لذيذ المذاق
 

[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ألا يـا قديـمٍ كـل مـا قلـت خليتـه=تفـره دواليـب التفاكـيـر وتجيـبـه
زمانٍ مضالي بيـن ضحكـه وتنهيتـه=ألا ليتهـا مـاكـان دارت دواليـبـه
ذكرته ومني كـل حـيٍ ذكـر ميتـه=وشعرت بخفوقـي ماتضبـه محاديبـه
احسه سمعني يـوم انـادي وناديته=تسمّع صدى صوت الخفوق وتراحيبـه
دوايه بلم الشمـل مـن عقـب تشتيتـه=بشوفة لمـا لطـفِ وسـاع مهاديبـه
يـاورد حمـل ورد بكفـه وشميـتـه=واقول انت عطره منك عطره يماري به
احـن لحنانـه كـل ماذكـره احييتـه=واحس الحشا صلف الهبايب تومي بـه
سكبتـه بفنجـال الغـلا ثـم تقهويتـه=لذيـذ المـذاق وصافيـات مشاريـبـه
ولا كل عطشان من عروقـي ارويتـه=جرحها الضما والقيظ حامي لواهيبـه
رضيت بقليلـه عـن كثيـرٍ تحريتـه=ولو كان قلبي منـه ماكثـر مطاليبـه
اجي له وانا عن حاجة النفس ماطريتـه=مدامي معه ضيـفٍ بحكمـة معازيبـه
واذا شلت منه بخاطـري عنـه خفيتـه=ولا احاول انه ينتبه لـه ويـدري بـه
على شـان ماكـدر مزاجـه لياجيتـه=طروبٍ لعـوبٍ هايـمٍ فـي تعاجيبـه
صفالي مثل ماني على الـود صافيتـه=مقره سكن بالروح وشلون ابي اصخيبه
وليامن نوى قطع المواصـل ترجيتـه=يـدوم الوصـال ولا يقاطـع مكاتيبـه
ولكن حداه لوقـت ماصعـب مواقيتـه=فرقنا الزمان اللـي نكابـد مصاعيبـه[/poem]

وكأن هذا الحرف سقيا
لله مااكرمك وافر العذوبه والشجن
كل التقدير ياغازي

تسلم العروق التي تروي وصاحبها
كريم في سقياك وكريم البوح
هو زمن يفرق وما يدري أنه جرحنا ما له دوا إلا باللقا
سلمت يداك شاعرنا

غازي الرويلي

همنا في الشعر الرائق معك
ورددنا موسيقات الجزالة الشعرية والبلاغة اللفظية هنا
ما أروعك

تقبل ودي وتقديري

ميرال شكرا لهذا البياض النقي بحروفك العطره
سعدت في وقوفك هنا
كل التقدير والاحترام

شاعري البهي
غازي الرويلي
غرد ياأبوعبدالله ويحق لمثلك أن يغرد ويتفرد مادمت تكتب بهذا الجمال
نصك هذا لذيذ المذاق ومشع وبراق وفيه نكهه شماليه لايتقنها سوى من كان شمالي الهوى والنشأه