مرثية الحزن
 

لــ روح تركتني مما يقارب 9 سنوات

جدي المرحوم((سيف))


الطهر ما زال يعم أركان الصدور
وصيحة أذانك تتوق لها الآذان


مرثية الحزن


إليكم

/
/
/

[poem=font="Simplified Arabic,5,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]



يضيق همّي بك و حزني يعزيك=كل المشاعر لك حزينه حزينه
ذكراك قلبٍ ماخفق يوم ناسيك=تنبض لك أشواقه وقمّة حنينه
الأرض تدعي والسما فوق تبكيك=لو يتكلّم هالشجر قال: وينه..؟!
وأصيح يا جدي كثر ماني آبيك=تركتني لعبة زمن في يدينه
اسمعنــــــي يا آبويَه وربي يخليك=احمل معي حزنٍ يضيّق مدينه
جف الكلام وكل هالناس تدعيك=حتى الطيور تشيّعك في سكينه
هذي الأماكن همها اليوم ترضيك=ياكيف أجاوبها وروحك دفينه
ماتنفع دموعي لو تهلّ ترثيك=دام القدر ما فيه شيٍّ يـــــــدينه
إيه أذكرك والشوق فيني يناجيك=وذرفت حرفٍ صادقٍ في حنينه
قلت بحروفي بعض من بعض مافديك=لعلّي اشفي حزن قلبي و انينه
يا جدي المرحوم يا(سيف) أبا أهديك=حرفي و قلبي مع دعاه و يقينه
ينعيك طيبك قبل هالشعر ينعيك =وكل الأماكن من فراقك حزينه[/poem]

أصيلة المعمري

اصلية المعمري

صح الله لسانج يا الالية

الله يعطيج العافية

قصيده فى قمة الروعة

أصيلة

رحم الله جدك


وأبقاك لنا

بكل هذا الحزن والشعور بالفقد......اتيتي شامخة يااصيلة...

ابدعتي.....وامتعتي..

لااقول الا.....رحم الله جدك واطال الله في عمرك ومن تحبين.

أصدق الشعر الرثاء
فكيف اذا كان منك ..
كيف يكون ؟
هو في الواقع تعدى نطاق الصدق لأبعد حدود ..
وأقرب الشعر الى القلوب
شعر خارج من القلب عبر الحروف




اختي
تحياتي