صــمـت الـشـبـابيك مـايـنـهي حـكـايـا الــغـرام
فـي صمْتها , ألتقي بـ حْباب قلبي الحزين
مـن عـشْقهم, طـابِ لـعْيوني عـليها الـمقام
وأشْـعلت مـن جـذوة , الذّكرى ليالي الحنين
طــيّـرت لآخـــر سـمـا حـلـمي هـديـل وحـمـام
أسـابـق الـوقـت , تـسْـبقني طـعـون الـسنين
مغرَم حضَنت القمر ,, حالم لمست الغمام
أرقــى عـبـث , وأدْريّ الأحــلام تـربـه وطـيـن
أضـحك , وللدّمع في عيني ضجيج وزحام
مـاغـيّرت ضـحكةْ,, الـمحزون طـعم الأنـين
أسْــود مــن الـلـيل فـي عـيني غـياب الـكلام
لاصـرْت مـابين أوراقي وصـمتي سـجين
وأقـسى مـن الـصّمت والـوحده قـيود الـظلام
والـشّـارع الـخـوف حـاصرني شـمال ويـمين
تـركَـت خـلفي عـيون الـنّاس تـرمي الـسّهام
والـنّاس فـي هـتْك أستار الخفا , مخْلصين
مـات أجمل الصّدق في غربةْ عيون الانام
مـاغـيِـر ســود الـنّـوايا فــي الـمـحاجر يـبـين
فـضّـلـت مـوتـي وانــا غـايـب عـزيـز الـمـقام
واخْــتـرت درب الـحـيـاه إلـلـي مـعـا الـغـايبين
ســلّـمـت شـبّـاكـهـم عــيـنـي وعــفْـت الـمـنـام
واهْـديـت سـمْع الـسّهر مـن خاطري كـلمتين
مـا كـلّ مـن مـات بـاسباب الامـور الجسام
يــــودِي بـعـمـر الـفـتـى مـــرّات شـــيٍ مـهـيـن