطايل / بخيل إرقابها اللي تعتقي

باحك الله يا جموع العـز . . وشتات اللمـا = عزة ٍ . . جنـَّــه . . / . . وعزه . . من حرير إستبرقي

والسواد اللي يغطي أزرق البحــر أحشما = من صعاليك الشواطي / والمحيط الأزرقي

والخفا اللي ما توانا الذل ساعه عندما = يرفع الصوت الدفاتر حد حبري و أورقي

حبكة البيطار . . مهلا ً . . وإيه سهلا ً يعدما = فهرس إجلال التلاعب في سطوره ويشنقي

حبكة ٍ من عقب سهمي . . والنفس طوله رمـى = آخر إغصون المراقص يستقيني / وأستقي

يوم بستان المسيح / يزهر بورد ٍ مسلمــا = وش على القسّيس يذبل في ورقها الزئبقي ! ؟

إستجيري يا النهاية في بدايات الظما = يا عسى من شر / حاسد ربك الحافظ يقي

والخضاب اللي تحنـَّـت به نجوم المحزما = تفرش الغيمة بساط ٍ ٍ / تحت كوكب بندقي

واللي ما يقرأ كتاب الشمس بلسان الزما = لا يسوق الشدوّْ بظلال العيون وينطقي

يا سحاب ٍ جيت أظمـَّــه في جوابي وأكتما = سالفة برق ٍ يخايلني بسؤال ٍ منطقــي

كيف أبقرأ في شموس الليل وعيوني سماء . !! = والله إني ما هزمت الشمس إلا بمشرقي [/POEM]