|
مسأله مستحيلة
-------------( مسأله مستحيلة )--------------- الشّعـْر يابْن حسين سوّابي اسواه -------------- ضـيـّع حـيـاتي ضـيـّعَ الله خـلـيـلـه كم ليلةٍ سـهّرني واسْـهرت لـيـلاه -------------- وكم لـيـلـةٍ عايشـت به ألـف لـيـله اروج به مثـْل احمر الروج بشْـفاه ------------ واجمع شعَرْ راسي واحطّه واشيله اكتب شطر..وامحاه..واحاول انساه -------------- واحيـاناً أخرى اتركــه في صميله عجزت ألاقي شِـعـْر ما قيل شرواه ------------- الناس قـبْـلي لـم تـدع لي وسـيـلـه كل ما طرالي بيت واوفـيـت مبناه ------------- لقيت فـ اشـعار الـخـلايق مثـيـلـه تكاثرت فيه المـعـاني والاشـباه -------------- وتشابهت فيه الصّوَر والحصيله بعْض العرب شِـعـْره مثـِلْ بيضة اخـْـصَـ....! -------------- يفرق عنَ الأنثى ويشـبه زمـيــله ما كلِّ من يكتب شـعِر يدرك احلاه -------------- وما كلِّ من يـدرك حــلاتـه يجـيــله الشـّعْر شيٍّ لا تعـمّـقـت باقـصــاه -------------- تـدري بـأنّه مســألـه مسـتحـيـلـه الشاعر اللي يغرف الشّعْر من فاه -------------- ما هو مثِـلْ من ينحـتِهْ بالطويـله كم شاعرٍ سوّى قصيده على..آه ------------ سوّى..وسوّى.. لكنِ اسواة..هيله!! يا عــلِّ شـعْرٍ ما يـزلــزلـك مـعـنــاه -------------- ينـبـح علـيـه الكـلـب..وِيْهزّ ذيـلـه الشّعـْـر إنْ لم تستطيعهْ .. تَـعَـدّاه ------------- جــرّب بــدالـه شي واترك سبـيـله ما هو ضروري تكتشف وش خفاياه ------------- لكن ضروري تكـتشف وش بديـلـه أمّا أنا مـالي غِـنـى عـنـْه..واهــواه ------------واعْرف قبيح الشّعـْر واعْرف جميله أقبح قبيح الشّعـْـر واخزى خـزاياه -------------- ما قلت في نفسك عسى الله يزيله واحلا الشّعِرْ..واجمل معانيه..واقواه -------------- ما حـاك في نفســك تسوّي مـثـيــلـه ما حاك ....في نفسك .........تسوي .............مثيله |
ماقرأته هنا هو درس من دروس الشعر
قد لايستسيغه الكثير ولكن راائع ياصالح أسجل أعجابي المتناهي ولك مني تحايا الشعر |
واحلا الشّعِرْ..واجمل معانيه..واقواه -------------- ما حـاك في نفســك تسوّي مـثـيــلـه صحيح ياما ابيات تقرأها و تتمنى ان تكون أنت قائلها وللحرف فنون وللنابض حكمة صح نبضك http://www.s777r.net/vb/images/smili...9/FMi68614.gif |
الشّعر إنْ لم تستطيعهْ .. تَعَدّاه _______ جرّب بداله شي واترك سبيله رِسَالة مُضيئَة والتِقَاطَة مِن عينِ شَاعِرٍ يَعرِفُ كيفَ يُوجِّهُ إشاراتِه فِي هذا المدَى المُمتد والزَّحف المختلط مِن الغث والسَّمين صَالِح الحمُودِيْ شُكراً لِكُل هَذا الهَدِيْر المُرتفِع من الشِّعر |
صالح الحمود
شكوت الشعر للشعر عندما وجدت أن الأول ماخلا للتالي شيْ على قول المثل . ولكن بعد هذه القصيده حين ياتي بعدك شاعر يشكو الشعر فأنه سيشتكي منك أنت لأنك أنتزعت كل الافكار التي تدور في فلك هذا الشأن من كبد الذائقه ومن قلب الابداع ومن شريان الفكر فخرجت لنا صورةً حيه عاشت وعاشت وستعيش واقول ياصالح سيكتب لها الخلود ،،، اي وربك . إبداع من لم يقل هنا إبداع فأنه سيظلم الابداع ما كلِّ من يكتب شـعِر يدرك احلاه -------------- وما كلِّ من يـدرك حــلاتـه يجـيــله الشـّعْر شيٍّ لا تعـمّـقـت باقـصــاه -------------- تـدري بـأنّه مســألـه مسـتحـيـلـه ياسلاااااااااااااااااااااااااااااااااااااااااااااا اااااااااااااام |
اقتباس:
وجودك هنا من مكاسب النص لك الشكر وكامل التقدير على هذه الاضاءة |
صالح الحمود هنا درس عظيم جدا ً وشعر يوازيه العظمة راق لي هذا النص يا صالح بمعناه ومغناه كل ما طرالي بيت واوفـيـت مبناه ------------- لقيت فـ اشـعار الـخـلايق مثـيـلـه ^ ^ مشاكسة للبيت أعلاه تقول : الشّعـْـر إنْ لم تستطيعهْ .. تَـعَـدّاه ------------- جــرّب بــدالـه شي واترك سبـيـله ويقول عمرو بن معد يكرب : إِذا لَم تَستَطع شَيئاً فَدَعه -------------- وَجاوِزهُ إِلى ما تَستَطيعُ <<<<<<<<<< عنده شعور إنه بينضَرِب http://www.ab33ad.com/vb/images/icons/icon10.gif أبدعت وأمتعت والله يا صالح فكل الشكر على هذا الحضور الوارف جدا ً ودي واعجابي |
فتاة تهامة
سعيد جدا بتواجدك واشكر لك هذا الحضور وهذه الإضاءة |
| الساعة الآن 12:58 PM |
Powered by vBulletin® Copyright ©2000 - 2025, Jelsoft Enterprises Ltd.