منتديات أبعاد أدبية

منتديات أبعاد أدبية (https://www.ab33ad.com/vb/index.php)
-   أبعاد الهدوء (https://www.ab33ad.com/vb/forumdisplay.php?f=4)
-   -   مـبـاشـر (https://www.ab33ad.com/vb/showthread.php?t=27016)

سلطان الوثر 04-10-2011 09:30 PM

مـبـاشـر
 

شعَّت الفكرة وانا اللي لي على الساحة عصر
ماني مدوّر به اسمي كثر ما اعطيته جزيل


باحترام وطول بال ولو على شعري حصر
ودّي ارحل في زماني عن مكاني واستقيل


ماني زين الهاربين ولا الجدع حسني مصر
شعبي الوافي بخير وحابس اطراف الفتيل


ذقت طعنات العراك وذقت لذَّات النصر
بين طيش العاديات وبين هامات النخيل


لكن العيشة على كثر المجامَل بالقصر
ماتمسّيني بـــ ورد ولاتصبّحني بــ نيل


سلطان الوثر 06-09-2011 10:29 PM

من بين روس النايفات العسيرات
رقيت لي شمَّاً طويلة عسيرة

إخترتها من بد كل الطويلات
من شان تشهد لي على المستديرة

اللي تدير بنا على غير مشهات
من ليلها المظلم لشمس الظهيرة

سلام يافايز من الذات للذات
يالصاحب اللي ماتخيَّرت غيره

أنا هنا بين الثرى والثريَّات
متمسِّك بحبل الحياة القصيرة

بالله بشِّرني عساك بسلامات
يالله عسى عينك بعينك قريرة

سلطان الوثر 06-13-2011 01:55 AM



ماعليك زود يا ابوهيف وصح لسانك


زهرة الربلة من واد القرى
وأوَّل قطفه : )
لجمال حضورك

ألف شكر

سلطان الوثر 06-19-2011 03:11 AM

ليت دربي ودربك يلتقوا لو بحفرة
أحسب انَّك صديق و تحسب انّي معادي

سلطان الوثر 06-23-2011 03:33 PM

ياشرهتي مالك على بعض الاجناس
شومي وانا بك راقي النفس شايم

الناس ماهي مثلما هقوتك ناس
جنس النشاما غير جنس الهلايم

شومي عن المسكين وضعيّف الباس
اللي يحسبون الفطايس غنايم

اللي يشوف انه على قمة الراس
واللي يورّاله على الراس حايم

لاراس لاقمة ولاطير قرناس
بومة وفار ارقب على الدمس هايم *
ـــــــــــــــــــــــــــــــــ
* الدمس _ لغير الناطقين بالقضاعية_ : الحجرة الصغيرة

سلطان الوثر 07-24-2011 04:10 AM

لو ودّي ابحث عن إضاءة وجمهور
بحثت عنها عند من يحسدوني


لكن حملي عيَّت تشيله ظهور
إلاَّ الورق وعيون من يقرأوني


انا فدا عيونك ليا صرت مسرور
خذ عنّي جروحي وفارق عيوني


الساعة الآن 01:58 PM

Powered by vBulletin® Copyright ©2000 - 2025, Jelsoft Enterprises Ltd.