|
يقولوا عيد
(سلام الله على الأوطان )
_______________________ سكون.. ولاضجيج إلا صراخ أطفال باكستان.. ومدافع تقصف (الجيران ).. وجوع يصيح في السودان. هدوء.. وثكلى مالقت جثت ولدها.. وطفلة تنزع أظفار المنايا روحها.. وتهجر مهدها. وصداع يهدم الجدران ! . سلام.. وناس تنام .. وناس مالقت مرقد ثلاث أيام.. وعين تودع الفرحة .. وعين تعانق الأحزان. سلام الله على الأوطان . (*) بعد أيام عيد الفطر.. تهانينا بعيد الفطر يا أهل العيد . تهانينا بنهار الزاد والسكر .. وطعم العيد . يقولوا عيد .. وأقول الله يعين العيد .. إذا هو بيحتفل فينا .. وحنا مو معاه .. بعيد ! . يقولوا عيد .. وأقول أرجوك ياجاري .. تحمل كشرتي لوما قدرت أكْذب صباح العيد. ولو ماقلت لك مبروك وجيتك حامل همي على وجهي .. بلا ضحكة و لا تغريد ! وش التغريد ..؟ لاصار الظهرومكسور .. ولاصار الفرح محذور ولاصرنا وسط حزن الفراغ ندور ياجاري .. وش التغريد ؟! . وش التغريد .. وانت مو جسد واحد .. كثير أجساد! بعضك في يد الجلاد وبعضك في هرب وطراد وبعضك عايش الغربة وبعضك عايش التشريد ياجاري .. وش التغريد ؟! تجاوز كذبة التغريد والالحان .. تجاوزني .. وتأمل وش يصير الآن ..؟ سلام الله على الأوطان . (*) تعالي .. وين حضنك وين يا الراحة تعالي.. واخطفي هالياس من حضني .. ولميني . تعالي .. وامطري فوق اليباس اللي فدع فيني وخذيني فوق بهطولك.. ألين الشعر يضويني. أبيه العالم اللي مابعد شفته .. أبي وجه الزمن الأبيض .. وحلم مابعد عشته .. ولا متعت به عيني . أبي صبح مثل وجه الحبيبة غير .. يسابقني عليه الطير .. يبعثرني .. وأبعثر به دواويني . أبي أرتاح من دوامة التفكير في التفكير من الساعة .. من الواقع .. من التفسير وأوجاعه .. وأبي أرتاح من نفسي .. ومن ويني !؟ . تعالي .. وأدري إنك لوتجي ، بيخونك العنوان لأنه مابقى عنوان للراحة .. ولا انسان .. سلام الله على الأوطان . رمضان1426هـ 2005 |
سلام الله على الأوطان وأنا أقول يا صالح يكفي الأوطان شرف بانها كُتبت بـ قلمك الجميل ، ، يا سلام الله عليك يا صالح / / / من فتره لم أقرء شعر شعر وأنا اليوم في إ ر ت و ا ء ـ نصك إرتواء يا أيها الشادي كن هنا دوماً أرجوك حتى تنقذنا من الظمأ |
وربي القصيده هذي هي العيد إحترامي |
* سلامي على الأوطان.. ياموطن الشعر.. ياشادي. تُعجبني كثيراً.. الروح التي تغمس بها فُرشاتك.. لتُلوّن دواخلنا.. بألوان.. الطيف.. وإن كانت أصابعك.. حزينة.. إلاّ أنّ هُناكَ.. خطوطاً.. من الأمَل تتَخَلّلها.. أنتَ تكتب للإنسان كَما يَجِب.. لا كَمَا يُحِبّ..! كثير.. الشُكر.. لكَ.. أيّها الصّالح.. في زَمَنٍ كَثُرَ.. فيه.. الطّالح.. |
قال المعري
يسوسون الأمورَ بعيرِ عقْلٍ فينْفُذُ أمرَهمْ ويقالُ ساسةْ |
صالح الشادي
رائع كل ماتكتب لك الاعجاب والمتابعه كن بخبر |
. . يقولوا عيد .. وأقول الله يعين العيد .. إذا هو بيحتفل فينا .. وحنا مو معاه .. بعيد ! . سلام الله على هكذا شعر يحكينا ولا يُـلهينا للشادي ولصوت وجع الناس وهـم الناس كل الأماني بالسلام والأمـان |
صالح الشادي
كل عام وانت بألف خير لاشيء سوى الإبداع هنا عيدك مبارك تحياتي |
| الساعة الآن 08:45 AM |
Powered by vBulletin® Copyright ©2000 - 2025, Jelsoft Enterprises Ltd.