|
الفراق أهون من انك تسفهيني
الفراق أهون من انك تسفهيني تنكري العشرة ولا تردي السلام ما هجيتك .. يا أميرة .. تكسريني وانا اشبه .. في حضورك .. للحطام لو .. دريتك يا غناتي ما تبيني ما طويت الأرض .. جيتك فالزحام بس حسافه .. الظاهر انك تكرهيني من عرفتك .. وانا وانتي ف اصطدام لو يطول الوقت الأغبر .. بين ديني غيرك انتي ما عرف قلبي مرام هان حالي .. ماله داعي تنكريني هذا اخر يوم اشوفك يا مدام بس بغيتك قبل ل مشي تسمعيني تنصتي لقولي .. ولو طال الكلام الأماكن .. كلها ما ترتويني من بعد ما جفني منك .. الغمام لو تشوفي الوضع بعدك .. صدقيني ما رضيتي - التييييييه- واحوالك تمام بس اقول لمن .. وانا من يبيني ماقدر حتى يرد لّي السلام !! الأهل .. لو طالبوا .. ماتحتويني ما لزوم توافقيهم .. بالتمام العشق .. اكبر من انك .. ترفضيني من اجل ارضاء رغبات العمام العمام الي بغونك تجبريني -بين ذل النفس أو كسب الحرام- الغنى حدهم .. عشان تقيميني مادروا .. بأن الغنى .. ماله دوام الله يرحم والدك .. ياما ف عيني حطك .. وقيد كفوفي للظلام وما صحيت .. الا وانا في مقلتيني اقلع الأحلام من طول المنام وجيتلك هاليوم .. مابي تعشقيني جيتلك جايب قلاده للغرام البسيها ف يوم عرسك .. وذكريني ويا عسى سنينك يدوم بها السلام |
يا عبدالملك
لا فض الله فاك أجزلت وأفضلت تقبل خالص التحية |
اقتباس:
بين بداية النص وخاتمته أفاق رحبه من وصية العاشق لمعشوقته وكأنك رحلت بنا بطريقة(الفلاش باك) لنعيش معك تفاصيل هذا النص الوصيّه ــــــــــــــــــــــــــــــــــــــــــــــــــ ـــــــ ختاماً/ ياعسى سنينك يدوم بها العشق لتتحفنا بالشعر |
و كأنني سمعتها منكَ حقاً أحببتها جدّا يا عبد الملك ! أشتهي قراءة المزيد ، بانتظار الجديد |
اقتباس:
تسلم يالغالي بيض الله وجهك |
اقتباس:
عبد الملك صباح الشعر كنت هنا نتمنى ان نراك كثيرا تقديري |
الأماكن .. كلها ما ترتويني
من بعد ماجفني منك .. الغمام • • • عبدالملك البلوشي ... سلمت أيها العاشق الشاعر الرائع ... نص جميل جداً جداً جداً .. صورةً وحرفاً وفكره .. سلمت أناملك ودام فكرك ياراقي تقبل مروري ... |
اقتباس:
شكرا لك بحجم حروفك الجميلة اتمنى لك كل التوفيق |
| الساعة الآن 02:41 PM |
Powered by vBulletin® Copyright ©2000 - 2025, Jelsoft Enterprises Ltd.