|
أغليك ايوا
صباح الخير إن كان صباحاً ومساء الخير إن كان مساءً نص: أغليك ايوا .. أغليك ايوا !! ليش اصلا م أغليك دامك سكنت أحشاء قلبي لحالك بعطيك عمري وكل حياتي وبخليك ما بين عيني لين ألقى وصالك من عام وأنت ناكرني واخليك والصد واضح من طريقة سؤالك زعلان قلّي .. والله إني لراضيك بس لا تخيب هجوة الي وفالك اليوم جاي وتسأل اللي يحاتيك ما تدري بأنه "هوّه" يالي ف بالك أغليك ولله والله يشهد أناديك في كل حلم يمرني به خيالك أبغيك تهمس في آذوني وحاكيك واقول مالي في حياتي بدالك خذني حبيبي .. كأي حاجة حواليك محتاج قربك حطني تحت شالك ودي أضمك واندثربك ودفيك وافرش ضلوعي وانغمس في جمالك ابيع عمري وكل سنيني و اشريك بس انت مدري ويش اللي جرى لك العام سهله لا بغيتك ألاجيك واليوم مسمع حتى صوت إتصالك معذور والله والله يدري ويش الفيك ماهي علومك من تردى وصالك يمكن لقيت اللي تحبه ويراعيك ويمكن يحبك وكل جوه صفالك حسبي على الي من حنانه يرويك مايدري بأني من تجافيك هالك كانك بغيت تذبني بيه يمديك كلي فداك وإعتبرني حلالك حاولت أجيبك وعتنيبك وداريك جبتك ولكن انكسرت بسؤالك أغليك والله .. ليش تبغي أجافيك يا ريت أقدر وافسح لك مجالك استأذنك لحضه حبيبي بوديك داخل شراييني تطمن ف حالك وإن شفتني ماني عن الكل مغليك عندك خفوجي إذبح اللي بدالك :) |
رياح الشعر تهب من ساحل عُمان
فأهلا بها وبما حملت .. ورد وأقحوان لروحك يا عبدالملك |
عبد الملك قصيدة تفوح احساساً و روعة ...
سلمت أناملك |
يسلم حرفك واحساسك
قصيده عذبه جدا |
اقتباس:
شكرا لتلك الورود |
اقتباس:
شكرا لك أختي مرورك من هنا شرف لي لك الود |
اقتباس:
مرورك العذب ميرال لك كل الود |
عبدالملك البلوشي .....
• • • سلم بوحك وسلمت روحك ... نص جميل جداً يا عبدالملك .. سلمت الانامل ودام الفكر .. تقبل مروري .. |
| الساعة الآن 02:34 AM |
Powered by vBulletin® Copyright ©2000 - 2025, Jelsoft Enterprises Ltd.