.
.


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا كِثِر ماجيت لك واحد وبالضيق (إ)عِشره !=(إ)ويا كِثِر مارحت من عندك حزين ومنكسر !
هذا أنت يا ليل الشقا .. مافيك للفرْح ثمره !=إزرع بك دموع وشجن! وأجني من الضيقة شعر !
أرويك ! من دمّي وتآخذني حنين ومشوَره !=وإتحمم إجروحي من آهاتك .. بقنيّنة عطر !
كم جيت لك ملهوف .. أدوّر للأمل لوّ إشعره !=أمسك بها درب إبتسامتها وألوّح وأنتحر !
كم جيت لك ضامي .. وريقي مايبل الحنجره !=مابلّها دمعي لو إن الدمع فيني مِستمر !
كم جيت لك وأنته مجيّش لي من الضيق أعسره !=وأقفيت في فمّي طعم دمّي وأنا بي منتصر !
مهزوم ؟! لا والله ماهي منّك إلاّ من (مره) !=تآطا بروس إرجولها عرقي .. وتحرقني هدر !
بنتٍ ليا غنّيت فيها .. تشتعل لي مبخره !=ترسم حنيني قلب ! وأتبختر .. وترسم به كسر !
تخاف! .. مدري من يخاف! ومن خذا الروح إجهره!=ومن مدّ لي صوتٍ ليا جيت أجبره ماينجبر !
ياليل .. شفها ودّعتني وسط ضيق وجمهره !=جادت بروحي والبشر من حول حولي تنهمر !
مرّت بي إتّمتمّ : "غرامك في عيوني ما أصغره ! "=وأقفت وأنا أردد غرامك كل يومٍ يزدهر !
يابنت عمّ الويل ! يا إخت الليل ! حزني ما أكبره !=طغى طغى حتى أصبح الياس بحياتي منحصر !
درويش! "شوفيني" تصعلك بين شارع وإغبره !=يركل بدربه همّه اللي وسط صدره منحشر!
أمشي أجوب أحياء ماتت خوف .. من ظِل شجره !=أكتب على جدرانها : "هالظل! بعيوني خِسر" !
إلين ما أوصّلّ لحارتها .. وبيتٍ "ما أعمره!"= بيتٍ ربت به سيّده حبٍ ربى فيني بِكر !
على جداره .. نصّي المسكين هذا بأنشره !=مادام ماباقي مكان يناسبه نصّي نشر ![/poem]