الطريـــــــــــــــــــــــق !!
 

:


:


مساء العاطفة والوجد !
مساحة صدق

لــ نواف التركي
صديقي وصديق التجربة
وله الشكر على هذه الدعوة الميمونة

ولقلوبكم الندية في أبعاد الشعر والكلمة
يشرفني هذا الحضور بصدق , واليكم مايلي :


:

:





[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]بلادي .. يابلادي .. يابلادي والطريق منين=عجزت القى مكان يلم خطواتي ويقراني
لمين ابكي بعد رب البرية واشتكيك لمين=بكيت وجيه ناس ولا بكى واحد على شاني
بلادي .. والطريق اللي حداني للسفر تنين=يبث النار من فم المسافة لين تصلاني
كذا ترضين ؟ اصير انسان يبكي .. ينكسر ويلين=ليا شفت السنين تمر واللحظة تعداني
منافي في منافي والفرج في صومعة بعدين=يفر المسبحة ويقبّل المحراب وحداني
بلادي .. ماعرفتيني ؟ وانا اللي جلت صدرك لين=مليت الخبت من دمع الرحيل وغيمة احزاني
هنا في ربعك الخالي مكبّل من ثلاث سنين=هنا ..والبرد يجلد عبرتي ويشل وجداني
من ايام " ايدمة " لــ " الخن " لاول جرح في " يبرين "=وانا اهذي بالطروق المبكيات وسرب قيفاني
بلادي كيف اخاف من الدما ؟ واخشى من السكين=مدام المشكلة بيني وبين تراب ودياني
ورب المصحف اني رحت اقسم خافقي نصفين=عشان احيا بنصف وللحبايب نصفي الثاني
عشان اخرج من افواه الظلال وكلمة " المسكين "=واطمن خاطر امي واستقيم بنظرة اخواني
بلادي .. يا بلادي .. يا بلادي .. والبقية وين=عساي القى مكان يشتت احزاني ويقراني[/POEM]

:

:


ولكم وافر التحايا والاعزاز .





عبدالله

وهنا ضوء آخر
يشق المكان
عبدالله سعيد
أخي العزيز
زميل الحرف المبهج
الشاعر الشفاف
الراقي
أبعاد أدبية كسبت شاعر مختلف
فيا مرحبا بأخي الكريم
وتو ما أنور المكان
تحياتي
اختك