|
تجاعيد .،
.
هزّت النسمة حزينك .. في الغياب .. الضحكة اللي شفتها في وسْط عينك .. ترتسم ، تلويحتك قبل الوداع ودمعتينك .. شفتها ف ذاك السحاب ، إي شفتها ، كانت خيالات وسراب .. أو هي طقوسٍ للعذاب .. أو هي طيوفك .. تشبهك تشبه وقوفك .. نظرتك من خلف باب .. الصدق مدري وإن جُننت الله يعينك .. لكن ادري ، انّي ودّي : إيييييه ودّي لو ألامس غيمتينك بالشفاه المُتعبة .. وارجع انا وانتي نعد : كم بيننا أوجه شبه .. اشتقققققققتلك .. قولي تعااال ، اليوم وينك ؟ يا حبيبي .. ضعت انا ف غرررربة حنينك .. همستك .. لمسة يدينك .. في السنين المعشبة .. محدودبٍ ظهر الزمان .. اللي أعدّه واحسبه في كلّ ليلة ، أحسبه : مرّت سبع ، سبع ورُبع ... صارت ثمان ، بْلا رَبع .. وحدي انا بهذا المكان .. الصبح .. كذبة .. وان نظرت الليل .. كذبة .. كللللللللهم راحو معك .. كنت اذكر إن الليل شعرك , واذكر الصبح ف جبينك .. كلللهم راحو معك ، خدّك ، شِفاهك ، مدمعك ... لا ما بقى غير الشخوص اللي زرعْه الفقد عشبة .. في تجاعيد السهر .. رمّانـ / ـتينك ، ذوبيها في فمي ، ولابدّ لك ما تحطبيني .. بلليني ، فوق صدرك ، قبل ما ينشف دمي و.. قبل ما ينشف دمي : بـ انطر على مفرق سنيني .. رمثٍ اصفر ، في تلاوين آدمي .. هذا حزينك .. هزّته : نسمة حنينك في الغياب ، البسمة اللي شافها في وسط عينك .. ترتسم .. فلسفيني في صباحاتك : مدى ............. واكتبيني ف دفترك : اربع سطور .. خرّبيني فْ اول سطورك ، فدا .............. للذنوب الماضية : غُسْل وطهور .. ضيّعيني فْ ثاني سطورك ، سُدى ................ في المنافي ، في الظلام بْدون نور .. وارجعيني فْ ثالث سطورك ، هُدى ............. وارسمي حولي سمآ ، سُحْب وطيور .. وان كتبتي ، سطرك الرابع غدا : ............. طفلتينٍ ينثرن : ورد وْ زهور .. طفلتينٍ يشبهنّك .. ما عدااا : .......... فْ الملامح شاعرٍ قلبه صبوووور ..!! 20 / 6 / 2010 |
محمَّد . . مَاذا فعلتَ بالشِّعرِ هُنا . . ؟! كيفَ مَنحتَه للغِناءِ صوتاً ، وللرَّقصِ قَدمانٌ وخَصرْ . . !! لو أستَطيع لبَسطتُ لكَ السَّماءَ مسرحاً والله . . ! هلّ يكْفَي أن أقُول بأنّني قرأتُ وأنصَّتُ هُنا إلى أعجُوبَة ؟! :34: |
جميل ما محمد
المقطع الاول اعجبت به كثيرا المقطع الثاني جميل لكن به الكثير من المباشره مثل فلسفيني , خربيني , ضيعيني الخ لكنك تبقى جميلا محبتي نجدي حاطوم المقطع الثاني |
الصبح .. كذبة .. وان نظرت الليل .. كذبة .. كللللللللهم راحو معك .. كنت اذكر إن الليل شعرك , واذكر الصبح ف جبينك .. كلللهم راحو معك ، خدّك ، شِفاهك ، مدمعك ... لا ما بقى غير الشخوص اللي زرعْه الفقد عشبة .. في تجاعيد السهر .. يامحمد وخالقي لا أجد ما أقول دون إعجابي فقط هذا شعر وفير و كثير وخالقي شعر وفير و كثير جدا ً شكرا ً لهذا المطر احتاج كثيرا ً لمثل هذه الروعه مدهش حد الدهشه وأكثر لأحساسك أكاليل إعجاب و:34: |
لله درك أيها الشاعر الشاعر الشاعر
|
أتحدث عن العموديّة خصّيصاً
أتت كلـوحة كاملة مكتملة قليلها كثير .. وكثيرها مدهش محمّلة بالمطر ... ومكللّة بالشعر . أحسنت والله العظيم :34: |
محمد ابراهيم
قبلة على جبين الشعر شكرا |
مثل هذا أنت آل الشـِعر ِ يا محمد
|
| الساعة الآن 01:03 AM |
Powered by vBulletin® Copyright ©2000 - 2025, Jelsoft Enterprises Ltd.