ياعايب اهل الطيب
 

السلام عليكم ورحمة الله وبركاته
هذه الحروف رماح في وجه اهل الغيبه والنميمه وضعاف النفوس في زمن الرويبضة ..
والرويبضة ذكرهم الرسول عليه الصلاة والسلام في الحديث الشريف فيما معناه
وهو الرجل التافه يتكلم في أمر العامة..

[poem=font="simplified arabic,6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]



ياعايب اهل الطيب عالج معايبك = ذنبك تـعـدى المبتلى فـي ذنوبه

لاشفت طيب الناس ثارت لهايبك = على الـذي دربك قصر عن دروبه

لا مانعٍ عـن عرض غيرك كتايبك = ولا سرت مثله مع هل الطيب نوبه

هذي ركاب القوم فاقت ركايبك = وثوبك قصيرٍ عن تفاصيل ثوبه

دام الجرب يجدع طوارف حلايبك = عالج بحالك لين تبرى جنوبه

وعز الله أنه ماربح راس شايبك = دامك من اللي بالقوافي حروبه

اترك مصايبنا وعالج مصايبك = وأكرب خبوبك قبل تكرب خبوبه

رح للمحاكم لاجل تنهي طلايبك=وألا علاجك عارفينٍ حبوبه

ياعايب أهل الطيب عالج معايبك=ذنبك تعدى المبتلى في ذنوبه

لا رافعٍ صيتك ولا صيت شايبك=وراع الجرب يقعد يهارش جنوبه[/poem]

الشاعر عبد الله السعيدي

الله يعز ويشرف مقدارك وكل عام وانت طيب

صح بدنك تسلم وتدوم ولاهنت يالحبيب على متابعتك واطلالتك ,

تقديري واحترامي