|
تزلّج على جليد ساخن
مشاعر واحاسيس كتبتها بدون رتوش لغويه ..اقصد بدون احترافيه ارجو ان تنال الرضا .. يا منتظر صبح أمس ... عتّم طموحك وامس لمّ الظنون وروح .. ما بعد روحك روح عن قلبك المجروح .. عن عمرك اللي ضاع .. عن حظك العاثر .. وأحلامك المرضى .. أذبح ثلاث حروف ... صدقه بليّا ها إنسا قبل تُنسى .. ارحل ولا تأسى أقسا ولا تقسى ... يعني قبل ترحل صل الفروض الخمس وان شفت .. لا تشوّف ... وإن خفت .. لا تخوّف مسكين يا مسكين .. تلعب عليك لمين فاسق .. ومتصوّف .. غاوي مع الغاوين وان كان بك همه ... والناس ملتمه اسكت وود وهات ... لا تسمع الأصوات .. لا تكثر النظرات .. لا تلف لك عِمه وااا حمس قلبي حمس العِمه الأولى .. وش جاب طاريها يا عيوني الحولا .. عنّك مخبيها في هامة الخافق ... مثل العلم خافق واللي على راسي .. ؟ ... ذي عهدة منافق ..! يا صاحبي وش فيك .. وش فيني أشغلتك وش في هقاوينا ... معهم تعنينا وآخر مراسينا ... وااا حمس قلبك حمس ..! مالك من اللي راح ... غير الشقا باقي ارتاح بس ارتاح ... م أنت آخر عراقي والواقع المفروض ... معروض لك معروض وان ضايقك معروض ... خلك رماد وطير ... ولا جماد وصير ارخص من القصدير وأردى من الشمّه وان ما أعجبك ناظر ... من شرفة الحيره وتشوف ما تسمع ... وان خانك التعبير ... كل السوالف همس ... والحق مثل الشمس كثر النظر يمه ...؟ يطمس عيونك طمس ..! . . [poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] على خبرك عطاشا .. والوعد ما يقطع السيره=ولا زلنا سهارى .. والليالي في مهاجعها لو إنا غانمين بقسمة المولي وتدبيره=مهب الريح في ريعه تخون الكف أصابعها وحنا اللي على غفله .. فقدنا الناس والديره=ترانا أول نشوف .. الديره: .. الناس وطبايعها تقسمنا البياض .. وما بقا تحت السماء غيره=وعشنا بالسواد اللي بقا... والحال طالعها .. تشوف إن الوفا كداد وأيدينا مشاويره=يجوّعنا على جال الصحون اللي نوزعها من أعماق المحبه .. لين شاطي موقد الغيره=توالتنا الدورب اللي علينا الضيق يجمعها سرينا في رجا طلة صباح ... ويا الله الخيره ..!=ما ظلت للصباح عيون .. تستدرك منافعها ..! يسكرنا المفوّه ... والمفوّه تحت تكسيره=نشوف إن الدروب العوج عوج وثم نتبعها نصدق كذْب ونكذّب صدوق أخلص بتحذيره=ونأمن و الامانه بين شاريها وبايعها تكاثرنا علينا ساعة التكبير .. تكبيره=خطفها الغاوي من أفواهنا ( كيدا ) .. وميعها يا مقبح عذر من طاوع هواه وزاد تقصيره=وهو ما ينفعه كثر الندم مدام ضيعها وانا اذكرنا .. نسولف في حقوق الجار والجيره=نسيناها وجردنا من الواجب .. أمر دعها سوالف ما وراها إلا القهر والهم والحيره=يذكرها علي أمثالها وأرجع وأراجعها وأشوف إنا على خبري وخبرك من قواريره=جرعناها وهي مُرّه ومجبورين نبلعها تعاهدنا على الصمت .. وتركنا السر في بيره=طوينا أوراق الأحلام .. وبدينا ننطوي معها وقبل ما ننطوي نبغا وعد .. لو بس ( تصبيره) =ترى ما باقي إلا الدمعه اللي صعب ندمعها[/poem] . . لي فـ الوطن ناس وهقاوي وحكام=ما غيرهم لي ناس .. فيهم هقاوي وانا حياتي للوطن طول الأيام=حق بموازينه حقرت التساوي وش روح وش دم ومسيرات وأعلام=ناوي ويغنيني عن القول ناوي هنا خصوصية وطن دين الإسلام=هنا خصوصية رجال العزاوي هنا المساحه نور ممتد ما دام=للحق فعل مهيّب وصوت داوي هنا الأمن والعدل والسيف خدام=والشرع سارح بالرعيه وضاوي هنا الرضا حرفه تواضع والأقلام=مفتاح ما يغريه باب الرشاوي هنا تحس إن أكثر الخير قدام=لا شفت أبو متعب يحث الخطاوي هنا انثر الإحزان وابصم بالإبهام=إن الملك قصه والأفعال راوي[/poem] تحياتي للجميع وتقديري |
السلام عليك ورحمة الله وبركاته صباح الخير يا أبا عبد العزيز سماعك ممتع وقرائتك ممتعة وبين ذلك وهذهِ .. يطول الصمت الأمتع في النصوص الثلاثة .. كان الطبع شِعرك والشِعر طبعك والفكر المنير من قَبَسِك المستدير ولاتَرضا إلاَّ بما يُرضي دائماً ومُتعبٌ في محاولة الإقتفاء رُغم ان أثَرك واضح ويُشِع في كل خطوة لكنّه ذو بُعدٍ شجاعٍ في سموٍ وارتفاع لله درُّك .. بَحر |
* أبو عبدالعزيز ما ألهم شيطآن الشعر لك ؟ هنا آفآق وآسعه للتحليق والإرتوآء هنآ يزآحم الغيم نضجك ووعيك وطهرك هنآ متصفح لـ الإرتوآء فقط وإنعاش الذائقه لله أنت من شاعر جميل وفريد صح نضك وفكرك وكلك وطن من الحب لقلبك :) |
محمد البلوي
و ابن العم لن اكون سوى كمآ عهدتني متآآآبع اعجآآآبي |
الثمين شعرا وخلقا محمد البلوي وهل للشعر جمال دونما يذكر اسمك ويقرأ حرفك ؟! وهذا أنت تبرهن على ذلك حتى لو كان وصولي متأخرا إلا أني سعيد بالوصول إلى غيماتك الماطرة لك وافر التقدير أخوك |
تشـوف إن الوفـا كـداد وأيدينـا مشـاويـره ،،،،،،،،،،،،،،،،،،،،،،،،يجوّعنا على جـال الصحـون اللـي نوزعهـا محمد فِي حُضُور اسْمُك أجِد الفَرح يُنَادي ، ذلِك لأنّ الشّعْر بِجَزَالتِه يَأتي مَعك شَاعِر تَحْمِل الشّعْر بِكَفّك رِسَالاتُ هذا الحُضُور ِ مَلِيْئَة ٌ بِالصّدْق ووَاقِع ُ الحَال دُمْت بِود |
/ .●° |
اقتباس:
عليكم السلام ورحمة الله وبركاته صباحك نور يا ابو سعد وحضورك نور وكلماتك نور ونقائك انور وروحك كتبت لي هنا طمأنينه واطراء لا استحقه الا من قلب كقلبك نقي الشكر اقل من مقام كرمك والعفو سجيتك لك التحيه والتقدير |
| الساعة الآن 04:37 PM |
Powered by vBulletin® Copyright ©2000 - 2025, Jelsoft Enterprises Ltd.