|
الله حسيبي ..!
"
- هيَ بين أيديكم ، وليست تليق .. إعذروها ، واجعلوها تعبُر .. للتواصل مع أرواحكم / فقط .. مع كامل الودّ .. :34: ربي حسيب العنا والجَرْح و الذلّة .. ......................... والله حسيبي على الطيبة .. و آمالي البسمة اللي تكذّب دمعتي : زَلّة ......................... والطيبة اللي توافيني لـ غربالي وجيوش حزني تشيل الهم وتسلّه ......................... بالعبرة اللي تبارز فيني أحوالي خَلّه شعوري يبور و هَـ الألم خَلّه ......................... يعصر بقايا غلاك ..و يسقي أوصالي كنت الهنا اللي يمرّ القلب ويبلّه ......................... صرت العَنا اللي يسامرني و يصفى لي الكل فيني يشوفك ، يومك الـ حُلَّة ......................... ياليت جرحك مخلّيني على فالي هواك قلبٍ سقيت عروقه العِلَّة ......................... ماكان أرحم لو إنّك تاركه سالي .! آويتك من الهجير وصرت لك ظِلَّه ......................... و اليوم إنت الهجير اللي محَى ظلالي .! درب التجنّي أعرفه بس ماادلّه .........................عشت آتصدّد عن اللوعة و عذالي و الحين مالي خفوقٍ يحتري خِلّه ......................... الحين صوتي حزين و مُعْدَم و بالي و لا فيه شيٍّ يداويني أبوصل له ......................... عزّاه صوتي مَ عاد يجرّ موَّالي وِمْن الندامة .. خفوقي مرتوي كلّه ......................... ومن الحسافة .. بردّ آعيد من تالي .. ربي حسيب العنا والحزن والذلّة .. ......................... والله حسيبي على الطيبة .. و غربالي ..!
ياعيوني لاتطيلين العناق .................. للدموع اللي تبي تنزل عليه اطلقيها دام فيها الحزن .. لاق.................. افهمي من عاف وصلك واهجريه بينك وبين الوفا نصّ اتفاق.................. تسترينه فيك ، ويردّ الوجيه .. مير وصلك ، والمحبّة و الوفاق .................. ارْخصوا عند الذي شوفك يبيه انقضي عهدك و جوري دام ضاق .................. خافق الغايب عن الحبّ ونسيه ياعيوني دام حزنك إنعتاق .................. من هواه أرجوووك جودي وابذليه احزني والباس مشدود الوثاق .................. ياعيوني قلبي طيّب ، ماعليه .! أدري بك مبداك ف الحبّ اعتناق .................. أدري بك تَهْوين بالعُرْف النزيه إيييييه أدري شامخة ، بس استفاق .................. فيني جرحي، إبكي عيني : ضمّديه تشبه دموعك وقار اللي يُراق .................. دمعه الغالي على مرأى بَنِيه .! ويشبه إحساسي ليا لاح الفراق .................. خوف طفلٍ شاف موتة والديه وكنّه غيابه .. خيانات الرفاق .................. وانتي عيني : أصدق اللي يحتريه .! للعابرين العابقين - :34: - . |
وِمْن الندامة .. خفوقي مرتوي كلّه
......................... ومن الحسافة .. بردّ آعيد من تالي .. ربي حسيب العنا والحزن والذلّة .. ......................... والله حسيبي على الطيبة .. و غربالي ..! الله الله عليك رائعه صح قلبك |
ندى الجبر / وهذا الشعر الشعور .. عزفة ناي ! وكأنك تعزفين الحزن على سلالم موسيقية .. تجعل من الإحساس وطناً ! ومِن الوطن ... نشيد ٌ مُربك ! مُربك جداً ! * * شكراً ياندى . :34: |
|
الكل فيني يشوفك ، يومك الـ حُلَّة ......................... ياليت جرحك مخلّيني على فالي هواك قلبٍ سقيت عروقه العِلَّة ......................... ماكان أرحم لو إنّك تاركه سالي .! آويتك من الهجير وصرت لك ظِلَّه ......................... و اليوم إنت الهجير اللي محَى ظلالي .! درب التجنّي أعرفه بس ماادلّه .........................عشت آتصدّد عن اللوعة و عذالي نَدى ولك ِ من اسمُك ِ نَصِيْب حُضُورٌ يجْعَل ُ من الغِيَاب ِ نسْياً منْسيّا! فاتِنه ، وأكثَر |
ندى
هنا من الاحساس الكثيييييييير ! شكرا لك واكثر:) |
بل تليق وتليق وتليق وتليق يا ندى شعر حقيقي والله وتحليق عالي صح الله لسانك وسلم بنانك لك من اسمك كل النصيب |
الكريمة ندى الجبر مثل هذا الشعر يَجُب الغياب ويدمحهُ ما قرأته ليس مجرد نص بل نصوص فاخره في متصفح واحد أبدعتِ وأمتعتِ فأهلاً بكِ وبالشعر الجميل الذي يقطن قلبك لا تُعاودي الغياب مجدداً مساؤك رضى |
| الساعة الآن 10:32 PM |
Powered by vBulletin® Copyright ©2000 - 2025, Jelsoft Enterprises Ltd.