ليل المشاريه ....!
 

السلام عليكم ورحمة الله وبركاته

أعذروني على الغياب وتقبلوا جديدي...


[poem=font=",6,,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
السهر طـال ياليل المشـاريـه=والتعب جسر بأوهامي عبرته
والغلا ياحبيبي وش نسميه=دام كسر الخواطر ماجبرته
ضاق قلب المحبه من محانيه=وانت يمكن على ضيقي ومرته
شاعرك بالحنين أبكى قوافيه=طاح في سجن طغيانك وأسرته
كنت بوحه واهازيجه وأغانيه=صرت نوحه وبالفرقا قهرته
كل جرح ٍ تجيبه وين اوديه=كل فرّح ٍ على شانك هجرته
كل شي بزماني كنت باغيه=لجل حبك تماديت وخسرته
طيفك ان مرني بأشواقي ادعيه=وياكثر ما انتظرتك وانتظرته
ليه قلبك عسى ربي يخليه=ماعذرني وانا ياما عذرته
ليت حزني دموع العين تمحيه=كان مبطي من عيوني نثرته
الصراحه ترى ليل المشاريه=اكذب ان قلت نمت وماسهرته[/poem]

ممتع جدآ هذا النص
شكرآ لك ولجمال حرفك
:icon20:

ليت حزني دموع العين تمحيه=كان مبطي من عيوني نثرته


الله مااجمل حرفك ياسهو شاعرجميل


وحرف راقي جدااا

جميل هذا البوح
أيها الشاعر الظفيري العذب

شقران الزيادي

كلك ذوق ياسيدي واسعدتني بكلماتك ومرورك الجميل