#بوح ..
 

مساء الخير يا أحبة..


يطش المزن دمعه.. على قلبي المجروح..
يبلل ضما روحي ..وترقص له احزاني..
غريب الحزن احيان تطرب عليه..الروح..
وكن الحزن والدمع مخلوق من شـاني..
كأني بنيت من الحزن في حشاي صْروح..
وعلقت..ثوبه.. في..مساميـر ..جدراني..
واطل بشبابيكـه.. على دمي ..المسفوح..
يصب وشعيبه سال.. بعروق..ودياني..
اشوف الغصن ورّق وفوقه حمـام الدوح..
سرق بوحي المترف..وقسّم من.. الحاني..
تركته يجرّب بالفضا.. صوته.. المبحوح..
يناجي .. خياله به ..ويلعب.. بوجداني..
هجرت الفضا كله.. ولجله..دفنت البـوح..
وادوّر على.. نفسي بعينه.. ولا القاني..
كأني سجين.. وكل ليلي.. قضيته ..نوح..
ادور ..على حضنٍ يلملم لي..اشجاني..
صحيت آتلمّس عقب حلمي..بقايا ضوح..
وفجأه طرقني..طيف صوته.. وناداني..
يا صدر الحزن دمعك غدا للملا مفضوح..
انا..طالبك.. تقبل .. وداعي..وتنساني..
وامانه تخبي.. دمعتك ..لا نويت ..تْـروح..
اخاف اطرب لدمعك وترقص لك احزاني..

#فرحان_الصعب

وهو كذلك لو رافقنا الحزن وجعلناهُ رفيقنا المخلص لبنى لهُ صروح متينة
وتأذينا وتجمدت أحلامنا وفقا لِماااا يرغب......
الله يبعد الحزن وإعوانه عن كل صاحب بوح
ويقرب الفرح لديار المسلمين

للشعر روح خفية وظاهرة علنية
يجند الأرواح ويعزف وتر القلب

تقبل الود يافرحان